ՅԱՅՏՆՈՒԹԻՒՆ 6:9 - Western Armenian New Translation - Armenian Catholicosate of Cilicia - New Testament

⁹ Երբ Գառնուկը հինգերորդ կնիքը բացաւ, զոհասեղանին տակ տեսայ հոգիները այն բոլոր մարդոց, որոնք սպաննուած էին Աստուծոյ խօսքին իրենց հաւատարմութեան եւ տուած վկայութեան համար։

Արեւմտահայերէն Նոր Կտակարան հարմարցուած․ 2017

⁹ Երբ հինգերորդ կնիքը քակեց, սեղանին տակ տեսայ այն մարդոց հոգիները, որոնք սպաննուած էին Աստուծոյ խօսքին համար ու անոր վկայութեանը համար՝ որ իրենք տուած էին։

Western Armenian Bible 1853

⁹ Երբ հինգերորդ կնիքը քակեց, սեղանին տակ տեսայ այն մարդոց հոգիները, որոնք սպաննուած էին Աստուծոյ խօսքին համար ու անոր վկայութեանը համար՝ որ իրենք տուած էին։

ՅԱՅՏՆՈՒԹԻՒՆ 6:9 Iomraidhean Croise

ՅՈՎՀԱՆՆՈԻ 16:2

Իրենց ժողովարաններէն դուրս պիտի դնեն ձեզ, եւ ժամանակ պիտի գայ, երբ ո՛վ որ ձեզ սպաննէ՝ պիտի կարծէ թէ Աստուծոյ ծառայութիւն կը մատուցանէ։

ԵՐԿՐՈՐԴ ԿՈՐՆԹԱՑԻՍ 5:8

Բայց վստահութիւն ունինք, եւ շատ աւելի պիտի ուզէինք այս մարմինէն դուրս գալ եւ Տիրոջ քով ըլլալ։

ՓԻԼԻՊՊԵՑԻՍ 1:23

Երկու սուրի մէջ մնացած եմ. մէկ կողմէ՝ կը ցանկամ այս կեանքէն ելլել եւ Քրիստոսի հետ ըլլալ, ինչ որ գերազանցօրէն աւելի նախընտրելի է,

ՓԻԼԻՊՊԵՑԻՍ 2:17

Հիմա նոյնիսկ եթէ կեանքս տամ ձեր հաւատքին համար, որ դուք իբրեւ զոհ Աստուծոյ կ՚ընծայէք, գոհ եմ եւ բոլորիդ ուրախութեան մասնակից։

ԵՐԿՐՈՐԴ ՏԻՄՈԹԷՈՍ 1:8

Հետեւաբար մի՛ վախնար մեր Տիրոջ մասին վկայութիւն տալու. մի՛ վախնար նաեւ խօսելու իմ մասիս, որ Տիրոջ համար բանտարկուած եմ։ Այլ՝ ինծի պէս յանձն առ Աւետարանին սիրոյն չարչարուիլ, որքան որ կարողութիւն տայ Աստուած,

ԵՐԿՐՈՐԴ ՏԻՄՈԹԷՈՍ 4:6

Որովհետեւ ես արդէն իսկ կեանքս իբրեւ զոհ Աստուծոյ նուիրած եմ եւ այս աշխարհէն մեկնումիս ժամանակն ալ մօտեցած է։

ԵԲՐԱՅԵՑԻՍ 12:23

Մօտեցած էք երկինքի մէջ արձանագրուած Աստուծոյ անդրանիկ զաւակներու ուրախական հաւաքոյթին. Աստուծոյ, որ բոլորին դատաւորն է, կատարելութեան հասած արդարներու հոգիներուն,

ՅԱՅՏՆՈՒԹԻՒՆ 1:2

որ վկայեց իր տեսած բոլոր բաներուն մասին։ Այս վկայութիւնը ձեզի կը բերէ Աստուծոյ խօսքը եւ Յիսուս Քրիստոսի տուած վկայութիւնը։

