ՅԱՅՏՆՈՒԹԻՒՆ 3:14 - Western Armenian New Translation - Armenian Catholicosate of Cilicia - New Testament

¹⁴ Լաւոդիկիայի եկեղեցիին հրեշտակին գրէ՛. «Այսպէս կ՚ըսէ Ամէնը, հաւատարիմ եւ ճշմարիտ Վկան, Աստուծոյ ստեղծագործութեան Սկիզբը.–

Արեւմտահայերէն Նոր Կտակարան հարմարցուած․ 2017

¹⁴ Եւ Լաւոդիկէի մէջ եղած եկեղեցիին հրեշտակին գրէ. «Այսպէս կ’ըսէ Ամէնը, հաւատարիմ ու ճշմարիտ Վկան, Աստուծոյ արարածներուն Սկիզբը.

Western Armenian Bible 1853

¹⁴ Եւ Լաւոդիկէի մէջ եղած եկեղեցիին հրեշտակին գրէ. «Այսպէս կ’ըսէ Ամէնը, հաւատարիմ ու ճշմարիտ Վկան, Աստուծոյ արարածներուն Սկիզբը.

ՅԱՅՏՆՈՒԹԻՒՆ 3:14 Iomraidhean Croise

ՅՈՎՀԱՆՆՈԻ 1:3

Անով էր որ Աստուած ամէն ինչ ստեղծեց. առանց անոր ո՛չ մէկ բան ստեղծեց։

ՅՈՎՀԱՆՆՈԻ 8:14

Յիսուս պատասխանեց. – Հակառակ անոր որ ե՛ս եմ իմ մասիս վկայողը, այսուհանդերձ այդ վկայութիւնը ճշմարիտ է, որովհետեւ գիտեմ թէ ուրկէ՛ եկայ եւ ու՛ր կ՚երթամ։ Բայց դուք չէք գիտեր թէ ես ուրկէ կու գամ եւ ուր կ՚երթամ։

ԵՐԿՐՈՐԴ ԿՈՐՆԹԱՑԻՍ 1:20

Արդարեւ, Քրիստոս Աստուծոյ բոլոր խոստումներուն Այոն է։ Ահա թէ ինչու, մենք Քրիստոսը ընդունելով՝ Աստուծոյ Այո–ին «Ամէն» կ՚ըսենք, իր փառքին համար։

ԿՈՂՈՍԱՑԻՍ 1:15

Քրիստոս ինք՝ տեսանելի պատկերն է աներեւոյթ Աստուծոյ. Հօրը Որդին, ծնած համայն ստեղծուածներէն առաջ։

ԿՈՂՈՍԱՑԻՍ 1:18

Ան է Գլուխը մարմնին, այսինքն՝ եկեղեցիին։ Ան է սկիզբը, որ անդրանիկ ծնունդն եղաւ՝ մեռելներէն, որպէսզի ինք առաջնութիւնն ունենայ ամէն, ամէ՛ն բանի մէջ։

ԿՈՂՈՍԱՑԻՍ 2:1

Կ՚ուզեմ որ գիտնաք, թէ ինչպիսի՜ մեծ նեղութիւն կը կրեմ ձեզի եւ Լաւոդիկիացիներուն համար, ինչպէս նաեւ բոլոր անոնց համար՝ որոնք անձամբ զիս չեն տեսած։

ԿՈՂՈՍԱՑԻՍ 4:16

Այս նամակը ձեր մէջ կարդալէ ետք՝ այնպէս ըրէք որ Լաւոդիկիայի եկեղեցիին մէջ ալ կարդացուի։ Կ՚ուզեմ որ նոյնպէս կարդաք Լաւոդիկիացիներուն նամակը։

ՅԱՅՏՆՈՒԹԻՒՆ 1:11

որ ինծի կ՚ըսէր. –Գիրքի մը մէջ գրի՛ առ ինչ որ կը տեսնես, եւ գիրքը ղրկէ եօթը եկեղեցիներուն, որոնք կը գտնուին Եփեսոսի, Զմիռնիայի, Պերգամոնի, Թիատիրի, Սարդիկէի, Ֆիլատելֆիայի եւ Լաւոդիկիայի մէջ։

ՅԱՅՏՆՈՒԹԻՒՆ 1:5

եւ Յիսուս Քրիստոսէն՝ հաւատարիմ վկայէն, որ մեռելներէն յարութիւն առնողներուն առաջինն է եւ երկրի թագաւորութիւններուն Իշխանը։ Անիկա մեզ սիրեց եւ իր արիւնով մեր մեղքերուն շղթաները փշրեց,

ՅԱՅՏՆՈՒԹԻՒՆ 19:11

Եւ ահա երկինքը բացուեցաւ եւ տեսայ ճերմակ ձի մը, որուն վրայ նստող ձիաւորը կը կոչուի Հաւատարիմ եւ Ճշմարիտ. անիկա արդարութեամբ կը դատէ եւ կը պատերազմի։

ՅԱՅՏՆՈՒԹԻՒՆ 2:1

Եփեսոսի եկեղեցիին հրեշտակին գրէ՛. «Այսպէս կ՚ըսէ ան՝ որ իր աջ ձեռքին մէջ ունի եօթը աստղերը եւ որ կը շրջի եօթը ոսկի ճրագարաններուն միջեւ.–

ՅԱՅՏՆՈՒԹԻՒՆ 21:6

Եւ ըսաւ. –Եղաւ. ես եմ Այբը եւ Ֆէն, Սկիզբն ու Վախճանը։ Ես ծարաւին կեանքի ջուրի աղբիւրէն ձրի ջուր պիտի տամ։

ՅԱՅՏՆՈՒԹԻՒՆ 22:13

Ես եմ Այբը եւ Ֆէն, Առաջինը եւ Վերջինը, Սկիզբն ու Վախճանը։

ՅԱՅՏՆՈՒԹԻՒՆ 22:6

Հրեշտակը ըսաւ ինծի. –Ըսած խօսքերս վստահելի եւ ճշմարիտ են։ Տէրը՝ մարգարէներուն հոգիներուն Աստուածը, իր հրեշտակը ղրկեց՝ որպէսզի իր ծառաներուն ցոյց տայ այն՝ ինչ որ շուտով պիտի պատահի։

ՅԱՅՏՆՈՒԹԻՒՆ 3:7

Ֆիլատելֆիայի եկեղեցիին հրեշտակին գրէ՛. «Այսպէս կ՚ըսէ Սուրբը, Ճշմարիտը, ան՝ որ Դաւիթի բանալին ունի. երբ բանայ՝ չկայ մէկը որ գոցէ զայն, եւ երբ գոցէ՝ չկայ մէկը որ բանայ զայն.–