ՅԱՅՏՆՈՒԹԻՒՆ 7:11 - Western Armenian New Translation - Armenian Catholicosate of Cilicia - New Testament

¹¹ Բոլոր հրեշտակները որոնք գահին, երէցներուն եւ չորս կենդանիներուն շուրջ կանգնած էին, իրենց երեսին վրայ գետին ինկան գահին առջեւ եւ երկրպագեցին Աստուծոյ,

Արեւմտահայերէն Նոր Կտակարան հարմարցուած․ 2017

¹¹ Եւ բոլոր հրեշտակները, որ աթոռին ու երէցներուն եւ չորս կենդանիներուն բոլորտիքը կեցեր էին, իրենց երեսներուն վրայ աթոռին առջեւ ինկան ու Աստուծոյ երկրպագութիւն ըրին,

Western Armenian Bible 1853

¹¹ Եւ բոլոր հրեշտակները, որ աթոռին ու երէցներուն եւ չորս կենդանիներուն բոլորտիքը կեցեր էին, իրենց երեսներուն վրայ աթոռին առջեւ ինկան ու Աստուծոյ երկրպագութիւն ըրին,

ՅԱՅՏՆՈՒԹԻՒՆ 7:11 Iomraidhean Croise

ՄԱՏԹԷՈՍ 4:10

Այն ատեն Յիսուս ըսաւ անոր. – Ետի՛ս գնա, Սատանա՛յ, որովհետեւ Օրէնքի գիրքին մէջ գրուած է. «Քու Տէր Աստուածդ պէտք է պաշտես եւ միայն անո՛ր ծառայես»։

ՅՈՎՀԱՆՆՈԻ 5:23

որպէսզի բոլորն ալ պատուեն Որդին, ինչպէս որ Հայրը կը պատուեն։ Ան որ չի պատուեր Որդին, չի պատուեր Հայրը որ զայն ղրկած է։

ԵԲՐԱՅԵՑԻՍ 1:6

Դարձեալ, երբ իր անդրանիկ Որդին աշխարհ կը ղրկէր, ըսաւ. «Աստուծոյ բոլոր հրեշտակները թող պաշտեն զայն»։

ՅԱՅՏՆՈՒԹԻՒՆ 11:16

Քսանչորս երէցները, որոնք իրենց գահերուն վրայ նստած էին Աստուծոյ դիմաց, իրենց երեսին վրայ գետին իյնալով՝ երկրպագեցին Աստուծոյ

ՅԱՅՏՆՈՒԹԻՒՆ 15:4

Ո՞վ պիտի չվախնայ քեզմէ, Տէ՛ր, եւ չփառաւորէ քու սուրբ անունդ. քանի դո՛ւն միայն սուրբ ես։ Բոլոր ազգերը պիտի գան եւ երկրպագեն քեզի, որովհետեւ յայտնուեցան արդար գործերդ»։

ՅԱՅՏՆՈՒԹԻՒՆ 22:9

Բայց անիկա ըսաւ ինծի. –Զգո՜յշ, մի՛ ըներ, որովհետեւ ես ալ ծառայակից եմ քեզի եւ եղբայրներուդ, այսինքն՝մարգարէներուն եւ անոնց՝ որոնք այս գիրքին պատգամները կը պահեն։ Աստուծո՛յ երկրպագէ։

ՅԱՅՏՆՈՒԹԻՒՆ 4:10

քսանչորս երէցները կ՚իյնային գահին վրայ նստողին առջեւ եւ կ՚երկրպագէին անոր՝ որ յաւիտեանս յաւիտենից կ՚ապրի։ Անոնք իրենց պսակները կը դնէին գահին առջեւ ու կ՚ըսէին.–

ՅԱՅՏՆՈՒԹԻՒՆ 4:4

եւ գահին շուրջ կային քսանչորս գահեր, որոնց վրայ նստած էին քսանչորս երէցներ՝ ճերմակ հագուստներ հագած եւ իրենց գլխուն՝ ոսկեղէն պսակներ։

ՅԱՅՏՆՈՒԹԻՒՆ 4:6

Գահին առջեւ կար նաեւ ապակեղէն ծովու նման տարածութիւն մը՝ բիւրեղի պէս վճիտ։ Հոն՝ կեդրոնը, գահին շուրջը, չորս կողմէն կային չորս կենդանիներ՝ առջեւէն ու ետեւէն աչքերով լեցուն։

ՅԱՅՏՆՈՒԹԻՒՆ 4:8

Չորս կենդանիներէն իւրաքանչիւրը վեց թեւեր ունէր՝ ներսէն ու դուրսէն աչքերով լեցուն։ Այդ կենդանիները գիշեր— ցերեկ անդադար կ՚ըսէին. «Սուրբ, Սուրբ, Սուրբ, ամենակալ Տէր Աստուած, որ էր, որ է եւ որ պիտի գայ»։