ՅԱՅՏՆՈՒԹԻՒՆ 7:3 - Western Armenian New Translation - Armenian Catholicosate of Cilicia - New Testament

³ եւ ըսաւ. «Վնաս մի՛ հասցնէք երկրին, ո՛չ ալ ծովուն եւ ո՛չ ալ ծառերուն, մինչեւ որ կնիքով դրոշմեմ իմ Աստուծոյս ծառաներուն ճակատները։

Արեւմտահայերէն Նոր Կտակարան հարմարցուած․ 2017

³ ու ըսաւ. «Երկրին վնաս մի՛ ընէք, ո՛չ ծովուն, ո՛չ ալ ծառերուն, մինչեւ մեր Աստուծոյն ծառաներուն ճակատները կնքենք»։

Western Armenian Bible 1853

³ Ու ըսաւ. «Երկրին վնաս մի՛ ընէք, ո՛չ ծովուն, ո՛չ ալ ծառերուն, մինչեւ մեր Աստուծոյն ծառաներուն ճակատները կնքենք»։

ՅԱՅՏՆՈՒԹԻՒՆ 7:3 Iomraidhean Croise

ՄԱՏԹԷՈՍ 24:22

Եւ եթէ Աստուած այդ օրերուն թիւը նուազեցուցած չըլլար՝ ո՛չ մէկը պիտի փրկուէր։ Բայց իր ընտրեալներուն համար Աստուած այդ օրերը պիտի նուազեցնէ։

ՄԱՏԹԷՈՍ 24:31

Երբ մեծաձայն փողը հնչէ, ան իր հրեշտակները պիտի ղրկէ, որպէսզի հաւաքեն իր ընտրեալները աշխարհի չորս կողմերէն, երկինքի մէկ ծայրէն մինչեւ միւսը։

ՅՈՎՀԱՆՆՈԻ 12:26

Ով որ ուզէ ինծի ծառայել՝ պէտք է ինծի հետեւի, եւ ինծի ծառայողը պիտի ըլլայ հոն՝ ուր ես կը գտնուիմ։ Եւ Հայրս պիտի պատուէ ինծի ծառայողը։

ՅՈՎՀԱՆՆՈԻ 3:33

Ով որ անոր վկայութիւնը կ՚ընդունի, հաստատած կ՚ըլլայ թէ Աստուած ճշմարիտ է։

ՀՌՈՎՄԱՅԵՑԻՍ 6:22

Բայց հիմա մեղքին տիրապետութենէն ազատ էք եւ Աստուծոյ ծառաները։ Ձեր շահը սրբութեան նուիրուած կեանք մըն է, որուն արդիւնքը պիտի ըլլայ յաւիտենական կեանքը։

ՅԱՅՏՆՈՒԹԻՒՆ 13:16

Գազանը կը ստիպէր որ բոլորն ալ՝ փոքր թէ մեծ, հարուստ թէ աղքատ, ազատ թէ ծառայ՝ իրենց աջ ձեռքին եւ ճակատին վրայ դրոշմ դնեն։

ՅԱՅՏՆՈՒԹԻՒՆ 13:17

Եւ ոչ ոք կարենայ գնել կամ ծախել՝ եթէ չունենայ այդ դրոշմը, այսինքն՝ գազանին անունը եւ կամ անոր անունին տառերուն թիւերուն համապատասխան գումարը։

ՅԱՅՏՆՈՒԹԻՒՆ 14:1

Յետոյ նայեցայ եւ տեսայ՝ որ Գառնուկը կանգնած էր Սիոն լերան վրայ, եւ իրեն հետ կային հարիւր քառասունչորս հազար հոգի, որոնց ճակատներուն վրայ գրուած էր իր եւ իր Հօր անունը։

ՅԱՅՏՆՈՒԹԻՒՆ 14:9

Երրորդ հրեշտակ մըն ալ կը հետեւէր անոնց եւ բարձրաձայն կ՚ըսէր. «Ով որ կ՚երկրպագէ գազանին եւ անոր արձանին, կամ ով որ անոր դրոշմը կ՚առնէ իր ճակատին կամ ձեռքին վրայ,

ՅԱՅՏՆՈՒԹԻՒՆ 19:2

որովհետեւ ճշմարիտ եւ արդար է իր դատաստանը։ Անիկա դատապարտեց մեծ պոռնիկը՝ իր պոռնկութեամբ աշխարհը ապականելուն համար, եւ անկէ լուծեց՝ անոր ձեռքով սպաննուած իր ծառաներուն արեան վրէժը»։

ՅԱՅՏՆՈՒԹԻՒՆ 20:4

Յետոյ տեսայ գահեր, որոնց վրայ նստան անոնք՝ որոնց իշխանութիւն տրուեցաւ դատելու։ Տեսայ նաեւ այն հոգիները, որոնք Յիսուսի եւ Աստուծոյ խօսքին իրենց տուած վկայութեան համար չարաչար գլխատուած էին։ Ասոնք չէին երկրպագած գազանին եւ անոր կնիքը չէին դրոշմած իրենց ճակատներուն եւ ձեռքերուն վրայ։ Անոնք վերակենդանացան եւ Քրիստոսի հետ հազար տարի թագաւորեցին։

ՅԱՅՏՆՈՒԹԻՒՆ 22:4

Անոնք իր դէմքը պիտի տեսնեն եւ իր անունը անոնց ճակատներուն վրայ պիտի գրուի։

ՅԱՅՏՆՈՒԹԻՒՆ 6:6

Ու լսեցի ձայն մը, որ կու գար չորս կենդանիներուն մէջտեղէն եւ որ կ՚ըսէր. «Բուռ մը ցորենը՝ մէկ օրավարձքի փոխարէն, երեք բուռ գարին՝ մէկ օրավարձքի փոխարէն. բայց ձէթին եւ գինիին վնաս չտաս»։

ՅԱՅՏՆՈՒԹԻՒՆ 7:1

Ասկէ ետք չորս հրեշտակներ տեսայ, որոնք կեցածէին երկրի չորս անկիւններուն եւ բռնած էին երկրի չորս հովերը, որպէսզի անոնք չփչեն երկրի վրայ, ո՛չ ալ ծովուն վրայ եւ ոչ ալ ծառերուն վրայ։

ՅԱՅՏՆՈՒԹԻՒՆ 7:2

Տեսայ ուրիշ հրեշտակ մըն ալ, որարեւելքէն ելաւ եւ որ կենդանի Աստուծոյ կնիքը ունէր։ Անիկա բարձր ձայնով աղաղակեց չորս հրեշտակներուն, որոնց իշխանութիւն տրուած էր երկրին ու ծովուն վնասելու,

ՅԱՅՏՆՈՒԹԻՒՆ 9:4

եւ անոնց ըսուեցաւ որ վնաս չհասցնեն ո՛չ երկրի խոտերուն, ո՛չ դալար տունկերուն եւ ո՛չ ալ ծառերուն, բայց միայն այն մարդոց՝ որոնք իրենց ճակատին վրայ Աստուծոյ կնիքը չունին։