ՀՌՈՎՄԱՅԵՑԻՍ 1:1 - Western Armenian New Translation - Armenian Catholicosate of Cilicia - New Testament

¹ Ես, Պօղոս, ծառան եմ Քրիստոս Յիսուսի, որ զիս կանչեց իր առաքեալը ըլլալու եւ պաշտօն տուաւ Աստուծոյ Աւետարանը քարոզելու։

Արեւմտահայերէն Նոր Կտակարան հարմարցուած․ 2017

¹ Պօղոս, Յիսուս Քրիստոսի ծառայ, առաքեալ ըլլալու կանչուած, Աստուծոյ աւետարանին համար որոշուած,

Western Armenian Bible 1853

¹ Պօղոս, Յիսուս Քրիստոսի ծառայ, առաքեալ ըլլալու կանչուած, Աստուծոյ աւետարանին համար որոշուած,

ՀՌՈՎՄԱՅԵՑԻՍ 1:1 Iomraidhean Croise

ՄԱՐԿՈՍ 1:14

Յովհաննէսի բանտարկութենէն ետք, Յիսուս Գալիլեա եկաւ։ Անիկա Աստուծոյ Աւետարանը կը քարոզէր,

ՅՈՎՀԱՆՆՈԻ 12:26

Ով որ ուզէ ինծի ծառայել՝ պէտք է ինծի հետեւի, եւ ինծի ծառայողը պիտի ըլլայ հոն՝ ուր ես կը գտնուիմ։ Եւ Հայրս պիտի պատուէ ինծի ծառայողը։

ՅՈՎՀԱՆՆՈԻ 15:15

Այլեւս ձեզ ծառայ չեմ կոչեր, որովհետեւ ծառան չի գիտեր թէ ի՛նչ կ՚ընէ իր տէրը. այլ՝ ձեզ բարեկամ կոչեցի, որովհետեւ ինչ որ Հօրմէս լսեցի՝ ձեզի յայտնեցի։

ՅՈՎՀԱՆՆՈԻ 15:20

Յիշեցէ՛ք այն խօսքը որ ըսի ձեզի, թէ «Ծառան իր տիրոջմէ աւելի մեծ չէ»։ Եթէ զիս հալածեցին, ձեզ ալ պիտի հալածեն. եթէ իմ խօսքերս գործադրեցին, ապա ձերն ալ պիտի գործադրեն։

ԳՈՐԾՔ ԱՌԱՔԵԼՈՑ 13:9

Այն ատեն Սօղոս, որ Պօղոս ալ կը ճանչցուի, Սուրբ Հոգիով լեցուած՝ աչքերը յառեց անոր

ԳՈՐԾՔ ԱՌԱՔԵԼՈՑ 20:24

Բայց հոգս չէ. ինծի համար կարեւորը կեանքս չէ, այլ՝ կ՚ուզեմ ուրախութեամբ իր վախճանին հասցնել սկսած գործս, այն պաշտօնը որ Տէր Յիսուս տուաւ ինծի՝ Աստուծոյ շնորհքը աւետարանելու։

ԳՈՐԾՔ ԱՌԱՔԵԼՈՑ 21:40

Երբ հազարապետը արտօնեց, Պօղոս աստիճաններուն վրայ կանգնեցաւ, ձեռքով ժողովուրդին նշան ըրաւ որ լուռ կենան, եւ երբ մեծ լռութիւն տիրեց՝ սկսաւ Եբրայերէն լեզուով խօսիլ, ըսելով.

