ՅԱՅՏՆՈՒԹԻՒՆ 2:9 - Western Armenian New Translation - Armenian Catholicosate of Cilicia - New Testament

⁹ Գիտեմ քու գործերդ, նեղութիւնդ եւ աղքատութիւնդ։ Աղքատ կ՚երեւիս, բայց հարուստ ես դուն։ Գիտեմ անարգական խօսքերը, որ կ՚ըսեն անոնք՝ որոնք իրենք զիրենք Հրեայ կը նկատեն եւ սակայն չեն. անոնք Սատանայի հետեւորդներ են։

Արեւմտահայերէն Նոր Կտակարան հարմարցուած․ 2017

⁹ գիտեմ քու գործերդ ու նեղութիւնդ եւ աղքատութիւնդ, (բայց հարուստ ես), ու անոնց հայհոյութիւնը՝ որ կ’ըսեն թէ իրենք Հրեայ են, բայց չեն հապա Սատանայի ժողովուրդ։

Western Armenian Bible 1853

⁹ Գիտեմ քու գործերդ ու նեղութիւնդ եւ աղքատութիւնդ, (բայց հարուստ ես,) ու անոնց հայհոյութիւնը՝ որ կ’ըսեն թէ իրենք Հրեայ են, բայց չեն հապա Սատանայի ժողովուրդ։

ՅԱՅՏՆՈՒԹԻՒՆ 2:9 Iomraidhean Croise

ՄԱՏԹԷՈՍ 4:10

Այն ատեն Յիսուս ըսաւ անոր. – Ետի՛ս գնա, Սատանա՛յ, որովհետեւ Օրէնքի գիրքին մէջ գրուած է. «Քու Տէր Աստուածդ պէտք է պաշտես եւ միայն անո՛ր ծառայես»։

ՂՈԻԿԱՍ 12:21

Եւ Յիսուս եզրակացուց. – Նոյնն է պարագան բոլոր անոնց, որոնք միայն իրենց անձերուն համար հարստութիւն կը դիզեն, փոխանակ Աստուծոյ աչքին հարստանալու։

ՂՈԻԿԱՍ 22:65

Եւ ուրիշ շատ մը հայհոյալից խօսքերով կը նախատէին զինք։

ՂՈԻԿԱՍ 4:18

«Տիրոջ Հոգին վրաս է. որովհետեւ զիս օծեց եւ ղրկեց՝ աղքատներուն փրկութեան աւետիս տալու, սրտաբեկները մխիթարելու,

ՂՈԻԿԱՍ 6:20

Յիսուս իր աչքերը աշակետներուն յառելով, ըսաւ. – Երանի՜ աղքատներուդ, որովհետեւ ձերն է Աստուծոյ արքայութիւնը։

ՅՈՎՀԱՆՆՈԻ 16:33

Ասոնք խօսեցայ ձեզի, որպէսզի ինձմով խաղաղութիւն ունենաք։ Աշխարհի վրայ նեղութիւն պիտի ունենաք, բայց քաջալերուեցէ՛ք, որովհետեւ ես յաղթեցի աշխարհին։

ԳՈՐԾՔ ԱՌԱՔԵԼՈՑ 14:22

Տիրոջ աշակերտները զօրացնելու համար եւ զանոնք յորդորելու՝ որ հաւատքին մէջ հաստատուն մնան։ Անոնց կ՚ըսէին.– –Բազմաթիւ նեղութիւններ պէտք է կրենք՝ Աստուծոյ արքայութիւնը մտնելու համար։

ԳՈՐԾՔ ԱՌԱՔԵԼՈՑ 26:11

Բոլոր ժողովարաններուն մէջ բազմաթիւ անգամներ զանոնք պատժել տալով՝ կը ստիպէի որ ուրանան Յիսուսը. եւ անոնց դէմ իմ անսահման մոլուցքիս մէջ՝ մինչեւ իսկ մեր երկրէն դուրս գտնուող քաղաքներուն մէջ ալ կը հալածէի զանոնք։ –

ՀՌՈՎՄԱՅԵՑԻՍ 12:12

Յոյսով ուրախացէք, նեղութեանց մէջ համբերող եղէք, յարատեւ աղօթեցէ՛ք։

ՀՌՈՎՄԱՅԵՑԻՍ 2:17

Արդ, դուն որ ինքզինքդ Հրեայ կը կոչես եւ Օրէնքին ապաւինած՝ Աստուծմով կը պարծենաս,

ՀՌՈՎՄԱՅԵՑԻՍ 5:3

Եւ ոչ միայն այսքան. այլ տակաւին կը պարծենանք նաեւ մեր նեղութեանց մէջ, գիտնալով որ նեղութիւնները մեզի համբերութիւն կու տան,

ՀՌՈՎՄԱՅԵՑԻՍ 8:35

Ո՞վ կրնայ, ուրեմն, մեզ բաժնել Քրիստոսի սէրէն. նեղութի՞ւնը, անձկութի՞ւնը, հալածա՞նքը, սո՞վը, մերկութի՞ւնը, վտա՞նգը կամ սո՞ւրը։

