ՅԱՅՏՆՈՒԹԻՒՆ 18:20 - Western Armenian New Translation - Armenian Catholicosate of Cilicia - New Testament

²⁰ Ուրախացի՛ր անոր դատապարտութեան վրայ, ո՜վ երկինք, եւ դուք՝ սուրբեր, առաքեալներ, մարգարէներ, որովհետեւ Աստուած դատապարտեց զայն եւ ձեր վրէժը անկէ լուծեց»։

Արեւմտահայերէն Նոր Կտակարան հարմարցուած․ 2017

²⁰ Ուրախացէ՛ք անոր վրայ, երկինք ու սուրբ առաքեալներ եւ մարգարէներ, որ Աստուած ձեր վրէժը անկէ առաւ»։

Western Armenian Bible 1853

²⁰ Ուրախացէ՛ք անոր վրայ, երկինք ու սուրբ առաքեալներ եւ մարգարէներ, որ Աստուած ձեր վրէժը անկէ առաւ»։

ՅԱՅՏՆՈՒԹԻՒՆ 18:20 Iomraidhean Croise

ԵՓԵՍԱՑԻՍ 2:20

Մասերն էք այն մեծ կառոյցին, որուն հիմը առաքեալներն ու մարգարէներն են, եւ որուն անկիւնաքարը ինք՝ Քրիստոս Յիսուս է։

ԵՓԵՍԱՑԻՍ 3:5

Այդ ծրագիրը Աստուած չյայտնեց մարդկութեան նախորդ սերունդներուն այնպէս՝ ինչպէս հիմա Սուրբ Հոգիին միջոցաւ յայտնեց իր սուրբ առաքեալներուն եւ մարգարէներուն։

ԵՓԵՍԱՑԻՍ 4:11

Եւ ինքը՝ Քրիստոսն էր որ «պարգեւներ բաշխեց մարդոց», որպէսզի ոմանք առաքեալ ըլլան, ոմանք՝ մարգարէ, ոմանք՝ աւետարանիչ, ոմանք՝ հովիւ եւ ուսուցանող,

ԵՐԿՐՈՐԴ ՊԵՏՐՈՍԻ 3:2

Որպէսզի յիշէք այն պատգամները որ սուրբ մարգարէները կանուխէն խօսեցան, ինչպէս նաեւ մեր Տիրոջ եւ Փրկչին պատուէրը, որ ձեր առաքեալները ձեզի փոխանցեցին։

ՅՈՒԴԱՅԻ 1:17

Բայց դուք, սիրելինե՛ր, յիշեցէք այն՝ ինչ որ մեր Տիրոջ Յիսուս Քրիստոսի բոլոր առաքեալները կանուխէն յայտնեցին ձեզի,

ՅԱՅՏՆՈՒԹԻՒՆ 12:12

Այս պատճառով՝ ուրախացէ՛ք, ո՜վ երկինք, եւ դուք բոլորդ՝ որ հոն կը բնակիք։ Վա՜յ ձեզի, երկի՛ր ու ծով, որովհետեւ Բանսարկուն ձեր մէջ ինկաւ. անիկա զայրոյթով լեցուած է՝ գիտնալով որ կարճ ժամանակ մը ունի։

ՅԱՅՏՆՈՒԹԻՒՆ 18:6

Արդ, դուք ալ Բաբելոնին հատուցէք այնպէս՝ ինչպէս ինք վարուեցաւ ձեզի հետ, կրկնապատիկը տալով անոր՝ իր գործերուն փոխարէն։ Այն բաժակը որ պատրաստեց ձեզի համար՝ լեցուցէ՛ք զայն կրկնապատիկ սաստկութեամբ։

ՅԱՅՏՆՈՒԹԻՒՆ 6:10

Անոնք բարձրաձայն կ՚ըսէին. «Մինչեւ ե՞րբ պիտի սպասես, սուրբ եւ ճշմարիտ Տէր, ե՞րբ պիտի դատես երկրի բնակիչները եւ մեր արեան վրէժը լուծես անոնցմէ»։