ՀՌՈՎՄԱՅԵՑԻՍ 1:7 - Western Armenian New Translation - Armenian Catholicosate of Cilicia - New Testament

⁷ Ողջո՜յն բոլորիդ որ Հռոմ կը բնակիք. ձեզի՝ որ Աստուած սիրեց եւ իր սուրբ ժողովուրդը ըլլալու կանչեց։ Թող Աստուած մեր Հայրը եւ Տէր Յիսուս Քրիստոս շնորհք եւ խաղաղութիւն պարգեւեն ձեզի։

Արեւմտահայերէն Նոր Կտակարան հարմարցուած․ 2017

⁷ ձեր բոլորին, որ Հռովմի մէջ էք, Աստուծոյ սիրելիներուդ, սուրբ ըլլալու կանչուածներուդ, շնորհք եւ խաղաղութիւն ձեզի Աստուծմէ մեր Հօրմէն ու Տէր Յիսուս Քրիստոսէն։

Western Armenian Bible 1853

⁷ Ձեր բոլորին, որ Հռովմի մէջ էք, Աստուծոյ սիրելիներուդ, սուրբ ըլլալու կանչուածներուդ, շնորհք եւ խաղաղութիւն ձեզի Աստուծմէ մեր Հօրմէն ու Տէր Յիսուս Քրիստոսէն։

ՀՌՈՎՄԱՅԵՑԻՍ 1:7 Iomraidhean Croise

ՄԱՏԹԷՈՍ 5:16

Նոյնպէս ալ, ձեր լոյսը թող այնպէս շողայ մարդոց առջեւ, որ անոնք ձեր բարի գործերը տեսնեն եւ փա ռաւորեն ձեր Հայրը, որ երկինքի մէջ է –

ՅՈՎՀԱՆՆՈԻ 20:17

Մի՛ դպչիր ինծի,– ըսաւ Յիսուս անոր,– որովհետեւ տակաւին Հօրս մօտ չեմ ելած։ Բայց դուն գնա՛ իմ եղբայրներուս եւ ըսէ՛ անոնց, թէ ես կ՚ելլեմ իմ Հօրս եւ ձեր Հօրը մօտ, իմ Աստուծոյս եւ ձեր Աստուծոյն մօտ։

ԳՈՐԾՔ ԱՌԱՔԵԼՈՑ 15:23

Անոնց ձեռքով նաեւ հետեւեալ նամակը ղրկեցին Անտիոքի եղբայրներուն.– «Առաքեալներէն, երէցներէն ու եղբայրներէն՝ ողջոյն ձեզի, հեթանոսութենէ դարձի եկած եղբայրներուդ, որ Անտիոքի, Սուրիայի եւ Կիլիկիայի մէջ կը գտնուիք»։

ԳՈՐԾՔ ԱՌԱՔԵԼՈՑ 9:13

Տէ՛ր,– պատասխանեց Անանիա,– շատերէն լսեցի այդ մարդուն մասին եւ Երուսաղէմի մէջ քու հաւատացեալ ժողովուրդիդ դէմ անոր գործած բազմաթիւ չարիքներուն մասին։

ՀՌՈՎՄԱՅԵՑԻՍ 1:6

որոնց կարգին դուք ալ Յիսուս Քրիստոսի պատկանելու կանչուեցաք։

ՀՌՈՎՄԱՅԵՑԻՍ 5:1

Հիմա որ ա՛լ հաւատքով արդարացած ենք, մեր Տիրոջ Յիսուս Քրիստոսի միջոցաւ հաշտուած ենք Աստուծոյ հետ։

ՀՌՈՎՄԱՅԵՑԻՍ 5:5

իսկ յոյսը երբեք ամօթով չի ձգեր, որովհետեւ Աստուծոյ սէրը տեղ գտած է մեր սիրտերուն մէջ՝ մեզի տրուած Սուրբ Հոգիին միջոցաւ։

ՀՌՈՎՄԱՅԵՑԻՍ 8:28

Գիտենք, թէ Աստուած բարիին համար գործակից կ՚ըլլայ անոնց՝ որոնք կը սիրեն զինք եւ իր ծրագրին համաձայն իրեն կանչուած են։

