ՅԱՅՏՆՈՒԹԻՒՆ 9:20 - Western Armenian New Translation - Armenian Catholicosate of Cilicia - New Testament

²⁰ Մարդկութեան մնացեալ մասը, որ չսպաննուեցաւ այս հարուածներէն, չապաշխարեց եւ իր կատարած գործերէն ետ չդարձաւ։ Անոնք չդադրեցան երկրպագելէ դեւերուն, ոսկիէ, արծաթէ, անագապղինձէ, քարէ եւ փայտէ կուռքերուն, որոնք ո՛չ կրնան տեսնել, ո՛չ լսել եւ ո՛չ ալ քալել։

Արեւմտահայերէն Նոր Կտակարան հարմարցուած․ 2017

²⁰ Մնացեալ մարդիկը, որոնք այս հարուածներէն չսպաննուեցան, չապաշխարեցին ու իրենց ձեռքերուն գործերէն ետ չմնացին, որ երկրպագութիւն չընեն դեւերուն ու ոսկիէ եւ արծաթէ ու պղինձէ եւ քարէ ու փայտէ շինուած կուռքերուն, որոնք ո՛չ կրնան տեսնել, ո՛չ ալ լսել ու ո՛չ քալել.

Western Armenian Bible 1853

²⁰ Մնացեալ մարդիկը, որոնք այս հարուածներէն չսպաննուեցան, չապաշխարեցին ու իրենց ձեռքերուն գործերէն ետ չմնացին, որ երկրպագութիւն չընեն դեւերուն ու ոսկիէ եւ արծաթէ ու պղինձէ եւ քարէ ու փայտէ շինուած կուռքերուն, որոնք ո՛չ կրնան տեսնել, ո՛չ ալ լսել ու ո՛չ քալել.

ՅԱՅՏՆՈՒԹԻՒՆ 9:20 Iomraidhean Croise

ՄԱՏԹԷՈՍ 21:32

Որովհետեւ Յովհաննէս եկաւ եւ ձեզի արդար կեանքի մը ճամբան ցոյց տուաւ, բայց դուք չհաւատացիք անոր, մինչ մաքսաւորներն ու պոռնիկները հաւատացին։ Նոյնիսկ ասիկա տեսնելէ ետք չզղջացիք ու չհաւատացիք իրեն։ –

ԳՈՐԾՔ ԱՌԱՔԵԼՈՑ 17:29

Քանի ուրեմն Աստուծոյ զաւակներն ենք, ի՞նչպէս կրնանք խորհիլ՝ թէ աստուածութիւնը ոսկիով, արծաթով կամ քարով շինուած եւ մարդկային ճարտարութեան ու մտքի ծնունդ եղող քանդակներու կը նմանի։

ԳՈՐԾՔ ԱՌԱՔԵԼՈՑ 19:26

Եւ կը տեսնէք ու կը լսէք, թէ այդ Պօղոսը ո՛չ միայն Եփեսոսի, այլ գրեթէ ամբողջ Ասիա նահանգին մէջ մեծ բազմութիւն մը համոզելով մոլորեցուց, ըսելով՝ թէ «Ձեռքով շինուած աստուածները աստուած չեն»։

ԳՈՐԾՔ ԱՌԱՔԵԼՈՑ 7:41

Նոյն այդ օրերուն հորթի կերպարանքով կուռք մը շինեցին, անոր զոհ մատուցանեցին եւ իրենց ձեռքով շինուած այդ կուռքով կ՚ուրախանային։

ԵՐԿՐՈՐԴ ԿՈՐՆԹԱՑԻՍ 12:21

Այո՛, կը վախնամ որ երբ վերստին ձեզի գամ՝ իմ Աստուածս զիս նուաստացնէ ձեր առջեւ եւ ես սուգ ընեմ այն բոլորին վրայ՝ որոնք մեղքի մէջ ինկած են եւ կը մերժեն հրաժարիլ իրենց գործած պղծութիւններէն՝ պոռնկութիւններէն եւ անբարոյութիւններէն։

ԱՌԱՋԻՆ ՏԻՄՈԹԷՈՍ 4:1

Բայց Սուրբ Հոգին յայտնապէս կ՚ըսէ, թէ վերջին ժամանակներուն շատեր պիտի լքեն հաւատքը, ականջ տալով մոլորեցուցիչ չար ոգիներու եւ դեւերու ուսուցումներուն,

ՅԱՅՏՆՈՒԹԻՒՆ 15:1

Յետոյերկինքիմէջ տեսայմեծեւզարմանալի ուրիշ նշան մը։ Եօթը հրեշտակներ տեսայ, որոնք ունէին վերջին եօթը պատուհասները, որոնցմով պիտի աւարտէր Աստուծոյ բարկութիւնը։

ՅԱՅՏՆՈՒԹԻՒՆ 16:8

Չորրորդ հրեշտակը իր անօթին պարունակութիւնը թափեց արեւուն վրայ. եւ արեւուն արտօնութիւն տրուեցաւ մարդիկը խանձելու։

ՅԱՅՏՆՈՒԹԻՒՆ 9:19

քանի ձիերուն զօրութիւնը իրենց բերանին մէջ էր, ինչպէս նաեւ՝ իրենց պոչերուն։ Անոնց պոչերը օձերու կը նմանէին եւ ունէին գլուխներ, որոնցմով կը պատուհասէին։

ՅԱՅՏՆՈՒԹԻՒՆ 9:21

Անոնք չապաշխարեցին իրենց կատարած մարդասպանութեան, կախարդութեան, պոռնկութեան եւ գողութեան համար։