ՅԱՅՏՆՈՒԹԻՒՆ 22:15 - Western Armenian New Translation - Armenian Catholicosate of Cilicia - New Testament

¹⁵ Իսկ դուրս պիտի մնան շնացողներն ու կախարդները, պոռնիկներն ու մարդասպանները, կռապաշտները եւ բոլոր անոնք՝ որոնք սուտը կը սիրեն եւ կ՚ընեն։

Արեւմտահայերէն Նոր Կտակարան հարմարցուած․ 2017

¹⁵ Բայց դուրս պիտի մնան շուներն ու կախարդները եւ պոռնիկներն ու սպանութիւն ընողները եւ կռապաշտներն ու այն ամէնքը որ ստութիւն կը սիրեն եւ կ’ընեն։

Western Armenian Bible 1853

¹⁵ Բայց դուրս պիտի մնան շուներն ու կախարդները եւ պոռնիկներն ու սպաննութիւն ընողները եւ կռապաշտներն ու այն ամէնքը որ ստութիւն կը սիրեն եւ կ’ընեն»։

ՅԱՅՏՆՈՒԹԻՒՆ 22:15 Iomraidhean Croise

ՄԱՏԹԷՈՍ 7:6

Ոեւէ սրբութիւն շուներուն մի՛ տաք, ձեր մարգարիտներն ալ խոզերուն առջեւ մի՛ նետէք, որպէսզի չըլլայ թէ զանոնք կոխկռտեն եւ դառնան ձեր վրայ յարձակին։

ՄԱՏԹԷՈՍ 8:12

իսկ անոնք որոնք երկինքի արքայութեան ժառանգորդները պէտք էր ըլլային՝ դուրսը խաւարին մէջ պիտի նետուին, ուր պիտի լան եւ ակռաները կրճտեն։

ՅՈՎՀԱՆՆՈԻ 8:46

Ձեզմէ ո՞վ կրնայ ամբաստանել զիս ոեւէ մեղքով։ Իսկ եթէ ճշմարտութիւնը կը խօսիմ, ինչո՞ւ չէք հաւատար ինծի։

ԳՈՐԾՔ ԱՌԱՔԵԼՈՑ 8:11

Իսկապէս ալ հիացած էին անով, որովհետեւ երկար ժամանակէ ի վեր իր կախարդութեամբ կ՚ապշեցնէր զանոնք, ինքզինք իբրեւ կարեւոր մէկը ներկայացնելով։

ՓԻԼԻՊՊԵՑԻՍ 3:2

Զգուշացէք այն մարդոցմէ, այն շուներէն, որոնք չարիք կը սերմանեն՝ ստիպելով որ թլփատուիք։

ԿՈՂՈՍԱՑԻՍ 3:6

որովհետեւ այդ բոլորը Աստուծոյ անհնազանդ մարդոց գործերն են, եւ Աստուած պիտի պատժէ զանոնք։

ԱՌԱՋԻՆ ՏԻՄՈԹԷՈՍ 1:10

պոռնկութիւն ընողներուն, արուագէտներուն, մարդ առեւանգողներուն, ստախօսներուն, սուտ երդում ընողներուն, եւ բոլոր այն արարքներուն համար, որոնք հակառակ են իմ փոխանցած առողջ ուսուցումներուս.

ՅԱՅՏՆՈՒԹԻՒՆ 18:23

ճրագին լոյսը ա՛լ պիտի չփայլի քու մէջդ, փեսային ու հարսին ձայնը պիտի լռէ քու մէջդ, որովհետեւ վաճառականներդ աշխարհի հզօրներն էին, որովհետեւ բոլորն ալ, ամէն ազգեր, քու թունաւոր կախարդանքէդ մոլորեցան։

ՅԱՅՏՆՈՒԹԻՒՆ 21:27

հոն պիտի չմտնէ ոեւէ պիղծ բան, ո՛չ ալ պղծութիւն գործող կամ ստախօս մարդ, այլ միայն անոնք՝ որոնց անունները գրուած են Գառնուկին Կեանքի գիրքին մէջ։

ՅԱՅՏՆՈՒԹԻՒՆ 21:8

Բայց վախկոտներուն, անհաւատներուն, պիղծերուն, մարդասպաններուն, պոռնիկներուն, կախարդներուն, կռապաշտներուն եւ բոլոր ստախօսներուն բաժինը՝ կրակով եւ ծծումբով այրող լիճն է, որ երկրորդ մահն է։