ՀՌՈՎՄԱՅԵՑԻՍ 8:39

ո՛չ վերին եւ ո՛չ ալ ներքին աշխարհները, ո՛չ ալ ուրիշ ստեղծագործութիւն մը կրնայ մեզ բաժնել Աստուծոյ սէրէն, որ մենք ճանչցանք մեր Տիրոջ Յիսուս Քրիստոսի միջոցաւ։

ՀՌՈՎՄԱՅԵՑԻՍ 9:25

ինչպէս որ Ովսէա մարգարէին բերնով կ՚ըսէ.– «Ան որ իմ ժողովուրդս չէր՝ իմ ժողովուրդս պիտի կոչեմ, ան որ սիրելի չէր ինծի՝ սիրելի պիտի կոչեմ։

ԱՌԱՋԻՆ ԿՈՐՆԹԱՑԻՍ 1:24

թէպէտ նոյն այդ Հրեաներէն ու Յոյներէն կանչուածներուն եւ դարձի եկածներուն համար՝ անիկա Քրիստոսն է, Աստուծոյ զօրութիւնը եւ Աստուծոյ իմաստութիւնը։

ԱՌԱՋԻՆ ԿՈՐՆԹԱՑԻՍ 16:23

Մեր Տիրոջ՝ Յիսուս Քրիստոսի շնորհքը ձեր բոլորին հետ ըլլայ։

ԳԱՂԱՏԱՑԻՍ 6:18

Եղբայրնե՛ր, մեր Տէր Յիսուս Քրիստոսի շնորհքը ձեր բոլորին հետ ըլլայ։ Ամէն։

ԵՓԵՍԱՑԻՍ 1:2

Թող Աստուած մեր Հայրը եւ Տէր Յիսուս Քրիստոս շնորհք եւ խաղաղութիւն պարգեւեն ձեզի։

ԵՓԵՍԱՑԻՍ 6:23

Թող Հայրն Աստուած եւ Տէր Յիսուս Քրիստոս հաւատակից եղբայրներուդ խաղաղութիւն եւ սէր շնորհեն՝ հաւատքով միասին։

ՓԻԼԻՊՊԵՑԻՍ 1:2

Թող Աստուած մեր Հայրը եւ Տէրը Յիսուս Քրիստոս շնորհք եւ խաղաղութիւն պարգեւեն ձեզի։

ՓԻԼԻՊՊԵՑԻՍ 4:13

Ամէն ինչ կրնամ տանիլ շնորհիւ Քրիստոսի, որ զիս զօրացուց։

ՓԻԼԻՊՊԵՑԻՍ 4:20

Յաւիտեանս յաւիտենից փա՜ռք Աստուծոյ, մեր Հօրը։ Ամէն։

ՓԻԼԻՊՊԵՑԻՍ 4:23

Ձեզ կը բարեւեն նաեւ այստեղի բոլոր հաւատացեալները, մանաւանդ կայսրին ծառայութեան մէջ եղողները։

ԿՈՂՈՍԱՑԻՍ 1:2

կը գրենք ձեզի՝ Կողոսա գտնուող ընտրեալներուդ, Քրիստոսի միացած հաւատացեալ եղբայրներուդ։ Թող Աստուած մեր Հայրը եւ Տէր Յիսուս Քրիստոս շնորհք եւ խաղաղութիւն պարգեւեն ձեզի։

ԿՈՂՈՍԱՑԻՍ 3:12

Հետեւաբար, իբրեւ Աստուծոյ կողմէ ընտրուած ու սրբուած եւ իր սէրը վայելող մարդիկ՝ գթասիրտ եղէք. եղէք ողորմած, քաղցր, խոնարհ, հեզ եւ համբերատար։

ԿՈՂՈՍԱՑԻՍ 3:15

Ձեր սիրտերուն մէջ Քրիստոսի խաղաղութիւնը թող թագաւորէ, որովհետեւ Աստուած այդ խաղաղութեան կանչեց ձեզ՝ մէկ մարմինի մէջ, որ Քրիստոսի եկեղեցին է։ Ուստի շնորհակալ եղէք Աստուծոյ։

ԱՌԱՋԻՆ ԹԵՍԱՂՈՆԻԿԵՑԻՍ 1:1

Մենք՝ Պօղոս, Սիղուանոս եւ Տիմոթէոս, կը գրենք ձեզի՝ Թեսաղոնիկեցիներու եկեղեցիին, որ Հօր Աստուծոյ եւ Տէր Յիսուս Քրիստոսի կը պատկանի։ Շնորհք եւ խաղաղութիւն ձեզի։

