ՅԱՅՏՆՈՒԹԻՒՆ 2:1 - Western Armenian New Translation - Armenian Catholicosate of Cilicia - New Testament

¹ Եփեսոսի եկեղեցիին հրեշտակին գրէ՛. «Այսպէս կ՚ըսէ ան՝ որ իր աջ ձեռքին մէջ ունի եօթը աստղերը եւ որ կը շրջի եօթը ոսկի ճրագարաններուն միջեւ.–

Արեւմտահայերէն Նոր Կտակարան հարմարցուած․ 2017

¹ Եփեսոսի մէջ եղած եկեղեցիին հրեշտակին գրէ. «Այսպէս կ’ըսէ անիկա, որ իր աջ ձեռքին մէջ եօթը աստղերը ունի ու եօթը ոսկեղէն աշտանակներուն միջեւ կը պտըտի.

Western Armenian Bible 1853

¹ Եփեսոսի մէջ եղած եկեղեցիին հրեշտակին գրէ. «Այսպէս կ’ըսէ անիկա, որ իր աջ ձեռքին մէջ եօթը աստղերը ունի ու եօթը ոսկեղէն աշտանակներուն միջեւ կը պտըտի.

ՅԱՅՏՆՈՒԹԻՒՆ 2:1 Iomraidhean Croise

ՄԱՏԹԷՈՍ 18:20

Որովհետեւ ուր որ երկու կամ երեք հոգի հաւաքուին իմ անունովս, ես հոն եմ՝ անոնց միջեւ։

ՄԱՏԹԷՈՍ 28:20

Անոնց սորվեցուցէք այն բոլոր պատուիրանները որ ես ձեզի տուի. եւ ահա միշտ ձեզի հետ պիտի ըլլամ, մինչեւ աշխարհիս վախճանը։

ՅՈՎՀԱՆՆՈԻ 5:35

Յովհաննէս այն առկայծ ճրագն էր, որ կը շողար. եւ դուք ուզեցիք որոշ ատեն մը անոր լոյսով ուրախանալ։

ԳՈՐԾՔ ԱՌԱՔԵԼՈՑ 18:19

Երբ Եփեսոս հասան, զանոնք քաղաք ձգելով՝ ինք գնաց տեղւոյն ժողովարանը եւ խօսեցաւ Հրեաներուն:

ԳՈՐԾՔ ԱՌԱՔԵԼՈՑ 18:21

այլ՝ հրաժեշտ առաւ անոնցմէ, ըսելով. –Յառաջիկայ տօնը անպայման Երուսաղէմի մէջ պէտք է կատարեմ. բայց եթէ Աստուած կամենայ՝ դարձեալ կու գամ ձեզի։

ԳՈՐԾՔ ԱՌԱՔԵԼՈՑ 19:1

Մինչ Ապողոս Կորնթոս կը գտնուէր, Պօղոս Գաղատիայի եւ Փռիւգիայի կողմերը պտըտելէ ետք Եփեսոս իջաւ։ Այստեղ Տիրոջ աշակերտած մարդիկ գտնելով՝

ԵՐԿՐՈՐԴ ԿՈՐՆԹԱՑԻՍ 6:16

Ի՞նչ նմանութիւն կայ Աստուծոյ տաճարին եւ մեհեաններուն միջեւ։ Արդարեւ, մե՛նք ենք կենդանի Աստուծոյ տաճարը, ինչպէս Աստուած ինք ըսաւ.– «Անոնց մէջ պիտի բնակիմ եւ անոնց հետ պիտի ապրիմ։ Ես իրենց Աստուածը պիտի ըլլամ եւ անոնք՝ իմ ժողովուրդս»։

ՅԱՅՏՆՈՒԹԻՒՆ 1:16

Անիկա իր աջ ձեռքին մէջ բռնած էր եօթը աստղեր, եւ անոր բերանէն կ՚ելլէր սրուած երկսայրի սուր մը։ Անոր դէմքը կէսօրուան արեւուն նման կը փայլէր։

ՅԱՅՏՆՈՒԹԻՒՆ 1:20

Եօթը աստղերուն, որ կը տեսնես աջ ձեռքիս մէջ, եւ եօթը ոսկի ճրագարաններուն իմաստը հետեւեալն է.– Եօթը աստղերը եօթը եկեղեցիներուն հրեշտակներն են, իսկ եօթը ճրագարանները՝ եօթը եկեղեցիները։

ՅԱՅՏՆՈՒԹԻՒՆ 12:1

Եւ ապա մեծ նշան մը երեւցաւ երկինքի մէջ։ Տեսնուեցաւ կին մը, որ արեւը հագած էր, լուսինը առած իր ոտքերուն տակ, եւ գլխուն ունէր տասներկու աստղերով պսակ մը։

ՅԱՅՏՆՈՒԹԻՒՆ 2:12

Պերգամոնի եկեղեցիին հրեշտակին գրէ՛. «Այսպէս կ՚ըսէ ան՝ որ սրուած երկսայրի սուրը ունի.–

ՅԱՅՏՆՈՒԹԻՒՆ 2:18

Թիատիրի եկեղեցիին հրեշտակին գրէ՛. «Այսպէս կ՚ըսէ Աստուծոյ Որդին, որուն աչքերը կրակի բոցի պէս են եւ ոտքերը՝ հրաշէկ անագապղինձի նման.–

ՅԱՅՏՆՈՒԹԻՒՆ 2:8

Զմիռնիայի եկեղեցիին հրեշտակին գրէ՛. «Այսպէս կ՚ըսէ Առաջինն ու Վերջինը, ան՝ որ մեռաւ ու վերակենդանացաւ.–

ՅԱՅՏՆՈՒԹԻՒՆ 3:1

Սարդիկէի եկեղեցիին հրեշտակին գրէ՛. «Այսպէս կ՚ըսէ ան՝ որ ունի Աստուծոյ եօթը հոգիները եւ եօթը աստղերը.– Գիտեմ քու գործերդ եւ գիտեմ՝ որ միայն անունով ողջ ես, բայց իրականութեան մէջ մեռած ես։

ՅԱՅՏՆՈՒԹԻՒՆ 3:14

Լաւոդիկիայի եկեղեցիին հրեշտակին գրէ՛. «Այսպէս կ՚ըսէ Ամէնը, հաւատարիմ եւ ճշմարիտ Վկան, Աստուծոյ ստեղծագործութեան Սկիզբը.–

ՅԱՅՏՆՈՒԹԻՒՆ 3:7

Ֆիլատելֆիայի եկեղեցիին հրեշտակին գրէ՛. «Այսպէս կ՚ըսէ Սուրբը, Ճշմարիտը, ան՝ որ Դաւիթի բանալին ունի. երբ բանայ՝ չկայ մէկը որ գոցէ զայն, եւ երբ գոցէ՝ չկայ մէկը որ բանայ զայն.–