ՀՌՈՎՄԱՅԵՑԻՍ 1:16 - Western Armenian New Translation - Armenian Catholicosate of Cilicia - New Testament

¹⁶ Ասիկա կ՚ըսեմ, որովհետեւ ամօթ չեմ համարեր Աւետարանը։ Ընդհակառակը, անիկա Աստուծոյ զօրութիւնն է՝ որ կը փրկէ ամէն հաւատացող, նախ Հրեան, ապա նաեւ ոչ–Հրեան։

Արեւմտահայերէն Նոր Կտակարան հարմարցուած․ 2017

¹⁶ Վասն զի ես ամօթ չեմ սեպեր աւետարանը քանզի Աստուծոյ զօրութիւնն է ան՝ բոլոր հաւատացեալներուն փրկութեան համար՝ առաջ Հրեային ու ետքը Յոյնին։

Western Armenian Bible 1853

¹⁶ Վասն զի ես ամօթ չեմ սեպեր աւետարանը քանզի Աստուծոյ զօրութիւնն է ան՝ բոլոր հաւատացեալներուն փրկութեան համար՝ առաջ Հրեային ու ետքը Յոյնին։

ՀՌՈՎՄԱՅԵՑԻՍ 1:16 Iomraidhean Croise

ՄԱՐԿՈՍ 8:38

Ով որ զիս կամ խօսքերս ընդունիլը ամօթ նկատէ, Աստուծոյ անհաւատարիմ եւ մեղաւոր այս սերունդին մէջ, Մարդու Որդին ալ զայն ընդունիլը ամօթ պիտի նկատէ՝ երբ գայ իր Հօրը փառքով, սուրբ հրեշտակներուն հետ։

ՂՈԻԿԱՍ 9:26

Ով որ զիս եւ կամ խօսքերս ընդունիլը ամօթ նկատէ՝ Մարդու Որդին ալ զայն ընդունիլը ամօթ պիտի նկատէ, երբ գայ իր փառքով, ինչպէս նաեւ իր Հօր եւ սուրբ հրեշտակներուն փառքով։

ՅՈՎՀԱՆՆՈԻ 7:35

Հրեայ ղեկավարները իրարու ըսին. – Ինչու ո՞ւր պիտի երթայ, որ զինք պիտի չգտնենք։ Արդեօք հեթանոսներուն մէջ ցրուած Հրեաներո՞ւն պիտի երթայ, կամ արդեօք հեթանոսներո՞ւն պիտի ուսուցանէ։

ԳՈՐԾՔ ԱՌԱՔԵԼՈՑ 3:26

Աստուած իր Որդին յարուցանելէ ետք նախ ղրկեց ձեզի, որպէսզի անով օրհնէ ձեզ, երբ ձեզմէ իւրաքանչիւրը դառնայ իր գործած չարիքներէն։

ՀՌՈՎՄԱՅԵՑԻՍ 10:17

Կը նշանակէ, հետեւաբար, թէ հաւատքը ծնունդ կ՚առնէ քարոզութիւնը լսելէն. իսկ քարոզութիւնը հաւատք կ՚արթնցնէ՝ երբ Քրիստոսի խօսքերն են որ կը քարոզուին։

ՀՌՈՎՄԱՅԵՑԻՍ 15:19

զօրաւոր նշաններով ու հրաշքներով, Սուրբ Հոգիին զօրութեամբ։ Այնպէս որ Երուսաղէմէն սկսեալ մինչեւ Իլլիրիկում՝ ամէն կողմ Քրիստոսի Աւետարանը տարածեցի։

ՀՌՈՎՄԱՅԵՑԻՍ 15:29

Եւ գիտեմ, որ երբ ձեզի գամ՝ Քրիստոսի Աւետարանին ամբողջական օրհնութեամբը պիտի գամ։

ՀՌՈՎՄԱՅԵՑԻՍ 2:9

Նեղութիւն ու տառապանք կը սպասէ բոլոր անոնց՝ որոնք չարիք կը գործեն, նախ Հրեային եւ ապա ոչ–Հրեային։

ՀՌՈՎՄԱՅԵՑԻՍ 4:11

Եւ թլփատութիւնը Աստուծմէ ստացաւ որպէս նշան եւ կնիք՝ անթլփատ վիճակի մէջ իր ցուցաբերած հաւատքով արդարացած ըլլալուն, որպէսզի ատով հայրը ըլլայ բոլոր անոնց՝ որոնք առանց թլփատուած ըլլալու կը հաւատան, որպէսզի անոնք եւս արդար համարուին,

ԱՌԱՋԻՆ ԿՈՐՆԹԱՑԻՍ 15:2

Այդ Աւետարանով ալ կը փրկուիք, եթէ զայն պահէք այնպէս՝ ինչպէս ես ձեզի քարոզեցի. այլապէս զուր տեղ հաւատացած կ՚ըլլաք։

ԱՌԱՋԻՆ ԿՈՐՆԹԱՑԻՍ 2:2

որովհետեւ միակ նպատակ դրած էի՝ ձեզի ճանչցնել Յիսուսը՝ Քրիստոսը, այսինքն նոյնիքն խաչուած Փրկիչը։

ԱՌԱՋԻՆ ԿՈՐՆԹԱՑԻՍ 2:4

եւ իմաստութեան ճարտար խօսքերով չէր որ խօսեցայ կամ քարոզեցի, այլ՝ Սուրբ Հոգիին զօրութեամբ եւ ներգործութեամբ,

