ՅԱՅՏՆՈՒԹԻՒՆ 18:23 - Western Armenian New Translation - Armenian Catholicosate of Cilicia - New Testament

²³ ճրագին լոյսը ա՛լ պիտի չփայլի քու մէջդ, փեսային ու հարսին ձայնը պիտի լռէ քու մէջդ, որովհետեւ վաճառականներդ աշխարհի հզօրներն էին, որովհետեւ բոլորն ալ, ամէն ազգեր, քու թունաւոր կախարդանքէդ մոլորեցան։

Արեւմտահայերէն Նոր Կտակարան հարմարցուած․ 2017

²³ եւ ճրագին լոյսը ա՛լ պիտի չերեւնայ քու մէջդ ու փեսային ձայնը եւ հարսին ձայնը ա՛լ պիտի չլսուին քու մէջդ. քանզի քու վաճառականներդ երկրին մեծամեծներն էին. վասն զի քու կախարդութիւնովդ բոլոր ազգերը մոլորեցան»։

Western Armenian Bible 1853

²³ Եւ ճրագին լոյսը ա՛լ պիտի չերեւնայ քու մէջդ ու փեսային ձայնը եւ հարսին ձայնը ա՛լ պիտի չլսուին քու մէջդ. քանզի քու վաճառականներդ երկրին մեծամեծներն էին. վասն զի քու կախարդութիւնովդ բոլոր ազգերը մոլորեցան»։

ՅԱՅՏՆՈՒԹԻՒՆ 18:23 Iomraidhean Croise

ԳՈՐԾՔ ԱՌԱՔԵԼՈՑ 8:11

Իսկապէս ալ հիացած էին անով, որովհետեւ երկար ժամանակէ ի վեր իր կախարդութեամբ կ՚ապշեցնէր զանոնք, ինքզինք իբրեւ կարեւոր մէկը ներկայացնելով։

ՅԱՅՏՆՈՒԹԻՒՆ 12:9

Մեծ վիշապը, այն առաջին օձը, որ Բանսարկու եւ Սատանայ կը կոչուի եւ որ ամբողջ աշխարհը մոլորեցուց, երկիր ձգուեցաւ։ Անոր հրեշտակներն ալ միասին վար ձգուեցան։

ՅԱՅՏՆՈՒԹԻՒՆ 17:2

Երկրի թագաւորները պոռնկութիւն ըրին անոր հետ եւ երկրի բնակիչները անոր պոռնկութեան գինիով գինովցան։

ՅԱՅՏՆՈՒԹԻՒՆ 17:5

Անոր ճակատին գրուած էր խորհրդաւոր անուն մը – «Մեծ Բաբելոն, մայր պոռնիկներու եւ երկրի գարշելիքներուն»։

ՅԱՅՏՆՈՒԹԻՒՆ 18:22

Պիտի լռեն բոլորը՝ քնարահարներ ու երաժիշտներ, սրնգահարներ եւ փողահարներ. ա՛լ ոեւէ արհեստ ի գործ դնող արհեստաւոր պիտի չգտնուի քու մէջդ. երկանաքարին ձայնը պիտի չլսուի քու մէջդ.

ՅԱՅՏՆՈՒԹԻՒՆ 18:3

Որովհետեւ բոլոր ազգերը անոր պոռնկութեան բարկ գինիէն արբեցան եւ երկրի թագաւորները անոր հետ պոռնկութիւն ըրին. այս աշխարհի վաճառականները անոր անչափ զեղխութենէն անհամեմատ հարստացան»։

ՅԱՅՏՆՈՒԹԻՒՆ 18:9

Աշխարհի թագաւորները, որոնք անոր հետ պոռնկութիւն ըրին ու զուարճացան, պիտի ողբան, լաց ու կոծ ընեն, երբ տեսնեն անոր հրկիզման ծուխը։

ՅԱՅՏՆՈՒԹԻՒՆ 21:8

Բայց վախկոտներուն, անհաւատներուն, պիղծերուն, մարդասպաններուն, պոռնիկներուն, կախարդներուն, կռապաշտներուն եւ բոլոր ստախօսներուն բաժինը՝ կրակով եւ ծծումբով այրող լիճն է, որ երկրորդ մահն է։

ՅԱՅՏՆՈՒԹԻՒՆ 22:15

Իսկ դուրս պիտի մնան շնացողներն ու կախարդները, պոռնիկներն ու մարդասպանները, կռապաշտները եւ բոլոր անոնք՝ որոնք սուտը կը սիրեն եւ կ՚ընեն։

ՅԱՅՏՆՈՒԹԻՒՆ 22:5

Այնտեղ այլեւս գիշեր պիտի չըլլայ, եւ ա՛լ պէտք պիտի չունենան ճրագի եւ արեւու լոյսի, որովհետեւ Տէր Աստուած ինք պիտի լուսաւորէ զանոնք. անոնք պիտի թագաւորեն յաւիտեանս յաւիտենից։

ՅԱՅՏՆՈՒԹԻՒՆ 6:15

Երկրի թագաւորները, իշխանները, հրամանատարները, հարուստները, զօրաւոր մարդիկը, եւ ծառայ թէ ազատ՝ բոլորը պահուտեցան քարայրներու եւ լեռներու ժայռերուն մէջ։

ՅԱՅՏՆՈՒԹԻՒՆ 9:21

Անոնք չապաշխարեցին իրենց կատարած մարդասպանութեան, կախարդութեան, պոռնկութեան եւ գողութեան համար։