ՀՌՈՎՄԱՅԵՑԻՍ 1:12 - Western Armenian New Translation - Armenian Catholicosate of Cilicia - New Testament

¹² այսինքն՝ ձեր մէջ ըլլալով՝ իրար քաջալերենք այն հաւատքով որ ունինք դուք եւ ես։

Արեւմտահայերէն Նոր Կտակարան հարմարցուած․ 2017

¹² այսինքն ձեզի հետ ես ալ մխիթարուիմ իմ ու ձեր փոխադարձ հաւատքին միջոցով։

Western Armenian Bible 1853

¹² Այսինքն ձեզի հետ ես ալ մխիթարուիմ իմ ու ձեր փոխադարձ հաւատքին միջոցով։

ՀՌՈՎՄԱՅԵՑԻՍ 1:12 Iomraidhean Croise

ԳՈՐԾՔ ԱՌԱՔԵԼՈՑ 11:23

Սա երբ որ եկաւ եւ տեսաւ Աստուծոյ շնորհքը՝ ուրախացաւ, եւ կը յորդորէր բոլորը, որ ամբողջանուէր սրտով կապուած մնան Տիրոջ։

ՀՌՈՎՄԱՅԵՑԻՍ 1:11

Որովհետեւ շատ կը փափաքիմ ձեզ տեսնել, որպէսզի ձեզի փոխանցեմ ոեւէ հոգեւոր պարգեւ որ ձեզ ամրապնդելու կը ծառայէ.

ՀՌՈՎՄԱՅԵՑԻՍ 1:13

Բայց կ՚ուզեմ որ գիտնաք, եղբայրնե՛ր, որ բազմիցս մտադրեցի գալ ձեզի, սակայն մինչեւ հիմա արգելքներ ունեցայ։ Որովհետեւ կ՚ուզեմ ձեր մէջ եւս վաստակ ունենալ, ինչպէս ունիմ ուրիշ ազգերու մէջ.

ՀՌՈՎՄԱՅԵՑԻՍ 15:24

Եթէ Սպանիա անցնելու ըլլամ՝ յոյս ունիմ որ ճամբուս վրայ կը տեսնեմ ձեզ, եւ ձեր օգնութեամբ ալ կ՚անցնիմ հոն, անշուշտ նախ քիչ մը ձեր ներկայութիւնը վայելելէ ետք։

ՀՌՈՎՄԱՅԵՑԻՍ 15:32

Որպէսզի նաեւ Աստուծոյ կամքով ուրախութեամբ ձեզի գամ՝ ձեր քով քիչ մը հանգչելու համար։

ԵՐԿՐՈՐԴ ԿՈՐՆԹԱՑԻՍ 7:13

Ուստի մենք մեզ մխիթարուած կը զգանք։ Մեր զգացած մխիթարութեան վրայ Տիտոս աւելի՛ եւս ուրախացուց մեզ, ուրախութեամբ պատմելով՝ թէ ի՛նչպէս բոլորդ ալ գոհ ձգած էք զինք։

ԵՓԵՍԱՑԻՍ 4:5

Մէկ է Տէրը, մէկ՝ հաւատքը, եւ մէկ է մկրտութիւնը։

ԵՐԿՐՈՐԴ ՏԻՄՈԹԷՈՍ 1:4

եւ կը փափաքիմ քեզ տեսնել — մանաւանդ երբ կը վերյիշեմ բաժանման պահուն թափած արցունքներդ— որպէսզի սիրտս ուրախութեամբ լեցուի։

ՏԻՏՈՍԻՆ 1:4

Ո՛վ Տիտոս, մեր հասարակաց հաւատքի ճամբով իմ հարազատ որդիս, թող Հայրն Աստուած եւ մեր փրկիչը Քրիստոս Յիսուս շնորհք եւ խաղաղութիւն պարգեւեն քեզի։

ԵՐԿՐՈՐԴ ՊԵՏՐՈՍԻ 1:1

Ես՝ Սիմոն Պետրոս, Յիսուս Քրիստոսի ծառան եւ առաքեալը, կը գրեմ ձեզի՝ որ մեր Աստուծոյն եւ Փրկչին՝ Յիսուս Քրիստոսի արդար տնօրինութեամբը արժանի եղաք մեզի հետ բաժնելու հաւատքը։

ԵՐԿՐՈՐԴ ՅՈՎՀԱՆՆՈՒ 1:4

Չափազանց ուրախ եղայ, տեսնելով որդեակներէդ ոմանք, որոնք ճշմարիտ հաւատքին վայել կեանք մը կ՚ապրին, Հօր Աստուծմէ մեր ստացած պատուիրանին համաձայն։

ՅՈՒԴԱՅԻ 1:3

Սիրելինե՛ր, միշտ ալ կը փափաքէի ձեզի գրել մեր հասարակաց փրկութեան մասին։ Բայց հիմա անհրաժեշտ նկատեցի գրել եւ խնդրել ձեզմէ՝ որ պայքարիք հաւատքին համար, որ ձեզի՝ Աստուծոյ ընտրեալներուդ աւանդուեցաւ միանգամընդմիշտ։