ԳՈՐԾՔ ԱՌԱՔԵԼՈՑ 22:21

Բայց Տէրը ինծի ըսաւ. «Գնա՛, որովհետեւ ես քեզ հեռաւոր ազգերուն պիտի ղրկեմ»։

ԳՈՐԾՔ ԱՌԱՔԵԼՈՑ 22:7

Գետին ինկայ, եւ լսեցի ձայն մը որ ինծի կ՚ըսէր. «Սաւու՛ղ, Սաւու՛ղ, ինչո՞ւ կը հալածես զիս»։

ԳՈՐԾՔ ԱՌԱՔԵԼՈՑ 26:1

Ագրիպպաս ըսաւ Պօղոսի. –Արտօնուած ես քու մասիդ խօսելու։ Այն ատեն Պօղոս ձեռքը պարզելով՝ սկսաւ իր պաշտպանողականը ընել։ –

ԳՈՐԾՔ ԱՌԱՔԵԼՈՑ 26:14

Երբ բոլորս ալ գետին ինկանք, լսեցի ձայն մը՝ որ Եբրայերէն լեզուով ինծի կ՚ըսէր. «Սաւո՛ւղ, Սաւո՛ւղ, ինչո՞ւ զիս կը հալածես։ Չես կրնար խթանի դէմ աքացել»։

ԳՈՐԾՔ ԱՌԱՔԵԼՈՑ 27:23

Որովհետեւ գիշերը Աստուծոյ հրեշտակը ինծի երեւցաւ — այն Աստուծոյն՝ որուն կը պատկանիմ եւ որուն կը ծառայեմ —

ԳՈՐԾՔ ԱՌԱՔԵԼՈՑ 9:15

Տէրը ըսաւ անոր. –Դուն գնա՛, որովհետեւ ես զայն իբրեւ գործիք ընտրեր եմ, որպէսզի իմ անունս ճանչցնէ հեթանոսներուն, թագաւորներու եւ Իսրայէլի զաւակներուն։

ՀՌՈՎՄԱՅԵՑԻՍ 1:16

Ասիկա կ՚ըսեմ, որովհետեւ ամօթ չեմ համարեր Աւետարանը։ Ընդհակառակը, անիկա Աստուծոյ զօրութիւնն է՝ որ կը փրկէ ամէն հաւատացող, նախ Հրեան, ապա նաեւ ոչ–Հրեան։

ՀՌՈՎՄԱՅԵՑԻՍ 1:5

Ա՛ն էր որ ինծի առաքեալ ըլլալու շնորհքը տուաւ, որպէսզի իր անունին հաւատալու եւ հնազանդելու հրաւիրեմ բոլոր ազգերը,

ՀՌՈՎՄԱՅԵՑԻՍ 1:9

Աստուած, որուն կը ծառայեմ հոգիովս՝ իր Որդիին Աւետարանը քարոզելով, վկայ է՝ թէ անդադար կը յիշեմ ձեզ,

ՀՌՈՎՄԱՅԵՑԻՍ 11:13

Բայց ձեզի՝ հեթանոսներուդ կ՚ըսեմ.– Հեթանոսներուն առաքեալ ըլլալու իմ պաշտօնովս կը պարծենամ,

ՀՌՈՎՄԱՅԵՑԻՍ 15:16

որպէսզի Քրիստոս Յիսուսի սպասաւորը ըլլամ հեթանոսներուն համար եւ Աստուծոյ Աւետարանին մատակարարման նուիրուիմ, որպէսզի հեթանոսները Աստուծոյ ընծայուին իբրեւ Սուրբ Հոգիով սրբուած ընդունելի պատարագ։

ՀՌՈՎՄԱՅԵՑԻՍ 15:29

Եւ գիտեմ, որ երբ ձեզի գամ՝ Քրիստոսի Աւետարանին ամբողջական օրհնութեամբը պիտի գամ։

ՀՌՈՎՄԱՅԵՑԻՍ 16:18

որովհետեւ այդպիսիները մեր Տիրոջ՝ Քրիստոսի չէ որ կը ծառայեն, այլ՝ իրենց որովայնին, քաղցր խօսքերով ու կեղծ գովասանքներով պարզամիտները խաբելով։

ՀՌՈՎՄԱՅԵՑԻՍ 16:25

Փա՜ռք տանք Աստուծոյ, որ կրնայ ձեզ ձեր հաւատքին մէջ հաստատուն պահել այն Աւետարանով՝ որ ձեզի բերի Յիսուս Քրիստոսը քարոզելով։ Այդ Աւետարանը յայտնութիւնն է Աստուծոյ փրկութեան ծրագիրին, որ անցեալ բոլոր ժամանակներուն մէջ ծածուկ մնացած էր։

