ՅԱՅՏՆՈՒԹԻՒՆ 22:5 - Western Armenian New Translation - Armenian Catholicosate of Cilicia - New Testament

⁵ Այնտեղ այլեւս գիշեր պիտի չըլլայ, եւ ա՛լ պէտք պիտի չունենան ճրագի եւ արեւու լոյսի, որովհետեւ Տէր Աստուած ինք պիտի լուսաւորէ զանոնք. անոնք պիտի թագաւորեն յաւիտեանս յաւիտենից։

Արեւմտահայերէն Նոր Կտակարան հարմարցուած․ 2017

⁵ Հոն ա՛լ գիշեր պիտի չըլլայ եւ ճրագ ու արեւու լոյս պէտք չէ. քանզի Տէր Աստուած պիտի լուսաւորէ զանոնք եւ յաւիտեանս յաւիտենից պիտի թագաւորեն։

Western Armenian Bible 1853

⁵ Հոն ա՛լ գիշեր պիտի չըլլայ եւ ճրագ ու արեւու լոյս պէտք չէ. քանզի Տէր Աստուած պիտի լուսաւորէ զանոնք եւ յաւիտեանս յաւիտենից պիտի թագաւորեն։

ՅԱՅՏՆՈՒԹԻՒՆ 22:5 Iomraidhean Croise

ՄԱՏԹԷՈՍ 19:28

Յիսուս պատասխանեց. – Երկրորդ գալուստին, երբ Մարդու Որդին իր փառքի աթոռին բազմի, դուք որ ինծի հետեւեցաք՝ պիտի բազմիք տասներկու գահերու վրայ, դատելու համար Իսրայէլի տասներկու ցեղերը։

ՄԱՏԹԷՈՍ 25:34

Յետոյ թագաւորը իր աջ կողմը կեցողներուն պիտի ըսէ. «Եկէ՛ք, Հօրս կողմէ օրհնեալներ, եւ ժառանգեցէք այն արքայութիւնը, որ ձեզի համար աշխարհի սկիզբէն պատրաստուած է։

ՄԱՏԹԷՈՍ 25:46

Եւ այսպէս, անոնք պիտի երթան յաւիտենական պատիժի, իսկ արդարները՝ յաւիտենական կեանքի։

ՀՌՈՎՄԱՅԵՑԻՍ 5:17

Որովհետեւ, եթէ ճշմարիտ է որ միակ մարդու մը պատճառով, մէկ հոգիին յանցանքով մահը թագաւորեց, ո՛րքան աւելի ճշմարիտ է՝ որ Աստուծոյ առատ շնորհքն ու արդարութեան պարգեւը ստացողները պիտի թագաւորեն կեանքի մէջ, միակ անձի մը՝ Յիսուս Քրիստոսի միջոցաւ։

ԵՐԿՐՈՐԴ ՏԻՄՈԹԷՈՍ 2:12

Եթէ համբերենք՝ իրեն հետ ալ պիտի թագաւորենք։ Եթէ զինք ուրանանք՝ ինքն ալ մեզ պիտի ուրանայ։

ՅԱՅՏՆՈՒԹԻՒՆ 11:15

Երբ եօթներորդ հրեշտակը փողը հնչեցուց, երկինքի մէջ ուժգին ձայներ լսուեցան, որոնք կ՚ըսէին. «Այլեւս ամբողջ աշխարհի թագաւորութիւնը կը պատկանի մեր Տիրոջ եւ իր Օծեալին, որ պիտի թագաւորէ յաւիտեանս յաւիտենից»։

ՅԱՅՏՆՈՒԹԻՒՆ 18:23

ճրագին լոյսը ա՛լ պիտի չփայլի քու մէջդ, փեսային ու հարսին ձայնը պիտի լռէ քու մէջդ, որովհետեւ վաճառականներդ աշխարհի հզօրներն էին, որովհետեւ բոլորն ալ, ամէն ազգեր, քու թունաւոր կախարդանքէդ մոլորեցան։

ՅԱՅՏՆՈՒԹԻՒՆ 20:4

Յետոյ տեսայ գահեր, որոնց վրայ նստան անոնք՝ որոնց իշխանութիւն տրուեցաւ դատելու։ Տեսայ նաեւ այն հոգիները, որոնք Յիսուսի եւ Աստուծոյ խօսքին իրենց տուած վկայութեան համար չարաչար գլխատուած էին։ Ասոնք չէին երկրպագած գազանին եւ անոր կնիքը չէին դրոշմած իրենց ճակատներուն եւ ձեռքերուն վրայ։ Անոնք վերակենդանացան եւ Քրիստոսի հետ հազար տարի թագաւորեցին։

ՅԱՅՏՆՈՒԹԻՒՆ 20:6

Երանելի եւ սուրբ են անոնք, որոնք բաժնեկից են մեռելներու առաջին յարութեան։ Երկրորդ մահը ասոնց վրայ իշխանութիւն չունի. ասոնք Աստուծոյ եւ Քրիստոսի քահանաները պիտի ըլլան եւ Քրիստոսի հետ հազար տարի թագաւորեն։

ՅԱՅՏՆՈՒԹԻՒՆ 21:11

Անիկա Աստուծոյ փառքով կը փայլէր եւ անոր փայլքը կը նմանէր շատ թանկագին քարի մը փայլքին, ինչպէս յասպիս քարը, բիւրեղի պէս թափանցիկ։

ՅԱՅՏՆՈՒԹԻՒՆ 3:21

Ով որ յաղթանակէ՝ անոր իրաւունք պիտի տամ նստելու ինծի հետ իմ գահիս վրայ, այնպէս՝ ինչպէս որ ես յաղթեցի եւ բազմեցայ Հօրս հետ իր գահին վրայ»։