ՅԱՅՏՆՈՒԹԻՒՆ 1:9

Ես, Յովհաննէս, ձեր եղբայրն եմ եւ Յիսուս Քրիստոսի միացած ըլլալով՝ մասնակից եմ ձեր նեղութեան, արքայութեան, յոյսին եւ համբերութեան։ Աստուծոյ խօսքին եւ Յիսուս Քրիստոսի վկայելուս համար՝ Պատմոս կոչուած կղզին աքսորուած էի։

ՅԱՅՏՆՈՒԹԻՒՆ 14:18

Յետոյ ուրիշ հրեշտակ մը, որ կրակին վրայ իշխանութիւն ունէր, զոհասեղանէն դուրս ելաւ եւ բարձրաձայն աղաղակեց սուր գերանդի ունեցող հրեշտակին, ըսելով. «Ղրկէ՛ սուր գերանդիդ եւ քաղէ՛ երկրի այգիին ողկոյզները, որովհետեւ խաղողը հասունցած է»։

ՅԱՅՏՆՈՒԹԻՒՆ 16:7

Յետոյ զոհասեղանէն լսեցի ձայն մը, որ կ՚ըսէր. «Այո՛, ո՜վ ամենակալ Տէր Աստուած, արդար եւ ճշմարիտ են վճիռներդ»։

ՅԱՅՏՆՈՒԹԻՒՆ 19:10

Ես անոր ոտքերուն առջեւ ինկայ՝ երկրպագելու համար իրեն, բայց անիկա ըսաւ ինծի. –Զգո՜յշ, մի՛ երկրպագեր ինծի, որովհետեւ ես ալ ծառայակից եմ քեզի եւ եղբայրներուդ, որոնք Յիսուսի համար վկայութիւն կու տան։ Միայն Աստուծոյ երկրպագէ։ Որովհետեւ Յիսուսի մասին վկայելն է բուն մարգարէութեան հոգին։

ՅԱՅՏՆՈՒԹԻՒՆ 2:13

Գիտեմ գործերդ եւ գիտեմ որ կը բնակիս հոն՝ ուր Սատանան իր աթոռըունի։ Բայց դուն իմ անունս պահեցիր եւ ինծի հանդէպ ունեցած հաւատքդ չուրացար՝ նոյնիսկ երբ իմ հաւատարիմ վկաս, Անտիպաս, ձեր դիմաց սպաննուեցաւ հոն՝ ուր Սատանան կը բնակի։

ՅԱՅՏՆՈՒԹԻՒՆ 20:4

Յետոյ տեսայ գահեր, որոնց վրայ նստան անոնք՝ որոնց իշխանութիւն տրուեցաւ դատելու։ Տեսայ նաեւ այն հոգիները, որոնք Յիսուսի եւ Աստուծոյ խօսքին իրենց տուած վկայութեան համար չարաչար գլխատուած էին։ Ասոնք չէին երկրպագած գազանին եւ անոր կնիքը չէին դրոշմած իրենց ճակատներուն եւ ձեռքերուն վրայ։ Անոնք վերակենդանացան եւ Քրիստոսի հետ հազար տարի թագաւորեցին։

ՅԱՅՏՆՈՒԹԻՒՆ 8:3

Ուրիշ հրեշտակ մըն ալ, որ ձեռքին ոսկի խնկաման մը ունէր, եկաւ եւ կեցաւ զոհասեղանին մօտ։ Անոր առատ խունկ տրուեցաւ, որպէսզի Աստուծոյ ընտրեալներուն աղօթքները մատուցանէ ոսկեղէն զոհասեղանին վրայ, որ կը գտնուի գահին դիմաց։

ՅԱՅՏՆՈՒԹԻՒՆ 9:13

Յետոյ վեցերորդ հրեշտակը փողը հնչեցուց. եւ լսեցի ձայն մը՝ որ կու գար Աստուծոյ դիմաց գտնուող ոսկիէ զոհասեղանին չորս անկիւններէն։