ԱՌԱՋԻՆ ԹԵՍԱՂՈՆԻԿԵՑԻՍ 1:3

Հօր Աստուծոյ առջեւ միշտ կը յիշենք՝ թէ ի՛նչպէս կեանքի կը վերածէք ձեր հաւատքը, սէրէն մղուած կը ծառայէք ուրիշներուն, եւ մեր Տիրոջ Յիսուս Քրիստոսի յուսալով՝ նեղութիւններու կը համբերէք։

ԱՌԱՋԻՆ ԹԵՍԱՂՈՆԻԿԵՑԻՍ 1:4

Եղբայրնե՛ր, գիտէք թէ Աստուած ձեզ սիրեց եւ ընտրեց,

ԱՌԱՋԻՆ ԹԵՍԱՂՈՆԻԿԵՑԻՍ 4:7

Միթէ Աստուած մեր պղծալից կեանքը շարունակելո՞ւ հրաւիրեց մեզ, թէ՝ սրբութեամբ ապրելու։ Անշուշտ թէ սրբութեամբ ապրելու։

ԱՌԱՋԻՆ ԹԵՍԱՂՈՆԻԿԵՑԻՍ 5:28

Մեր Տիրոջ Յիսուս Քրիստոսի շնորհքը ձեզի հետ ըլլայ։

ԵՐԿՐՈՐԴ ԹԵՍԱՂՈՆԻԿԵՑԻՍ 1:2

Թող Աստուած՝ մեր Հայրը եւ Տէր Յիսուս Քրիստոս շնորհք եւ խաղաղութիւն պարգեւեն ձեզի։

ԵՐԿՐՈՐԴ ԹԵՍԱՂՈՆԻԿԵՑԻՍ 3:16

Թող խաղաղութիւն պարգեւող Տէրը ինք խաղաղութիւն տայ ձեզի, ամէն ատեն եւ ամէն կերպով։ Տէրը ձեր բոլորին հետ ըլլայ։

ԵՐԿՐՈՐԴ ԹԵՍԱՂՈՆԻԿԵՑԻՍ 3:18

Մեր Տիրոջ Յիսուս Քրիստոսի շնորհքը ձեր բոլորին հետ ըլլայ։

ԱՌԱՋԻՆ ՏԻՄՈԹԷՈՍ 1:2

քեզի՛ կը գրեմ, հաւատքի հարազատ որդիս, Տիմոթէոս։ Թող Հայրն Աստուած եւ մեր Տէրը Քրիստոս Յիսուս՝ շնորհք, ողորմութիւն եւ խաղաղութիւն պարգեւեն քեզի։

ԱՌԱՋԻՆ ՏԻՄՈԹԷՈՍ 6:2

Իսկ անոնք որոնք քրիստոնեայ տէրեր ունին, Քրիստոսով եղբայր ըլլալնուն համար թող չարհամարհեն զանոնք. ընդհակառակը, թող աւելի՛ ծառայեն, քանի իրենց ծառայութենէն օգտուողները հաւատակիցներ են եւ սիրելի։ Այս բաները սորվեցուր եւ յանձնարարէ։

ԵՐԿՐՈՐԴ ՏԻՄՈԹԷՈՍ 1:2

քեզի՛ կը գրեմ, ո՛վ Տիմոթէոս, իմ սիրելի որդիս։ Թող Հայրն Աստուած եւ մեր Տէրը Քրիստոս Յիսուս շնորհք, ողորմութիւն եւ խաղաղութիւն պարգեւեն քեզի։

ԵՐԿՐՈՐԴ ՏԻՄՈԹԷՈՍ 4:22

Տէր Յիսուս Քրիստոս քու հետդ ըլլայ։ Աստուծոյ շնորհքը հետդ ըլլայ։

ՏԻՏՈՍԻՆ 1:4

Ո՛վ Տիտոս, մեր հասարակաց հաւատքի ճամբով իմ հարազատ որդիս, թող Հայրն Աստուած եւ մեր փրկիչը Քրիստոս Յիսուս շնորհք եւ խաղաղութիւն պարգեւեն քեզի։

ՓԻԼԻՄՈՆ 1:25

Մեր Տիրոջ Յիսուս Քրիստոսի շնորհքը ձեզի հետ ըլլայ։

ՓԻԼԻՄՈՆ 1:3

Թող մեր Հայրը՝ Աստուած եւ Տէրը՝ Յիսուս Քրիստոս շնորհք եւ խաղաղութիւն պարգեւեն ձեզի։

