ՀՌՈՎՄԱՅԵՑԻՍ 10:12 - Western Armenian New Translation - Armenian Catholicosate of Cilicia - New Testament

¹² Հաւատքի մէջ խտրութիւն չկայ Հրեային ու հեթանոսին միջեւ. բոլորին ալ Տէրը նոյն Տէրն է, որ գթառատ է բոլոր անոնց հանդէպ՝ որոնք զինք կը կանչեն,

Արեւմտահայերէն Նոր Կտակարան հարմարցուած․ 2017

¹² Վասն զի խտրութիւն չկայ Հրեային ու Յոյնին միջեւ, վասն զի ամենուն Տէրը նոյնն է, որ առատութեամբ կը հասնի անոնց, որոնք իրեն կը կանչեն։

Western Armenian Bible 1853

¹² Վասն զի խտրութիւն չկայ Հրեային ու Յոյնին միջեւ, վասն զի ամենուն Տէրը նոյնն է, որ առատութեամբ կը հասնի անոնց, որոնք իրեն կը կանչեն։

ՀՌՈՎՄԱՅԵՑԻՍ 10:12 Iomraidhean Croise

ԳՈՐԾՔ ԱՌԱՔԵԼՈՑ 7:59

Մինչ անոնք կը քարկոծէին, Ստեփանոս այսպէս կ՚աղօթէր. –Տէ՜ր Յիսուս, ընդունէ՛ իմ հոգիս։

ԳՈՐԾՔ ԱՌԱՔԵԼՈՑ 9:14

Եւ այստեղ եկած է աւագ քահանաներուն կողմէ լիազօրուած, ձերբակալելու համար բոլոր անոնք՝ որոնք քեզ կը պաշտեն։

ՀՌՈՎՄԱՅԵՑԻՍ 14:9

Ատոր համար ալ Քրիստոս մեռաւ եւ վերակենդանացաւ, որպէսզի Տէրը ըլլայ բոլորին, թէ՛ ապրողներուն եւ թէ՛ մեռածներուն հաւասարապէս։

ՀՌՈՎՄԱՅԵՑԻՍ 15:12

Իսկ Եսայի կ՚ըսէ.– «Յեսսէի արմատը պիտի ծլի եւ պիտիելլէ՝ իշխելու համար ազգերուն, եւ ազգերը իրենց յոյսը անոր պիտի կապեն»։

ՀՌՈՎՄԱՅԵՑԻՍ 2:4

Կամ կ՚արհամարհե՞ս անոր անչափքաղցրութիւնը, ներողամտութիւնը եւ համբերատարութիւնը, երբ գիտես որ Աստուծոյ քաղցրութիւնն է որ քեզ ապաշխարութեան կը բերէ։

ՀՌՈՎՄԱՅԵՑԻՍ 3:22

Առանց խտրութեան, բոլոր անոնք որոնք Քրիստոս Յիսուսի կը հաւատան, Աստուծոյ առջեւ կ՚արդարանան։

ԱՌԱՋԻՆ ԿՈՐՆԹԱՑԻՍ 1:2

կը գրենք ձեզի՝ Կորնթոսի մէջ հաստատուած Աստուծոյ եկեղեցիին, որ Քրիստոս Յիսուսով Աստուծոյ ընծայուած եւ իր սուրբ ժողովուրդը ըլլալու կոչուած էք, բոլոր անոնց հետ՝ որոնք ամէն տեղ մեր Տէր Յիսուս Քրիստոսը կը պաշտեն իբրեւ իրենց եւ մեր Տէրը։

ԱՌԱՋԻՆ ԿՈՐՆԹԱՑԻՍ 15:47

Առաջին մարդը երկրէն էր եւ հողեղէն, մինչ երկրորդ մարդը՝ մեր Տէրը, երկինքէն է։

ԵՐԿՐՈՐԴ ԿՈՐՆԹԱՑԻՍ 8:9

Արդարեւ, դուք գիտէք թէ մեր Տէրը՝ Յիսուս Քրիստոս ի՜նչ շնորհք ըրաւ մեզի. ինք որ հարուստն էր՝ աղքատացաւ ձեզի համար, որպէսզի իր աղքատանալովը դուք հարստանաք։

ԳԱՂԱՏԱՑԻՍ 3:28

Ալ ո՛չ Հրեայի եւ հեթանոսի խտրութիւն կայ, ո՛չ ստրուկի եւ ազատ մարդու, ո՛չ ալ արուի եւ էգի, որովհետեւ Քրիստոսի միանալով՝ բոլորդ ալ մէկ եղաք։

