ՅԱՅՏՆՈՒԹԻՒՆ 8:10 - Western Armenian New Translation - Armenian Catholicosate of Cilicia - New Testament

¹⁰ Երրորդ հրեշտակն ալ փողը հնչեցուց։ Մեծ աստղ մը, որ ջահի մը նման կը բորբոքէր, երկինքէն ինկաւ գետերուն եւ աղբիւրներուն մէկ երրորդ մասին վրայ։

Արեւմտահայերէն Նոր Կտակարան հարմարցուած․ 2017

¹⁰ Երրորդ հրեշտակը փողը հնչեցուց ու երկնքէն մեծ աստղ մը՝ լամբարի պէս բորբոքած՝ գետերուն ու ջուրի աղբիւրներուն երրորդ մասին վրայ ինկաւ։

Western Armenian Bible 1853

¹⁰ Երրորդ հրեշտակը փողը հնչեցուց ու երկնքէն մեծ աստղ մը՝ լամբարի պէս բորբոքած՝ գետերուն ու ջուրի աղբիւրներուն երրորդ մասին վրայ ինկաւ։

ՅԱՅՏՆՈՒԹԻՒՆ 8:10 Iomraidhean Croise

ՄԱՏԹԷՈՍ 25:1

Այն ատեն երկինքի թագաւորութիւնը պիտի նմանի հետեւեալին.– Տասը կոյսեր կային, որոնք իրենց լապտերները առած՝ դիմաւորելու ելան փեսան:

ՂՈԻԿԱՍ 10:18

Յիսուս ըսաւ անոնց. – Տեսայ Սատանան՝ կայծակի նման երկինքէն վար ինկած։

ՅՈՒԴԱՅԻ 1:13

Այո՛, ծովու կատաղի ալիքներուն կը նմանին, որոնց ամօթալի գործերը միշտ երեսը կ՚ելլեն, փրփուրին պէս։ Աստղերու թռչող բեկորներ են, որոնց տեղը՝ իրենց վերապահուած յաւիտենական թանձր խաւարն է։

ՅԱՅՏՆՈՒԹԻՒՆ 1:20

Եօթը աստղերուն, որ կը տեսնես աջ ձեռքիս մէջ, եւ եօթը ոսկի ճրագարաններուն իմաստը հետեւեալն է.– Եօթը աստղերը եօթը եկեղեցիներուն հրեշտակներն են, իսկ եօթը ճրագարանները՝ եօթը եկեղեցիները։

ՅԱՅՏՆՈՒԹԻՒՆ 12:4

Իր պոչով կը քաշէր կը տանէր երկինքի աստղերուն մէկ երրորդ մասը, որ նետեց երկրի վրայ։ Անիկա ծնանելու մօտ եղող կնոջ դիմաց կանգնեցաւ, որպէսզի երբ կինը զաւակը ծնի՝ կլլէ զայն։

ՅԱՅՏՆՈՒԹԻՒՆ 14:7

Անիկա բարձրաձայն կ՚ըսէր. «Վախցէ՛ք Աստուծմէ եւ փա՛ռք տուէք անոր, որովհետեւ հասաւ ժամանակը որ անիկա դատէ մարդկութիւնը։ Երկրպագեցէ՛ք երկինքի, երկրի, ծովուն եւ ջուրի աղբիւրներու Արարիչին»։

ՅԱՅՏՆՈՒԹԻՒՆ 16:4

Երրորդ հրեշտակը իր անօթը պարպեց գետերուն եւ ջուրի աղբիւրներուն վրայ, եւ անոնք արիւն դարձան։

ՅԱՅՏՆՈՒԹԻՒՆ 6:13

Երկինքի աստղերը երկիր ինկան, այնպէս՝ ինչպէս կը թափին ուժգին հովէն ցնցուող թզենիին խակ պտուղները։

ՅԱՅՏՆՈՒԹԻՒՆ 8:7

Առաջին հրեշտակը հնչեցուց փողը, եւ արիւնով խառնուած կարկուտ ու կրակ տեղաց երկրի վրայ եւ այրեց երկրին մէկ երրորդ մասը, ինչպէս նաեւ այրեց ծառերուն մէկ երրորդը եւ բոլոր դալար խոտերը։

ՅԱՅՏՆՈՒԹԻՒՆ 9:1

Հինգերորդ հրեշտակն ալ փողը հնչեցուց։ Եւ տեսայ մեծ աստղ մը, որ երկինքէն ինկաւ երկիր, եւ այդ աստղին տրուեցաւ անդունդի գուբին բանալին։

ՅԱՅՏՆՈՒԹԻՒՆ 9:15

Եւ արձակուեցան չորս հրեշտակները, որոնք ճիշդ այս ժամուն, օրուան, ամսուան եւ տարուան համար պատրաստ կեցած էին, որպէսզի սպաննեն մարդկութեան մէկ երրորդ մասը։

ՅԱՅՏՆՈՒԹԻՒՆ 9:18

Անոնց բերանէն ելած այս կրակի, ծուխի եւ ծծումբի հարուածներէն՝ մարդկութեան մէկ երրորդ մասը մեռաւ,