ՅԱՅՏՆՈՒԹԻՒՆ 21:2 - Western Armenian New Translation - Armenian Catholicosate of Cilicia - New Testament

² Եւ տեսայ սուրբ քաղաքը՝ Նոր Երուսաղէմը, որ Աստուծոյ մօտէն, երկինքէն կ՚իջնէր՝ զարդարուած ու պատրաստ, ինչպէս հարսը՝ ամուսինին համար։

Արեւմտահայերէն Նոր Կտակարան հարմարցուած․ 2017

² Սուրբ քաղաքը՝ նոր Երուսաղէմը՝ տեսայ, որ երկնքէն Աստուծմէ կ’իջնէր, իր էրկանը համար զարդարուած հարսի մը պէս պատրաստուած։

Western Armenian Bible 1853

² Սուրբ քաղաքը՝ նոր Երուսաղէմը՝ տեսայ, որ երկնքէն Աստուծմէ կ’իջնէր, իր էրկանը համար զարդարուած հարսի մը պէս պատրաստուած։

ՅԱՅՏՆՈՒԹԻՒՆ 21:2 Iomraidhean Croise

ՅՈՎՀԱՆՆՈԻ 3:29

Ով որ հարսը ունի՝ ա՛ն է փեսան. իսկ փեսային բարեկամը, որ մօտը կանգնած է, փեսային ձայնը լսելով մեծապէս կ՚ուրախանայ։ Ես նոյն այդ ուրախութիւնն է որ ունիմ, եւ իմ ուրախութիւնս կատարեալ է։

ԵՐԿՐՈՐԴ ԿՈՐՆԹԱՑԻՍ 11:2

Ես ձեզի հանդէպ Աստուծոյ նախանձախնդրութեամբ լեցուած՝ կ՚ուզեմ որ միայն Քրիստոսը սիրէք, ինչպէս մաքուր կոյս մը որ իր սէրը կը վերապահէ անոր՝ որ իր ամուսինը պիտի ըլլայ։

ԵԲՐԱՅԵՑԻՍ 11:10

Որովհետեւ ինք կը սպասէր այն միւս մնայուն քաղաքին, որուն ճարտարապետն ու շինողը Աստուած է։

ԵԲՐԱՅԵՑԻՍ 11:16

Բայց իրականին մէջ աւելի ազնուական հայրենիքի մը, երկնաւոր հայրենիքին կը ձգտէին, որովհետեւ գիտէին թէ Աստուած իրենց համար քաղաք մը պատրաստած է։ Ահա թէ ինչու՝ Աստուած ամօթ չի համարեր զանոնք իրը դաւանիլ եւ անոնց Աստուածը կոչուիլ։

ԵԲՐԱՅԵՑԻՍ 12:22

Դուք, սակայն, մօտեցած էք Սիոն լերան, կենդանի Աստուծոյ քաղաքին, երկնաւոր Երուսաղէմին, հրեշտակներու անհամար բանակներուն։

ԵԲՐԱՅԵՑԻՍ 13:14

որովհետեւ հոս՝ այս աշխարհի մէջ մնայուն քաղաք մը չունինք, այլ՝ գալիք երկնաւոր քաղաքին է որ կը ցանկանք։

ՅԱՅՏՆՈՒԹԻՒՆ 1:1

Ասիկա այն յայտնութիւնն է, որ Յիսուս Քրիստոս կատարեց։ Աստուած այս յայտնութիւնը տուաւ Քրիստոսի, որպէսզի ան իր ծառաներուն ցոյց տայ՝ թէ ի՛նչ պիտի պատահի շուտով։ Քրիստոս ասիկա իր հրեշտակին միջոցաւ յայտնեց իր ծառային՝ Յովհաննէսի,

ՅԱՅՏՆՈՒԹԻՒՆ 1:4

Յովհաննէսէն՝ Ասիա նահանգին մէջ գտնուող եօթը եկեղեցիներուն.– Շնորհք եւ խաղաղութիւն ձեզի անկէ՝ որ է, որ էր եւ որ պիտի գայ, եւ եօթը հոգիներէն, որոնք Աստուծոյ գահին դիմաց են,

ՅԱՅՏՆՈՒԹԻՒՆ 1:9

Ես, Յովհաննէս, ձեր եղբայրն եմ եւ Յիսուս Քրիստոսի միացած ըլլալով՝ մասնակից եմ ձեր նեղութեան, արքայութեան, յոյսին եւ համբերութեան։ Աստուծոյ խօսքին եւ Յիսուս Քրիստոսի վկայելուս համար՝ Պատմոս կոչուած կղզին աքսորուած էի։

ՅԱՅՏՆՈՒԹԻՒՆ 11:2

Իսկ գաւիթը, որ տաճարէն դուրս կը գտնուի՝ ձգէ՛, մի՛ չափեր, որովհետեւ անիկա հեթանոսներուն տրուած է, որոնք քառասուներկու ամիս ոտնակոխ պիտի ընեն Սուրբ Քաղաքը։

ՅԱՅՏՆՈՒԹԻՒՆ 21:10

Անիկա հոգիով զիս վերացուց եւ առաւ տարաւ բարձր եւ հսկայ լերան մը վրայ ու ցոյց տուաւ սուրբ քաղաքը՝ Երուսաղէմը, որ երկինքէն, Աստուծոյ մօտէն կ՚իջնէր։

ՅԱՅՏՆՈՒԹԻՒՆ 21:9

Ապա քովս եկաւ մէկը այն եօթը հրեշտակներէն, որոնք վերջին եօթը պատուհասներով լեցուն եօթը անօթները ունէին, եւ հետս խօսելով՝ ըսաւ ինծի. –Եկո՛ւր, քեզի ցոյց պիտի տամ հարսը՝ Գառնուկին կինը։

ՅԱՅՏՆՈՒԹԻՒՆ 22:17

Եւ Հոգին ու Հարսը կ՚ըսեն.– Եկո՛ւր։ Ով որ կը լսէ՝ թող ըսէ.– Եկո՛ւր։ Ով որ ծարաւ է՝ թող գայ, եւ ով որ կ՚ուզէ՝ թող ձրիաբար առնէ կեանքի ջուրէն։

ՅԱՅՏՆՈՒԹԻՒՆ 22:19

Եւ եթէ ոեւէ մէկը բան մը պակսեցնէ այս գիրքին մարգարէութեան խօսքերէն, Աստուած ալ այս գիրքին մէջ նկարագրուած Կեանքի ծառէն եւ Սուրբ Քաղաքէն իր բաժինը պիտի նուազեցնէ։

ՅԱՅՏՆՈՒԹԻՒՆ 3:12

Ով որ յաղթանակէ՝ զայն սիւներէն մէկը պիտի ընեմ իմ Աստուծոյս տաճարին, ուրկէ այլեւս դուրս պիտի չելլէ։ Անոր վրայ պիտի գրեմ իմ Աստուծոյս անունը, ինչպէս նաեւ իմ Աստուծոյս քաղաքին անունը, այսինքն՝ Նոր Երուսաղէմ, որ երկինքէն՝ իմ Աստուծոյս մօտէն պիտի իջնէ։ Եւ անոր վրայ պիտի գրեմ նաեւ իմ նոր անունս»։