ՀՌՈՎՄԱՅԵՑԻՍ 13:7 - Western Armenian New Translation - Armenian Catholicosate of Cilicia - New Testament

⁷ Հետեւաբար անոնցմէ իւրաքանչիւրին հանդէպ ձեր պարտաւորութիւնը կատարեցէք, տուրքը տալով անոր՝ որուն տուրք պէտք է տաք, մաքսը տալով անոր՝ որուն մաքս պէտք է տաք, հնազանդելով անոր՝ որուն հնազանդութիւն կը պարտիք եւ յարգելով ան՝ որուն յարգանք կը պարտիք։

Արեւմտահայերէն Նոր Կտակարան հարմարցուած․ 2017

⁷ Ուստի հատուցանեցէ՛ք պէտք եղածը անոնց։ Որո՛ւ որ տուրք տրուելու է ՝ տուրքը, որո՛ւ որ մաքս՝ մաքսը, որո՛ւ որ վախ՝ վախնալը, որո՛ւ որ պատիւ՝ պատիւը։

Western Armenian Bible 1853

⁷ Ուստի հատուցանեցէ՛ք պէտք եղածը անոնց։ Որո՛ւ որ տուրք տրուելու է՝ տուրքը, որո՛ւ որ մաքս՝ մաքսը, որո՛ւ որ վախ՝ վախնալը, որո՛ւ որ պատիւ՝ պատիւը։

ՀՌՈՎՄԱՅԵՑԻՍ 13:7 Iomraidhean Croise

ՄԱՏԹԷՈՍ 17:25

Եւ երբ տուն մտան, Յիսուս կանխելով Պետրոսի ըսելիքը, հարցուց. – Սիմո՛ն, ի՞նչ է կարծիքդ, աշխարհի թագաւորները հարկերը եւ տուրքերը որմէ՞ կ՚առնեն, քաղաքացիներէ՞ն թէ օտարներէն։

ՄԱՏԹԷՈՍ 22:21

Անոնք պատասխանեցին. – Կայսրին։ Այն ատեն Յիսուս ըսաւ անոնց. – Գացէք եւ ինչ որ կայսրին կը պատկանի՝ կայսրին տուէք, եւ ինչ որ Աստուծոյ՝ Աստուծոյ տուէք։

ՄԱՐԿՈՍ 12:17

Յիսուս ըսաւ անոնց. – Գացէք եւ ինչ որ կայսրին կը պատկանի՝ կայսրին տուէք եւ ինչ որ Աստուծոյ՝ Աստուծոյ տուէք։ Եւ բոլորն ալ հիացան իր վրայ։

ՂՈԻԿԱՍ 20:22

Ըսէ՛ մեզի, մեր Օրէնքին համաձայն պէ՞տք է կայսրին տուրք տանք, թէ ոչ։

ՂՈԻԿԱՍ 20:25

Յիսուս ըսաւ անոնց. – Գացէ՛ք, ինչ որ կայսրին կը պատկանի՝ կայսրին տուէք եւ ինչ որ Աստուծոյ՝ Աստուծոյ տուէք։

ՂՈԻԿԱՍ 23:2

եւ սկսան ամբաստանել զայն, ըսելով. – Մենք տեսանք որ այս մարդը մեր ժողովուրդը կը մոլորեցնէր եւ կ՚արգիլէր կայսրին տուրք տալ, ինչպէս նաեւ իր անձին համար կ՚ըսէր՝ թէ ինք Քրիստոսն է, օծեալ թագաւորը։

ՀՌՈՎՄԱՅԵՑԻՍ 12:10

Եղբօրպէս իրար սիրեցէք գորովանքով։ Յարգելու մէջ իրար գերազանցեցէք։

ՀՌՈՎՄԱՅԵՑԻՍ 13:6

Ատոր համար է նաեւ, որ իշխանութեանց տուրք կը վճարէք, որպէսզի իբրեւ Աստուծոյ պաշտօնեաներ՝ շարունակեն իրենց այդ դերը կատարել։

ԵՓԵՍԱՑԻՍ 5:33

Բայց նոյնը կը վերաբերի նաեւ ձեզմէ իւրաքանչիւրին, որովհետեւ իւրաքանչիւր այր պէտք է իր կինը սիրէ իր անձին պէս, եւ ամէն կին պէտք է յարգէ իր ամուսինը։

ԵՓԵՍԱՑԻՍ 6:5

Ծառանե՛ր, ձեր մարմնաւոր տէրերուն հնազանդեցէք պատկառանքով ու երկիւղածութեամբ եւ անկեղծ սիրտով, ճիշդ ինչպէս Քրիստոսի պիտի հնազանդէիք։

ԱՌԱՋԻՆ ՏԻՄՈԹԷՈՍ 5:13

Միաժամանակ, ծուլութեան վարժուելով՝ կը սկսին տունէ տուն շրջիլ, եւ ո՛չ միայն ծոյլ, այլ նաեւ բամբասող ու հետաքրքիր կը դառնան, եւ իրենց գործը չեղած բաներու մասին կը խօսին։

ԱՌԱՋԻՆ ՏԻՄՈԹԷՈՍ 5:17

Այն երէցները որոնք լաւ վերակացութիւն կ՚ընեն եկեղեցիին՝ կրկնակի վարձատրութեան արժանի թող նկատուին, մանաւանդ անոնք՝ որոնք կ՚աշխատին թէ՛ քարոզելով եւ թէ՛ ուսուցանելով։

ԱՌԱՋԻՆ ՏԻՄՈԹԷՈՍ 6:1

Անոնք որ ծառայութեան լուծին տակ են՝ թող բացարձակ յարգանք ցոյց տան իրենց տէրերուն, որպէսզի Աստուծոյ անունը եւ Քրիստոսի ուսուցումները հայհոյութեան առարկայ չդառնան։

ԱՌԱՋԻՆ ՊԵՏՐՈՍԻ 3:7

Իսկ դուք, այրե՛ր, իմաստութեամբ ապրեցէք ձեր կիներուն հետ, պատուելով զանոնք՝ իրենց տկար բնութեան համար, քանի անոնք եւս մեզի հետ պիտի ժառանգեն կեանքիպարգեւը, որ Աստուած պիտի տայ։ Այդպիսով ոեւէ բան պիտի չխանգարէ ձեր աղօթքները։