ՅԱՅՏՆՈՒԹԻՒՆ 5:11 - Western Armenian New Translation - Armenian Catholicosate of Cilicia - New Testament

¹¹ Տեսայ նաեւ եւ լսեցի ձայնը բազմաթիւ հրեշտակներու, որոնք կանգնած էին գահին, չորս կենդանիներուն եւ երէցներուն շուրջ։ Անոնք տասնեակ հազարներով եւ միլիոններով էին,

Արեւմտահայերէն Նոր Կտակարան հարմարցուած․ 2017

¹¹ Եւ նայեցայ՝ նաեւ շատ հրեշտակներու ձայն լսեցի, որոնք աթոռին ու կենդանիներուն եւ երէցներուն բոլորտիքն էին ու անոնց թիւն էր բիւր բիւրաւոր եւ հազար հազարաւոր.

Western Armenian Bible 1853

¹¹ Եւ նայեցայ՝ նաեւ շատ հրեշտակներու ձայն լսեցի, որոնք աթոռին ու կենդանիներուն եւ երէցներուն բոլորտիքն էին ու անոնց թիւն էր բիւր բիւրաւոր եւ հազար հազարաւոր.

ՅԱՅՏՆՈՒԹԻՒՆ 5:11 Iomraidhean Croise

ԵԲՐԱՅԵՑԻՍ 12:22

Դուք, սակայն, մօտեցած էք Սիոն լերան, կենդանի Աստուծոյ քաղաքին, երկնաւոր Երուսաղէմին, հրեշտակներու անհամար բանակներուն։

ՅՈՒԴԱՅԻ 1:14

Ճիշդ անոնց համար էր որ մարգարէացաւ Ենովք, Ադամէն ետք եկող եօթներորդ նահապետը, ըսելով. «Ահաւասիկ Տէրը իր բիւրաւոր սուրբ հրեշտակներով կու գայ,

ՅԱՅՏՆՈՒԹԻՒՆ 19:6

Ապա լսեցի մեծ բազմութեան մը ձայնը, նման առատ ջուրերու շառաչին եւ զօրաւոր որոտումի գոռումին, որ դարձեալ կ՚ըսէր.– «Ալէլուիա՜, որովհետեւ թագաւորեց Տէրը, մեր ամենակալ Աստուածը.

ՅԱՅՏՆՈՒԹԻՒՆ 4:4

եւ գահին շուրջ կային քսանչորս գահեր, որոնց վրայ նստած էին քսանչորս երէցներ՝ ճերմակ հագուստներ հագած եւ իրենց գլխուն՝ ոսկեղէն պսակներ։

ՅԱՅՏՆՈՒԹԻՒՆ 4:6

Գահին առջեւ կար նաեւ ապակեղէն ծովու նման տարածութիւն մը՝ բիւրեղի պէս վճիտ։ Հոն՝ կեդրոնը, գահին շուրջը, չորս կողմէն կային չորս կենդանիներ՝ առջեւէն ու ետեւէն աչքերով լեցուն։

ՅԱՅՏՆՈՒԹԻՒՆ 5:14

Չորս կենդանիները կը պատասխանէին. «Ամէն»։ Եւ երէցները ինկան անոր առջեւ եւ երկրպագութիւն ըրին։

ՅԱՅՏՆՈՒԹԻՒՆ 5:6

Ապա գահին մէջտեղ, չորս կենդանիներով եւ երէցներով շրջապատուած Գառնուկ մը տեսայ, որ կարծես մորթուած ըլլար։ Անիկա ունէր եօթը եղջիւրներ եւ եօթը աչքեր, որոնք Աստուծոյ եօթը հոգիներն են՝ աշխարհի բոլոր կողմերը ղրկուած։

ՅԱՅՏՆՈՒԹԻՒՆ 5:8

Հազիւ առած, չորս կենդանիները եւ քսանչորս երէցները ինկան Գառնուկին առջեւ։ Անոնցմէ իւրաքանչիւրը ունէր քնար մը եւ ոսկի խնկաման մը՝ խունկով լեցուն, որոնք Աստուծոյ ընտրեալներուն աղօթքներն են։

ՅԱՅՏՆՈՒԹԻՒՆ 7:11

Բոլոր հրեշտակները որոնք գահին, երէցներուն եւ չորս կենդանիներուն շուրջ կանգնած էին, իրենց երեսին վրայ գետին ինկան գահին առջեւ եւ երկրպագեցին Աստուծոյ,

ՅԱՅՏՆՈՒԹԻՒՆ 9:16

Եւ իմացայ որ անոնց հեծեալ զօրքերուն թիւը հարիւր հազարներով ու միլիոններով էր։