ԱՌԱՋԻՆ ԿՈՐՆԹԱՑԻՍ 1:1

Ես, Պօղոս, որ Աստուծոյ կամքով կոչուած եմ Յիսուս Քրիստոսի առաքեալը ըլլալու, եւ Սոսթենէս՝ մեր եղբայրը,

ԱՌԱՋԻՆ ԿՈՐՆԹԱՑԻՍ 9:1

Միթէ ազատ չե՞մ. միթէ առաքեալ չե՞մ. միթէ մեր Տէր Յիսուս Քրիստոսը ես իմ աչքերովս չտեսա՞յ. միթէ իմ աշխատանքովս չէ՞ր որ դուք Տիրոջ պատկանեցաք։

ԵՐԿՐՈՐԴ ԿՈՐՆԹԱՑԻՍ 1:1

Ես, Պօղոս, Աստուծոյ կամքով Յիսուս Քրիստոսի առաքեալը, եւ Տիմոթէոս՝ մեր եղբայրը, կը գրենք ձեզի՝ Կորնթոսի մէջ հաստատուած Աստուծոյ եկեղեցիին եւ ամբողջ Աքայիայի մէջ գտնուող քրիստոնեաներուդ։

ԵՐԿՐՈՐԴ ԿՈՐՆԹԱՑԻՍ 11:5

Չեմ գիտեր թէ ես ձեր այդ նշանաւոր “առաքեալ” ներէն բանով մը ետ կը մնա՞մ։

ԵՐԿՐՈՐԴ ԿՈՐՆԹԱՑԻՍ 11:7

Արդեօք մե՞ղք գործեցի, որ Աստուծոյ Աւետարանը ձրիօրէն քարոզեցի ձեզի եւ ինքզինքս խոնարհեցուցի՝ ձեզ բարձրացնելու համար։

ԵՐԿՐՈՐԴ ԿՈՐՆԹԱՑԻՍ 12:11

Իրաւ որ անմիտ եղայ պարծենալով. բայց դո՛ւք ստիպեցիք զիս։ Դուք էր որ պէտք էր վկայէիք՝ թէ ես ոեւէ բանով ետ չեմ մնար ձեր այդ նշանաւոր “առաքեալ” ներէն, թէպէտեւ ոչինչ եմ։

ԵՐԿՐՈՐԴ ԿՈՐՆԹԱՑԻՍ 2:12

Երբ Տրովադա հասայ, Քրիստոսի Աւետարանը քարոզելու համար, Տէրը իմ առջեւս յաջողութեան դուռը բացաւ։

ԵՐԿՐՈՐԴ ԿՈՐՆԹԱՑԻՍ 4:5

Սակայն մենք մեր անձերը չէ որ կը քարոզենք, այլ Տէրը՝ Յիսուս Քրիստոսը կը քարոզենք եւ Յիսուսի սիրոյն մենք մեզ ձեր ծառաները դարձուցած ենք։

ԳԱՂԱՏԱՑԻՍ 1:1

Ես՝ Պօղոս, առաքեալ եղած՝ ո՛չ թէ մարդոց կողմէ, ո՛չ ալ ոեւէ մէկուն միջոցաւ, այլ Յիսուս Քրիստոսէ եւ Հօր Աստուծմէ՝ որ զայն մեռելներէն յարուցանեց,

ԵՓԵՍԱՑԻՍ 1:1

Ես, Պօղոս, Աստուծոյ կամքով Քրիստոս Յիսուսի առաքեալը, կը գրեմ Եփեսոս բնակող եղբայրներուդ, Քրիստոս Յիսուսի հաւատացողներուդ։

ԵՓԵՍԱՑԻՍ 1:13

Դուք ալ, երբ լսեցիք ճշմարիտ քարոզութիւնը, այսինքն Աւետարանը որ ձեզի փրկութիւն բերաւ, հաւատացիք Քրիստոսի եւ խոստացուած Սուրբ Հոգիով կնքուեցաք։

