ՀՌՈՎՄԱՅԵՑԻՍ 2:5 - Western Armenian New Translation - Armenian Catholicosate of Cilicia - New Testament

⁵ Քու կարծրութեամբդ եւ չզղջացող սրտովդ միայն բարկութիւն է որ կը դիզես քեզի համար, երբ բարկութեան օրը գայ եւ Աստուծոյ արդար դատաստանը յայտնուի։

Արեւմտահայերէն Նոր Կտակարան հարմարցուած․ 2017

⁵ Բայց դուն քու խստութիւնովդ եւ անզիղջ սրտովդ քու անձիդ վրայ բարկութիւն կը դիզես՝ բարկութեան օրուան համար, երբ Աստուծոյ արդար դատաստանը պիտի յայտնուի։

Western Armenian Bible 1853

⁵ Բայց դուն քու խստութիւնովդ եւ անզիղջ սրտովդ քու անձիդ վրայ բարկութիւն կը դիզես՝ բարկութեան օրուան համար, երբ Աստուծոյ արդար դատաստանը պիտի յայտնուի։

ՀՌՈՎՄԱՅԵՑԻՍ 2:5 Iomraidhean Croise

ՀՌՈՎՄԱՅԵՑԻՍ 1:18

Բայց Աստուծոյ բարկութիւնը երկինքէն պիտի յայտնուի մարդոց անհաւատութեան եւ անիրաւութեան համար, որոնց անիրաւութիւնը թոյլ չի տար որ ճշմարտութիւնը երեւան գայ։

ՀՌՈՎՄԱՅԵՑԻՍ 11:25

Եղբայրնե՛ր, որպէսզի դուք ձեզ իմաստուն չհամարէք՝ կ՚ուզեմ որ Աստուծոյ ծրագիրին վերաբերմամբ հետեւեալ ծածուկ խորհուրդը գիտնաք, թէ Իսրայէլի մէկ մասին ցուցաբերած յամառ մերժումը պիտի տեւէ այնքան՝ մինչեւ որ բոլոր հեթանոսները Աստուծոյ դառնան.

ՀՌՈՎՄԱՅԵՑԻՍ 9:22

Արդ, Աստուած իր բարկութիւնը ցոյց տալ եւ իր զօրութիւնը ճանչցնել ուզելով՝ մեծ համբերատարութեամբ համբերեց բարկութեան արժանի մարդոց, որոնք կորուստի դատապարտուած են,

ԵՐԿՐՈՐԴ ԿՈՐՆԹԱՑԻՍ 5:10

Որովհետեւ բոլորս ալ Քրիստոսի ատեանին դիմաց պիտի կանգնինք, որպէսզի իւրաքանչիւրը իր մարմինով ընդունի հատուցումը երկրի վրայ իր կատարած բարի կամ չար գործերուն։

ԵՐԿՐՈՐԴ ԹԵՍԱՂՈՆԻԿԵՑԻՍ 1:5

Ձեր համբերութիւնն ու հաւատքը ապացոյցը պիտի ըլլան Աստուծոյ արդար դատաստանին, որովհետեւ դուք արժանի պիտի ըլլաք Աստուծոյ արքայութեան, որուն համար այդքան կը տանջուիք։

ԵԲՐԱՅԵՑԻՍ 3:13

Այլ, որքան ատեն որ Սուրբ գիրքին ըսած «Այսօր» ը ձեզի եւս կը վերաբերի՝ յորդորեցէ՛ք իրար ամէն օր, որպէսզի ոեւէ մէկը մեղքերէ տարուելով իր սիրտը չփակէ Աստուծոյ դիմաց.

ԵԲՐԱՅԵՑԻՍ 3:15

Ահա թէ ինչու՝ կ՚ըսէ.– «Այսօր երբ կը լսէք Աստուծոյ ձայնը, ձեր սիրտերը մի՛ փակէք, ինչպէս անցեալին անոր դէմ ըմբոստացաք»։

ԵԲՐԱՅԵՑԻՍ 4:7

Աստուած ուրի՛շ օր մը կը սահմանէ, եւ ատիկա կ՚արտայայտէ՝ երբ Դաւիթի բերնով «Այսօր» ըսելով կը խօսի այնքան ժամանակ ետք, այն խօսքին մէջ՝ որ վերեւ մէջբերուեցաւ.– «Այսօր երբ կը լսէք Աստուծոյ ձայնը, ձեր սիրտերը մի՛ փակէք»։

ՅԱԿՈԲՈՒ 5:3

Ձեր արծաթն ու ոսկին ժանգոտ են, եւ անոնց ժանգը ձեզի դէմ վկայութիւն պիտի ըլլայ եւ կրակի պէս լափէ ձեր մարմինները, քանի շուտով իր վախճանին մօտեցող այս աշխարհին մէջ դուք միայն ա՛յս գանձերը դիզեցիք։

ԵՐԿՐՈՐԴ ՊԵՏՐՈՍԻ 2:9

Եւ այսպէս, Տէրը գիտէ աստուածապաշտները փրկել իրենց փորձութիւններէն։ Իսկ անիրաւները կը պահէ՝ դատաստանի օրուան տանջանքներուն մատնելու համար։

ԵՐԿՐՈՐԴ ՊԵՏՐՈՍԻ 3:7

Նոյնպէս ալ, երկինքն ու երկիրը Աստուծոյ նոյն խօսքով կը պահուին՝ կրակին համար, այսինքն՝ դատաստանի օրուան, երբ ամբարիշտ մարդիկը կորուստի պիտի մատնուին։

ՅՈՒԴԱՅԻ 1:6

Յիշեցէ՛ք նոյնպէս, թէ ի՛նչպէս վարուեցաւ այն հրեշտակներուն հետ, որոնք իրենց տրուած իշխանութեամբ չգոհանալով՝ իրենց սահմաններէն դուրս եկան, եւ Աստուած զանոնք մշտնջենական շղթաներով կապուած կը պահէ խաւարին մէջ, մինչեւ որ դատաստանի մեծ օրը գայ։

ՅԱՅՏՆՈՒԹԻՒՆ 2:21

Ես իրեն ժամանակ տուի որ ապաշխարէ իր պոռնկութեան համար, բայց չապաշխարեց։

ՅԱՅՏՆՈՒԹԻՒՆ 6:17

որովհետեւ անոր բարկութեան ահաւոր օրը եկաւ, եւ ո՞վ կրնայ անոր առջեւ դիմանալ»։