ՅԱՅՏՆՈՒԹԻՒՆ 2:14 - Western Armenian New Translation - Armenian Catholicosate of Cilicia - New Testament

¹⁴ Բայց քեզի դէմ կարգ մը դժգոհութիւններ ունիմ։ Քու շարքերուդ մէջ ունիս Բաղաամի վարդապետութեան հետեւորդներ. այն Բաղաամին, որ Բալակի սորվեցուց՝ Իսրայէլի որդիները մեղքի մղել, որպէսզի անոնք կուռքերու զոհուած միս ուտեն եւ պոռնկութիւն ընեն։

Արեւմտահայերէն Նոր Կտակարան հարմարցուած․ 2017

¹⁴ Բայց քեզի դէմ քիչ մը բան ունիմ, որ հոդ Բաղաամին վարդապետութեանը հետեւողներ կան, որ Բաղակին սորվեցուց Իսրայէլի որդիներուն առջեւ գայթակղութիւն դնել, որպէս զի անոնք կուռքերու զոհուածներ ուտեն ու պոռնկութիւն ընեն։

Western Armenian Bible 1853

¹⁴ Բայց քեզի դէմ քիչ մը բան ունիմ, որ հոդ Բաղաամին վարդապետութեանը հետեւողներ կան, որ Բաղակին սորվեցուց Իսրայէլի որդիներուն առջեւ գայթակղութիւն դնել, որպէս զի անոնք կուռքերու զոհուածներ ուտեն ու պոռնկութիւն ընեն։

ՅԱՅՏՆՈՒԹԻՒՆ 2:14 Iomraidhean Croise

ՄԱՏԹԷՈՍ 18:7

Վա՜յ աշխարհին, քանի գայթակղութիւնները անպակաս են հոն։ Գայթակղութիւններ անպայման պիտի պատահին. բայց վա՛յ այն մարդուն, որուն ձեռքով ուրիշներ գայթակղութեան մէջ կ՚իյնան։ ԽՔ 6 (

ԳՈՐԾՔ ԱՌԱՔԵԼՈՑ 15:29

որ հեռու մնաք կուռքերուն զոհուած կերակուրներէն, արիւնէ, խեղդուած կենդանիներու միսէն եւ պոռնկութենէ։ Եթէ ասոնք պահէք՝ լաւ կ՚ընէք։ Ողջ եղէք»։

ԳՈՐԾՔ ԱՌԱՔԵԼՈՑ 21:25

Իսկ ինչ կը վերաբերի հեթանոսութենէ դարձած հաւատացեալներուն, մենք նամակով իրենց փոխանցեցինք մեր որոշումը՝ որ հեռու մնան կուռքերու զոհուած կերակուրներէ, արիւնէ, խեղդուած կենդանիներու միսէն եւ պոռնկութենէ։

ՀՌՈՎՄԱՅԵՑԻՍ 11:9

Իսկ Դաւիթ կ՚ըսէ.– «Թող անոնց սեղանը որոգայթ ու ծուղակ ըլլայ իրենց համար, գայթակղութիւն եւ հատուցում ըլլայ իրենց համար։

ՀՌՈՎՄԱՅԵՑԻՍ 14:13

այսուհետեւ դադրի՛նք իրար քննադատելէ, եւ փոխարէնը ջանանք մեր եղբայրներուն գայթակղութեան եւ մեղանչումին պատճառ չդառնալ։

ՀՌՈՎՄԱՅԵՑԻՍ 14:21

Աւելի ճիշդ է՝ ո՛չ միս ուտել, ո՛չ գինի խմել, ո՛չ ալ ուրիշ ոեւէ բան ընել՝ որով եղբայրդ կը գլորի կամ կը գայթակղի կամ կը տկարանայ։

ՀՌՈՎՄԱՅԵՑԻՍ 9:32

Ինչո՞ւ։ Որովհետեւ չհաւատաց Քրիստոսի, եւ կը կարծէր թէ Օրէնքին գործադրութեամբը պիտի արդարանայ։ Ատիկա իսկ պատճառ եղաւ որ գլորին «գայթակղութեան առիթ հանդիսացող քար» ին վրայ, այսինքն՝ Քրիստոսի,

ԱՌԱՋԻՆ ԿՈՐՆԹԱՑԻՍ 1:23

մենք խաչուած Քրիստոսը կը քարոզենք, որ գայթակղութիւն է Հրեաներուն համար եւ յիմարութիւն՝ հեթանոսներուն համար,

ԱՌԱՋԻՆ ԿՈՐՆԹԱՑԻՍ 7:2

Բայց որպէսզի պոռնկութեան մէջ չիյնաք՝ ամէն մարդ թող իր կինը ունենայ եւ ամէն կին՝ իր ամուսինը,

ԵԲՐԱՅԵՑԻՍ 13:4

Բոլորդ ալ պատուեցէ՛ք ամուսնութիւնը եւ ամուսնական կապը սուրբ պահեցէք, որովհետեւ Աստուած կը դատապարտէ շնացողներն ու պոռնկութիւն ընողները։

ԱՌԱՋԻՆ ՊԵՏՐՈՍԻ 2:8

կամ՝ «Այն քարն է, որ գլորումի եւ գայթակղութեան առիթ» պիտի ըլլայ անոնց համար՝ որոնք Աստուծոյ խօսքը անհամոզիչ գտնելով կը գայթակղին, ինչպէս որ Աստուած նախատեսած էր։

ԵՐԿՐՈՐԴ ՊԵՏՐՈՍԻ 2:15

Ուղիղ ճամբան ձգելով՝ մոլորած են, հետեւելով Բէորի որդի Բաղաամի օրինակին, որ ուզեց անիրաւութեամբ դրամ շահիլ,

ՅՈՒԴԱՅԻ 1:11

Վա՜յ անոնց, որոնք Կայէնի գացած ճամբով գացին։ Դրամի սիրոյն՝ մոլորութեան մէջ ինկան, Բաղաամին պէս, եւ իրենց ապստամբութեան համար ալ պիտի կորսուին, Կորխին պէս։

ՅԱՅՏՆՈՒԹԻՒՆ 2:20

Բայց քեզի դէմ դժգոհութիւն ունիմ, քանի կը հանդուրժես Եզաբէլին, կնոջ մը՝ որ ինքզինք մարգարէուհի կը նկատէ։ Անիկա իմ ծառաներս կը մոլորեցնէ, անոնց պոռնկութիւն ընել եւ կուռքերուն զոհուած միս ուտել սորվեցնելով։

ՅԱՅՏՆՈՒԹԻՒՆ 2:4

Բայց հիմա դժգոհ եմ քեզմէ, որովհետեւ զիս առաջուան պէս չես սիրեր։

ՅԱՅՏՆՈՒԹԻՒՆ 21:8

Բայց վախկոտներուն, անհաւատներուն, պիղծերուն, մարդասպաններուն, պոռնիկներուն, կախարդներուն, կռապաշտներուն եւ բոլոր ստախօսներուն բաժինը՝ կրակով եւ ծծումբով այրող լիճն է, որ երկրորդ մահն է։

ՅԱՅՏՆՈՒԹԻՒՆ 22:15

Իսկ դուրս պիտի մնան շնացողներն ու կախարդները, պոռնիկներն ու մարդասպանները, կռապաշտները եւ բոլոր անոնք՝ որոնք սուտը կը սիրեն եւ կ՚ընեն։