ԵՓԵՍԱՑԻՍ 4:11

Եւ ինքը՝ Քրիստոսն էր որ «պարգեւներ բաշխեց մարդոց», որպէսզի ոմանք առաքեալ ըլլան, ոմանք՝ մարգարէ, ոմանք՝ աւետարանիչ, ոմանք՝ հովիւ եւ ուսուցանող,

ՓԻԼԻՊՊԵՑԻՍ 1:1

Պօղոսեւ Տիմոթէոս, Քրիստոս Յիսուսի ծառա–ներս, կը գրենք ձեզի՝ Քրիստոս Յիսուսի միացած բոլոր հաւատացեալներուդ, որ Փիլիպպէի կողմերը կը բնակիք, ինչպէս նաեւ եպիսկոպոսներուն ու սարկաւագներուն։

ՓԻԼԻՊՊԵՑԻՍ 2:11

եւ ամէն լեզու դաւանի թէ Յիսուս Քրիստոս «Տէր» է, Հայրն Աստուածը փառաւորելու համար։

ԿՈՂՈՍԱՑԻՍ 1:1

Ես, Պօղոս, Աստուծոյ կամքով Յիսուս Քրիստոսի առաքեալը, եւ Տիմոթէոս՝ մեր եղբայրը,

ԿՈՂՈՍԱՑԻՍ 1:25

Եւ ես եկեղեցիին ծառայ եղայ՝ իբրեւ Աստուծոյ կողմէ տրուած պարտականութիւն, որպէսզի իր ամբողջութեանը մէջ ձեզի քարոզեմ Աստուծոյ խօսքը,

ԱՌԱՋԻՆ ԹԵՍԱՂՈՆԻԿԵՑԻՍ 2:2

Այլ, ինչպէս գիտէք, Փիլիպպէի մէջ խոշտանգուելէ եւ անարգուելէ ետք՝ Աստուծմով քաջութիւնը ունեցանք ձեզի գալու եւ Աստուծոյ Աւետարանը քարոզելու, հակառակ այն բուռն ընդդիմութեան՝ որուն հանդիպեցանք։

ԱՌԱՋԻՆ ԹԵՍԱՂՈՆԻԿԵՑԻՍ 2:8

այնպէս ալ մենք գորովանքով վերաբերեցանք ձեզի հետ. եւ ո՛չ միայն Աստուծոյ Աւետարանը ձեզի փոխանցելու պատրաստ էինք, այլ՝ մեր կեանքն ալ տալու, ա՛յնքան որ սիրելի եղաք մեզի։

ԱՌԱՋԻՆ ԹԵՍԱՂՈՆԻԿԵՑԻՍ 2:9

Վստահաբար կը յիշէք, եղբայրներ, մեր ծանր աշխատանքն ու յոգնութիւնը. թէ ի՛նչպէս մէկ կողմէ գիշերցերեկ կ՚աշխատէինք՝ ձեզմէ ոեւէ մէկուն բեռ չըլլալու համար, եւ միւս կողմէ Աստուծոյ Աւետարանը կը քարոզէինք ձեզի։

ԱՌԱՋԻՆ ՏԻՄՈԹԷՈՍ 1:1

Ես՝ Պօղոս, որ Քրիստոս Յիսուսի առաքեալն եմ՝ մեր փրկիչ Աստուծոյ եւ մեր յոյսը եղող Քրիստոս Յիսուսի հրամանով,

ԱՌԱՋԻՆ ՏԻՄՈԹԷՈՍ 2:7

եւ նոյն այդ վկայութիւնը տալու համար է որ ես ալ քարոզիչ եւ առաքեալ կարգուեցայ, քրիստոնէական հաւատքը եւ ճշմարտութիւնը սորվեցնելու համար բոլոր հեթանոսներուն։ Եւ Քրիստոս ինք վկայ է՝ թէ ճշմարտութիւնը կ՚ըսեմ, առանց ստելու։

ԵՐԿՐՈՐԴ ՏԻՄՈԹԷՈՍ 1:11

Աստուած զիս առաքեալ եւ հեթանոսներուն ուսուցիչ կարգեց, որպէսզի այդ աւետիսը տամ անոնց.