ՅԱԿՈԲՈՒ 1:1

Ես, Յակոբոս, Աստուծոյ եւ Տէր Յիսուս Քրիստոսի ծառան, կ՚ողջունեմ ձեզ՝ Աստուծոյ ժողովուրդին անդամներդ, որ համայն աշխարհի մէջ ցրուած էք։

ԱՌԱՋԻՆ ՊԵՏՐՈՍԻ 1:15

Այլ, ինչպէս որ ձեզ կանչողը՝ Աստուած սուրբ է, դուք ալ սուրբ եղէք ձեր ամբողջ կեանքով,

ԱՌԱՋԻՆ ՅՈՎՀԱՆՆՈՒ 3:1

Տեսէք թէ ինչպիսի՜ սիրով Հայրը մեզ սիրեց, ուզելով որ Աստուծոյ որդիներ կոչուինք եւ արդարեւ Աստուծոյ որդիներն ենք։ Աշխարհը մեզ չի ճանչնար, որովհետեւ չճանչցաւ զայն։

ԵՐԿՐՈՐԴ ՅՈՎՀԱՆՆՈՒ 1:3

Թող Հայրն Աստուած եւ Հօրը Որդին՝ մեր Տէրը Յիսուս Քրիստոս շնորհք, ողորմութիւն եւ խաղաղութիւն պարգեւեն ձեզի, որպէսզի ճշմարտութեան եւ սիրոյ մէջ մնաք։

ՅԱՅՏՆՈՒԹԻՒՆ 2:1

Եփեսոսի եկեղեցիին հրեշտակին գրէ՛. «Այսպէս կ՚ըսէ ան՝ որ իր աջ ձեռքին մէջ ունի եօթը աստղերը եւ որ կը շրջի եօթը ոսկի ճրագարաններուն միջեւ.–

ՅԱՅՏՆՈՒԹԻՒՆ 2:12

Պերգամոնի եկեղեցիին հրեշտակին գրէ՛. «Այսպէս կ՚ըսէ ան՝ որ սրուած երկսայրի սուրը ունի.–

ՅԱՅՏՆՈՒԹԻՒՆ 2:18

Թիատիրի եկեղեցիին հրեշտակին գրէ՛. «Այսպէս կ՚ըսէ Աստուծոյ Որդին, որուն աչքերը կրակի բոցի պէս են եւ ոտքերը՝ հրաշէկ անագապղինձի նման.–

ՅԱՅՏՆՈՒԹԻՒՆ 2:29

«Ան որ ականջ ունի՝ թող լսէ թէ Հոգին ի՛նչ կ՚ըսէ եկեղեցիներուն»։

ՅԱՅՏՆՈՒԹԻՒՆ 2:8

Զմիռնիայի եկեղեցիին հրեշտակին գրէ՛. «Այսպէս կ՚ըսէ Առաջինն ու Վերջինը, ան՝ որ մեռաւ ու վերակենդանացաւ.–

ՅԱՅՏՆՈՒԹԻՒՆ 22:21

Մեր Տէր Յիսուս Քրիստոսի շնորհքը թող Աստուծոյ ամբողջ ժողովուրդին վրայ ըլլայ։ Ամէն։

ՅԱՅՏՆՈՒԹԻՒՆ 3:14

Լաւոդիկիայի եկեղեցիին հրեշտակին գրէ՛. «Այսպէս կ՚ըսէ Ամէնը, հաւատարիմ եւ ճշմարիտ Վկան, Աստուծոյ ստեղծագործութեան Սկիզբը.–

ՅԱՅՏՆՈՒԹԻՒՆ 3:22

«Ան որ ականջ ունի՝ թող լսէ թէ Հոգին ի՛նչ կ՚ըսէ եկեղեցիներուն»։

ՅԱՅՏՆՈՒԹԻՒՆ 3:7

Ֆիլատելֆիայի եկեղեցիին հրեշտակին գրէ՛. «Այսպէս կ՚ըսէ Սուրբը, Ճշմարիտը, ան՝ որ Դաւիթի բանալին ունի. երբ բանայ՝ չկայ մէկը որ գոցէ զայն, եւ երբ գոցէ՝ չկայ մէկը որ բանայ զայն.–