ԱՌԱՋԻՆ ԿՈՐՆԹԱՑԻՍ 9:12

Եւ եթէ ուրիշներ իրաւունք կը սեպեն այդ բարիքները վայելել ձեզմէ, մենք աւելի իրաւունք չունի՞նք։ Բայց մեր այս իրաւունքը երբեք չգործածեցինք. այլ՝ ամէն բանի կը համբերենք, որպէսզի ոեւէ բանով արգելք չըլլանք Քրիստոսի Աւետարանին տարածման։

ԱՌԱՋԻՆ ԿՈՐՆԹԱՑԻՍ 9:18

Իսկ վարձատրութի՞ւնս։ Վարձատրութիւնս պիտի ըլլայ այն՝ որ ձրիօրէն քարոզեմ Աւետարանը, չգործածելով այն իրաւունքները որ ունիմ իբրեւ Աւետարանի քարոզիչ։

ԵՐԿՐՈՐԴ ԿՈՐՆԹԱՑԻՍ 2:12

Երբ Տրովադա հասայ, Քրիստոսի Աւետարանը քարոզելու համար, Տէրը իմ առջեւս յաջողութեան դուռը բացաւ։

ԵՐԿՐՈՐԴ ԿՈՐՆԹԱՑԻՍ 4:4

Այս աշխարհի “աստուած” ը նկատուած Սատանան կուրցուցած է այդ անհաւատներուն միտքը, որպէսզի չըլլայ որ Աւետարանին բերած լոյսը ծագի անոնց մէջ, այսինքն՝ տեսնեն փառքը Քրիստոսի, որ անտեսանելի Աստուծոյ պատկերն է։

ԵՐԿՐՈՐԴ ԿՈՐՆԹԱՑԻՍ 9:13

Այո՛, ձեր այս օժանդակութեամբ ապացոյցը տուած պիտի ըլլաք ձեր քրիստոնէական հաւատքին, եւ Երուսաղէմի ձեր եղբայրները զԱստուած պիտի փառաւորեն՝ տեսնելով թէ ի՛նչպէս Քրիստոսի Աւետարանին կը հնազանդիք եւ ի՛նչպէս առատօրէն ձեր ունեցածը կը բաժնէք իրենց եւ բոլորին հետ,

ԳԱՂԱՏԱՑԻՍ 1:7

Գիտցէք, որ չկա՛յ ուրիշ աւետարան։ Սակայն կան մարդիկ, որոնք ձեր միտքերը կը պղտորեն եւ կ՚ուզեն Քրիստոսի Աւետարանը չարափոխել։

ԱՌԱՋԻՆ ԹԵՍԱՂՈՆԻԿԵՑԻՍ 2:13

Մենք անդադար Աստուծոյ շնորհակալութիւն կը յայտնենք նաեւ անոր համար, որ դուք հազիւ Աստուծոյ խօսքին քարոզութիւնը մեզմէ լսած՝ ընդունեցիք զայն, ո՛չ իբրեւ մարդկային պատգամ, այլ՝ իբրեւ Աստուծոյ պատգամը, որովհետեւ ճշմարտապէս ալ Աստուծոյ պատգամն է, եւ իբրեւ այդպիսին կը ներգործէ հաւատացեալներուդ մէջ։

ԱՌԱՋԻՆ ՏԻՄՈԹԷՈՍ 1:11

պատուէրներու, որոնք համաձայն են երանելի Աստուծոյ փառքը պատմող Աւետարանին, որ ես հաւատարմօրէն քարոզեցի։

ԵՐԿՐՈՐԴ ՏԻՄՈԹԷՈՍ 1:12

եւ ա՛յդ է պատճառը որ այս չարչարանքները կը կրեմ։ Բայց այդ չարչարանքները բնաւ զիս չեն վախցներ, որովհետեւ կը ճանչնամ Փրկիչս, որուն վստահած եմ, եւ համոզուած եմ՝ թէ ինք ինծի վստահուած այդ աւանդը պիտի պահէ մինչեւ դատաստանի օրը։

ԵՐԿՐՈՐԴ ՏԻՄՈԹԷՈՍ 1:16

Գալով Ոնեսիֆորոսին, թող Աստուած ի՛նք վարձատրէ անոր ընտանիքը, որովհետեւ բազմաթիւ անգամներ զիս ուրախացուց։ Չվախցաւ բանտ գալու,

ԵՐԿՐՈՐԴ ՏԻՄՈԹԷՈՍ 1:8

Հետեւաբար մի՛ վախնար մեր Տիրոջ մասին վկայութիւն տալու. մի՛ վախնար նաեւ խօսելու իմ մասիս, որ Տիրոջ համար բանտարկուած եմ։ Այլ՝ ինծի պէս յանձն առ Աւետարանին սիրոյն չարչարուիլ, որքան որ կարողութիւն տայ Աստուած,

ԵԲՐԱՅԵՑԻՍ 4:12

Որովհետեւ Աստուծոյ խօսքը կենդանի է եւ ազդու, աւելի հատու՝ քան ոեւէ երկսայրի սուր, եւ կը թափանցէ մարդուս շունչին ու հոգիին մէջ, մինչեւ ողն ու ծուծը, եւ կը քննէ մտածումներն ու սրտին խորհուրդները։

ԱՌԱՋԻՆ ՊԵՏՐՈՍԻ 4:16

Բայց ով որ քրիստոնեայ ըլլալուն համար կը չարչարուի՝ թող չամչնայ, այլ՝ իր այդ անունով զԱստուած փառաւորէ։