ՅԱՅՏՆՈՒԹԻՒՆ 17:5 - Western Armenian New Translation - Armenian Catholicosate of Cilicia - New Testament

⁵ Անոր ճակատին գրուած էր խորհրդաւոր անուն մը – «Մեծ Բաբելոն, մայր պոռնիկներու եւ երկրի գարշելիքներուն»։

Արեւմտահայերէն Նոր Կտակարան հարմարցուած․ 2017

⁵ Անոր ճակտին վրայ անուն մը գրուած էր. «Խորհուրդ՝ Մեծ Բաբելոն՝ պոռնիկներու ու երկրի պղծութիւններուն մայրը»։

Western Armenian Bible 1853

⁵ Անոր ճակտին վրայ անուն մը գրուած էր. «Խորհուրդ՝ Մեծ Բաբելոն՝ պոռնիկներու ու երկրի պղծութիւններուն մայրը»։

ՅԱՅՏՆՈՒԹԻՒՆ 17:5 Iomraidhean Croise

ՓԻԼԻՊՊԵՑԻՍ 3:19

Անոնց վերջը կորուստ է, որովհետեւ իրենց Աստուածը իրենց փորն է։ Ամօթալի բաներով կը հպարտանան եւ միայն երկրաւոր բաներու մասին կը խորհին։

ԵՐԿՐՈՐԴ ԹԵՍԱՂՈՆԻԿԵՑԻՍ 2:7

Ներկայիս արդէն իսկ անօրէնութեան այդ խորհրդաւոր ոյժը գործի վրայ է. բայց պիտի չյայտնուի՝ մինչեւ որ անոր արգելք եղողը մէջտեղէն վերցուի։

ՅԱՅՏՆՈՒԹԻՒՆ 1:20

Եօթը աստղերուն, որ կը տեսնես աջ ձեռքիս մէջ, եւ եօթը ոսկի ճրագարաններուն իմաստը հետեւեալն է.– Եօթը աստղերը եօթը եկեղեցիներուն հրեշտակներն են, իսկ եօթը ճրագարանները՝ եօթը եկեղեցիները։

ՅԱՅՏՆՈՒԹԻՒՆ 11:8

Անոնց մարմինները փռուած պիտի մնան հրապարակին վրայ այն մեծ քաղաքին՝ ուր իրենց Տէրը խաչուեցաւ եւ որ խորհրդանշական անունով Սոդոմ եւ Եգիպտոս կը կոչուի։

ՅԱՅՏՆՈՒԹԻՒՆ 14:8

Այս հրեշտակին կը հետեւէր երկրորդ հրեշտակ մը, որ կ՚ըսէր. «Ինկաւ, ինկա՜ւ մեծ Բաբելոնը, ան՝ որ իր պոռնկութեան բարկ գինիէն արբեցուց բոլոր ժողովուրդները»։

ՅԱՅՏՆՈՒԹԻՒՆ 16:19

Մեծ քաղաքը երեք մասի բաժնուեցաւ, եւ բոլոր երկիրներու քաղաքները կործանեցան։ Աստուած յիշեց մեծ Բաբելոնը եւ անոր տուաւ իր սաստիկ ցասումի գինիին բաժակէն, որ խմէ։

ՅԱՅՏՆՈՒԹԻՒՆ 17:1

Եօթը անօթները ունեցող հրեշտակներէն մէկը ինծի եկաւ, խօսեցաւ հետս եւ ըսաւ. – Հո՛ս եկուր, եւ ես քեզի ցոյց պիտի տամ այն դատապարտութիւնը, որուն պիտի ենթարկեմ հռչակաւոր պոռնիկը, այն քաղաքը՝ որ շատ ջուրերու վրայ կը նստի։

ՅԱՅՏՆՈՒԹԻՒՆ 17:2

Երկրի թագաւորները պոռնկութիւն ըրին անոր հետ եւ երկրի բնակիչները անոր պոռնկութեան գինիով գինովցան։

ՅԱՅՏՆՈՒԹԻՒՆ 17:7

Հրեշտակը ինծի ըսաւ. –Ինչո՞ւ զարմացար. քեզի պիտի ըսեմ իմաստը կնոջ եւ զայն կրող գազանին, որ եօթը գլուխ ու տասը եղջիւր ունի։

ՅԱՅՏՆՈՒԹԻՒՆ 18:2

Հրեշտակը հզօր ձայնով աղաղակեց.– «Ինկա՛ւ, ինկա՜ւ մեծ Բաբելոնը, եւ բնակավայր եղաւ դեւերու եւ արգելարան՝ ամէն տեսակի պիղծ ոգիներու. բանտ եղաւ բոլոր անմաքուր թռչուններուն եւ անմաքուր ու ատելի գազաններուն։

ՅԱՅՏՆՈՒԹԻՒՆ 18:21

Ապա հզօր հրեշտակ մը մեծ երկանաքարի մը չափ քար մը առաւ եւ ծով նետելով, ըսաւ.– «Այս նոյն ուժգնութեամբ պիտի իյնայ Բաբելոնը, մեծ քաղաքը, եւ յաւէտ պիտի կորսուի։

ՅԱՅՏՆՈՒԹԻՒՆ 19:2

որովհետեւ ճշմարիտ եւ արդար է իր դատաստանը։ Անիկա դատապարտեց մեծ պոռնիկը՝ իր պոռնկութեամբ աշխարհը ապականելուն համար, եւ անկէ լուծեց՝ անոր ձեռքով սպաննուած իր ծառաներուն արեան վրէժը»։

ՅԱՅՏՆՈՒԹԻՒՆ 7:3

եւ ըսաւ. «Վնաս մի՛ հասցնէք երկրին, ո՛չ ալ ծովուն եւ ո՛չ ալ ծառերուն, մինչեւ որ կնիքով դրոշմեմ իմ Աստուծոյս ծառաներուն ճակատները։