ՅԱՅՏՆՈՒԹԻՒՆ 9:1 - Western Armenian New Translation - Armenian Catholicosate of Cilicia - New Testament

¹ Հինգերորդ հրեշտակն ալ փողը հնչեցուց։ Եւ տեսայ մեծ աստղ մը, որ երկինքէն ինկաւ երկիր, եւ այդ աստղին տրուեցաւ անդունդի գուբին բանալին։

Արեւմտահայերէն Նոր Կտակարան հարմարցուած․ 2017

¹ Հինգերորդ հրեշտակը փողը հնչեցուց ու տեսայ որ երկնքէն աստղ մը ինկաւ երկրի վրայ։ Անդունդի գուբին բանալին անոր տրուեցաւ։

Western Armenian Bible 1853

¹ Հինգերորդ հրեշտակը փողը հնչեցուց ու տեսայ որ երկնքէն աստղ մը ինկաւ երկրի վրայ։ Անդունդի գուբին բանալին անոր տրուեցաւ։

ՅԱՅՏՆՈՒԹԻՒՆ 9:1 Iomraidhean Croise

ՂՈԻԿԱՍ 10:18

Յիսուս ըսաւ անոնց. – Տեսայ Սատանան՝ կայծակի նման երկինքէն վար ինկած։

ՂՈԻԿԱՍ 8:31

եւ կ՚աղաչէին Յիսուսի, որ իրենց չհրամայէ՝ դեւերուն սահմանուած անդունդը երթալ։

ՀՌՈՎՄԱՅԵՑԻՍ 10:7

«Կամ մի՛ ըսեր.– Ո՞վ անդունդ պիտի իջնէ», այսինքն՝ Քրիստոսը մեռելներէն հանելու համար։

ՅԱՅՏՆՈՒԹԻՒՆ 1:18

Ես եմ կենդանի եղողը եւ ես եմ որ մեռայ եւ ահաւասիկ կենդանի եմ յաւիտեանս յաւիտենից։ Մահուան ու դժոխքի բանալիները իմ ձեռքս են։

ՅԱՅՏՆՈՒԹԻՒՆ 1:20

Եօթը աստղերուն, որ կը տեսնես աջ ձեռքիս մէջ, եւ եօթը ոսկի ճրագարաններուն իմաստը հետեւեալն է.– Եօթը աստղերը եօթը եկեղեցիներուն հրեշտակներն են, իսկ եօթը ճրագարանները՝ եօթը եկեղեցիները։

ՅԱՅՏՆՈՒԹԻՒՆ 11:7

Եւ երբ իրենց վկայութեան ժամանակաշրջանը աւարտի, այն ատեն անդունդէն ելլող գազանը պիտի պատերազմի իրենց դէմ, պիտի յաղթէ անոնց եւ սպաննէ զանոնք։

ՅԱՅՏՆՈՒԹԻՒՆ 17:8

Գազանը որ տեսար՝ կ՚ապրէր, բայց այլեւս չ՚ապրիր. անիկա անդունդէն պիտի ելլէ՝ իր կորուստին երթալու համար։ Բոլոր անոնք որ երկրի վրայ կ՚ապրին եւ որոնց անունները աշխարհի սկիզբէն ի վեր չէին գրուած կեանքի գիրքին մէջ՝ պիտի զարմանան, տեսնելով գազանը որ կ՚ապրէր, բայց այլեւս չ՚ապրիր, եւ սակայն մօտ է վերստին յայտնուելու։

ՅԱՅՏՆՈՒԹԻՒՆ 20:1

Եւ տեսայ ուրիշ հրեշտակ մը, որ երկինքէն կ՚իջ–նէր եւ ձեռքին ունէր անդունդի բանալին եւ մեծ շղթայ մը։

ՅԱՅՏՆՈՒԹԻՒՆ 20:10

Իսկ Բանսարկուն, որ զանոնք մոլորեցուց, կրակի եւ ծծումբի լիճը ձգուեցաւ, ուր գազանը եւ սուտ մարգարէն արդէն ձգուած էին. այնտեղ պիտի չարչարուին գիշեր ու ցերեկ, յաւիտեանս յաւիտենից։

ՅԱՅՏՆՈՒԹԻՒՆ 6:13

Երկինքի աստղերը երկիր ինկան, այնպէս՝ ինչպէս կը թափին ուժգին հովէն ցնցուող թզենիին խակ պտուղները։

ՅԱՅՏՆՈՒԹԻՒՆ 8:10

Երրորդ հրեշտակն ալ փողը հնչեցուց։ Մեծ աստղ մը, որ ջահի մը նման կը բորբոքէր, երկինքէն ինկաւ գետերուն եւ աղբիւրներուն մէկ երրորդ մասին վրայ։

ՅԱՅՏՆՈՒԹԻՒՆ 8:12

Յետոյ չորրորդ հրեշտակը փողահարեց եւ արեւուն մէկ երրորդ մասը զարնուեցաւ, ինչպէս նաեւ՝ լուսինին մէկ երրորդը եւ աստղերուն մէկ երրորդը, եւ անոնց մէկ երրորդ մասը մթագնելով՝ ցերեկին, ինչպէս նաեւ գիշերուան մէկ երրորդ մասը խաւարեցաւ։

ՅԱՅՏՆՈՒԹԻՒՆ 8:2

Եւ տեսայ եօթը հրեշակները, որոնք Աստուծոյ դիմաց կանգնած էին, եւ անոնց տրուեցան եօթը փողեր։

ՅԱՅՏՆՈՒԹԻՒՆ 9:2

Աստղը բացաւ անդունդի գուբը եւ ահա ծուխ ելաւ հոնկէ, նման մեծ հնոցի մը ծուխին։ Օդը լեցուեցաւ այդ ծուխով եւ արեւը խաւարեցաւ։