ՀՌՈՎՄԱՅԵՑԻՍ 9:6

Եւ սակայն, Աստուծոյ խոստումը բնաւ չի կրնար վրիպած ըլլալ։ Արդարեւ, Իսրայէլէն եղող ամէն մարդ Իսրայէլացի չէ,

ԵՐԿՐՈՐԴ ԿՈՐՆԹԱՑԻՍ 6:10

Թող մեր կեանքը տխուր կարծեն. մենք միշտ ուրախ ենք։ Աղքատ թող սեպեն. մենք շատերու կեանքերը կը ճոխացնենք։ Այո՛, կը թուի թէ ոչինչ ունինք, մինչդեռ ամէն ինչ ունինք։

ԵՐԿՐՈՐԴ ԿՈՐՆԹԱՑԻՍ 8:2

Հակառակ իրենց կրած նեղութեան եւ ծանր փորձութեան, մեծ եղաւ իրենց ուրախութիւնը, եւ հակառակ իրենց ծայր աստիճան աղքատութեան՝ չափազանց առատաձեռն եղան։

ԵՐԿՐՈՐԴ ԿՈՐՆԹԱՑԻՍ 8:9

Արդարեւ, դուք գիտէք թէ մեր Տէրը՝ Յիսուս Քրիստոս ի՜նչ շնորհք ըրաւ մեզի. ինք որ հարուստն էր՝ աղքատացաւ ձեզի համար, որպէսզի իր աղքատանալովը դուք հարստանաք։

ԱՌԱՋԻՆ ԹԵՍԱՂՈՆԻԿԵՑԻՍ 3:4

Երբ տակաւին ձեր մօտ էինք, սկիզբէն չըսի՞նք ձեզի՝ թէ նեղութիւններ պիտի կրենք, ինչպէս որ եղաւ ահա, եւ տեսաք։

ԱՌԱՋԻՆ ՏԻՄՈԹԷՈՍ 1:13

զիս՝ որ նախապէս կը հայհոյէի իրեն, կը հալածէի եւ կ՚անարգէի զինք։ Բայց ինք ողորմութիւն ցոյցտուաւ ինծի, որովհետեւ առանց գիտնալու կ՚ընէի, երբ տակաւին չէի հաւատացած իրեն։

ԱՌԱՋԻՆ ՏԻՄՈԹԷՈՍ 6:18

Պատուիրէ որ բարիք գործեն, լաւ գործերով հարստանան, եւ ըլլան առատաձեռն, սիրալիր եւ իրենց ունեցածով ուրիշներուն օգնելու պատրաստ։

ՅԱՅՏՆՈՒԹԻՒՆ 1:9

Ես, Յովհաննէս, ձեր եղբայրն եմ եւ Յիսուս Քրիստոսի միացած ըլլալով՝ մասնակից եմ ձեր նեղութեան, արքայութեան, յոյսին եւ համբերութեան։ Աստուծոյ խօսքին եւ Յիսուս Քրիստոսի վկայելուս համար՝ Պատմոս կոչուած կղզին աքսորուած էի։

ՅԱՅՏՆՈՒԹԻՒՆ 2:13

Գիտեմ գործերդ եւ գիտեմ որ կը բնակիս հոն՝ ուր Սատանան իր աթոռըունի։ Բայց դուն իմ անունս պահեցիր եւ ինծի հանդէպ ունեցած հաւատքդ չուրացար՝ նոյնիսկ երբ իմ հաւատարիմ վկաս, Անտիպաս, ձեր դիմաց սպաննուեցաւ հոն՝ ուր Սատանան կը բնակի։

ՅԱՅՏՆՈՒԹԻՒՆ 2:2

Գիտեմ քու գործերդ, վաստակդ եւ համբերութիւնդ։ Գիտեմ որ չես հանդուրժեր չար մարդոց։ Փորձեցիր անոնք, որոնք իրենք զիրենք առաքեալ կը կոչեն եւ սակայն չեն, ու գտար որ անոնք ստախօս են։

ՅԱՅՏՆՈՒԹԻՒՆ 2:24

«Գալով Թիատիրի մէջ գտնուող մնացեալ հաւատացեալներուդ, որ չհետեւեցաք այդ վարդապետութեան եւ չճանչցաք ինչ որ կը կոչեն “Սատանային ծածուկ խորհուրդները”, ձեզի կ՚ըսեմ՝ որ ուրիշ բեռ պիտի չդնեմ ձեր վրայ,

ՅԱՅՏՆՈՒԹԻՒՆ 3:9

Ահաւասիկ քեզի պիտի յանձնեմ Սատանային հետեւորդներէն կարգ մը մարդիկ, որոնք իրենք զիրենք Հրեայ կը նկատեն, բայց իրականութեան մէջ չե՛ն. անոնք կը ստեն։ Այնպէս մը պիտի ընեմ, որ անոնք գան եւ երկրպագեն ոտքերուդ առջեւ ու գիտնան՝ թէ ես քեզ սիրեցի։

ՅԱՅՏՆՈՒԹԻՒՆ 7:14

Տէր, դո՛ւն գիտես,– պատասխանեցի։ Անիկա ըսաւ ինծի. –Այս մարդիկը անոնք են, որոնք կու գան մեծ նեղութենէն։ Անոնք իրենց պարեգօտները լուացին եւ ճերմկցուցին Գառնուկին արիւնովը։