ԵՓԵՍԱՑԻՍ 1:7

Արդարեւ, անով փրկուեցանք եւ անոր արիւնով մեր մեղքերուն թողութիւն գտանք։ Որքա՜ն մեծ է իր շնորհքը,

ԵՓԵՍԱՑԻՍ 2:4

Բայց մինչ մենք մեր մեղքերուն պատճառով հոգեւորապէս մեռած էինք, Աստուած, որ առատ է իր ողորմութեամբ, մեզի հանդէպ ունեցած մեծ սիրոյն համար, որով մեզ սիրեց, մեզ վերստին կեանքի կոչեց Քրիստոսով։ Այո՛, շնորհք ըրաւ՝ փրկելով մեզ։

ԵՓԵՍԱՑԻՍ 2:7

որպէսզի գալիք բոլոր ժամանակներուն մէջ մարդիկ տեսնեն այն գերազանցօրէն մեծ շնորհքը, որ Աստուած ա՜յնքան բարութեամբ ցոյց տուաւ մեզի՝ Քրիստոս Յիսուսի անձին մէջ։

ԵՓԵՍԱՑԻՍ 3:16

որպէսզի իր ճոխ փառքին համաձայն ձեզի զօրութիւն տայ՝ որ իր Հոգիովը ամրապնդուիք ներքնապէս,

ԵՓԵՍԱՑԻՍ 3:6

Եւ Աստուծոյ ծրագիրը սա է, որ Աւետարանին միջոցաւ բոլոր ազգերն ալ Աստուծոյ ժողովուրդին ժառանգակից ըլլան, դառնան նոյն մարմինին անդամ, եւ բաժնեկից այն խոստումին՝ որ Աստուած իրագործեց Քրիստոս Յիսուսով։

ԵՓԵՍԱՑԻՍ 3:8

Այո՛, ինծի՝ որ Աստուծոյ ժողովուրդին մէջ յետիններուն յետինն եմ՝ Աստուած այս շնորհքը տուաւ, որպէսզի բոլոր ազգերուն աւետիս տամ՝ թէ ի՛նչպիսի աներեւակայելի գանձ մըն է Քրիստոս,

ՓԻԼԻՊՊԵՑԻՍ 2:11

եւ ամէն լեզու դաւանի թէ Յիսուս Քրիստոս «Տէր» է, Հայրն Աստուածը փառաւորելու համար։

ՓԻԼԻՊՊԵՑԻՍ 4:19

Թող ամենառատն Աստուած ի՛նք փառաւորապէս հոգայ ձեր բոլոր պէտքերը, Քրիստոս Յիսուսի ձեռքով։

ԿՈՂՈՍԱՑԻՍ 1:27

Աստուած ուզեց անոնց ցոյց տալ՝ թէ ի՜նչ հարուստ ու փառաւոր է իր ծրագիրը, որ կը վերաբերի բոլոր ազգերուն. եւ այդ ծրագիրն է՝ Քրիստոսը ճանչցնել ձեզի, գալիք փառքին յոյսով։

ԿՈՂՈՍԱՑԻՍ 3:11

Անգամ մը որ նորոգուեցաք՝ ա՛լ չկայ Հրեայ կամ հեթանոս, թլփատուած կամ անթլփատ, բարբարոս, վայրենի, ծառայ կամ ազատ. կայ միայն Քրիստոս, որ ամէն ինչ է եւ բոլորին մէջ։

ԱՌԱՋԻՆ ՏԻՄՈԹԷՈՍ 2:5

թէ՝ մէկ Աստուած կայ միայն, եւ Աստուծոյ եւ մարդոց միջեւ միակ միջնորդ մը՝ Քրիստոս Յիսուս մարդը,

ՅԱՅՏՆՈՒԹԻՒՆ 17:14

Անոնք Գառնուկին դէմ պիտի պատերազմին, բայց Գառնուկը պիտի յաղթէ անոնց, որովհետեւ ի՛նքն է տէրերուն Տէրը եւ թագաւորներուն Թագաւորը. իր կողքին պատերազմողները կանչուածներն են, ընտրեալները եւ հաւատարիմները։

ՅԱՅՏՆՈՒԹԻՒՆ 19:16

Անոր պատմուճանին եւ ազդրին վրայ գրուած անուն մը կար «ԹԱԳԱՒՈՐՆԵՐՈՒ ԹԱԳԱՒՈՐ ԵՒՏԷՐԵՐՈՒՏԷՐ»։