ՏԻՏՈՍԻՆ 1:1

Ես, Պօղոս, Աստուծոյ ծառան եւ Յիսուս Քրիստոսի առաքեալը, կոչուած եմ Աստուծոյ ընտրեալները բերելու հաւատքի եւ ճշմարտութեան ճանաչումին, այն ճշմարտութեան՝ որ աստուածպաշտութեամբ կը գտնուի,

ԵԲՐԱՅԵՑԻՍ 5:4

Գիտէք նաեւ, թէ ոեւէ մէկը չի՛ կրնար ինքն իրեն քահանայապետութեան պատիւը առնել, այլ՝ Աստուած է որ զայն այդ պաշտօնին կը կանչէ, ճիշդ ինչպէս Ահարոն կոչուեցաւ։

ԵԲՐԱՅԵՑԻՍ 7:26

Արդարեւ այսպիսի Քահանայապետ մը պէտք է մեզի.– սուրբ, անմեղ, անարատ, մեղաւորներէն զատուած եւ երկինքներէն աւելի վեր բարձրացած։

ՅԱԿՈԲՈՒ 1:1

Ես, Յակոբոս, Աստուծոյ եւ Տէր Յիսուս Քրիստոսի ծառան, կ՚ողջունեմ ձեզ՝ Աստուծոյ ժողովուրդին անդամներդ, որ համայն աշխարհի մէջ ցրուած էք։

ԱՌԱՋԻՆ ՊԵՏՐՈՍԻ 4:17

Որովհետեւ արդէն ժամանակն է որ դատաստանը սկսի, եւ սկսի Աստուծոյ տունէն։ Իսկ եթէ առաջին դատուողները մե՛նք պիտի ըլլանք, ի՞նչ պիտի ըլլայ վախճանը անոնց՝ որոնք Աստուծոյ Աւետարանին չեն հնազանդիր։

ԵՐԿՐՈՐԴ ՊԵՏՐՈՍԻ 1:1

Ես՝ Սիմոն Պետրոս, Յիսուս Քրիստոսի ծառան եւ առաքեալը, կը գրեմ ձեզի՝ որ մեր Աստուծոյն եւ Փրկչին՝ Յիսուս Քրիստոսի արդար տնօրինութեամբը արժանի եղաք մեզի հետ բաժնելու հաւատքը։

ՅՈՒԴԱՅԻ 1:1

Ես՝ Յուդա, Յիսուս Քրիստոսի ծառան եւ Յակոբոսի եղբայրը, կը գրեմ ձեզի՝ բոլոր ազգերուդ, որ Հայրն Աստուած սիրեց եւ ընտրեց, եւ Յիսուս Քրիստոս պահպանեց։

ՅԱՅՏՆՈՒԹԻՒՆ 1:1

Ասիկա այն յայտնութիւնն է, որ Յիսուս Քրիստոս կատարեց։ Աստուած այս յայտնութիւնը տուաւ Քրիստոսի, որպէսզի ան իր ծառաներուն ցոյց տայ՝ թէ ի՛նչ պիտի պատահի շուտով։ Քրիստոս ասիկա իր հրեշտակին միջոցաւ յայտնեց իր ծառային՝ Յովհաննէսի,

ՅԱՅՏՆՈՒԹԻՒՆ 22:6

Հրեշտակը ըսաւ ինծի. –Ըսած խօսքերս վստահելի եւ ճշմարիտ են։ Տէրը՝ մարգարէներուն հոգիներուն Աստուածը, իր հրեշտակը ղրկեց՝ որպէսզի իր ծառաներուն ցոյց տայ այն՝ ինչ որ շուտով պիտի պատահի։

ՅԱՅՏՆՈՒԹԻՒՆ 22:9

Բայց անիկա ըսաւ ինծի. –Զգո՜յշ, մի՛ ըներ, որովհետեւ ես ալ ծառայակից եմ քեզի եւ եղբայրներուդ, այսինքն՝մարգարէներուն եւ անոնց՝ որոնք այս գիրքին պատգամները կը պահեն։ Աստուծո՛յ երկրպագէ։