ՅԱՅՏՆՈՒԹԻՒՆ 17:1 - Western Armenian New Translation - Armenian Catholicosate of Cilicia - New Testament

¹ Եօթը անօթները ունեցող հրեշտակներէն մէկը ինծի եկաւ, խօսեցաւ հետս եւ ըսաւ. – Հո՛ս եկուր, եւ ես քեզի ցոյց պիտի տամ այն դատապարտութիւնը, որուն պիտի ենթարկեմ հռչակաւոր պոռնիկը, այն քաղաքը՝ որ շատ ջուրերու վրայ կը նստի։

Արեւմտահայերէն Նոր Կտակարան հարմարցուած․ 2017

¹ Եօթը սկաւառակներ ունեցող եօթը հրեշտակներէն մէկը եկաւ ու ինծի հետ խօսեցաւ՝ ըսելով. «Եկո՛ւր ու քեզի ցուցնեմ այն մեծ պոռնիկին դատաստանը, որ շատ ջուրերու վրայ կը նստի.

Western Armenian Bible 1853

¹ Եօթը սկաւառակներ ունեցող եօթը հրեշտակներէն մէկը եկաւ ու ինծի հետ խօսեցաւ՝ ըսելով. «Եկո՛ւր ու քեզի ցուցնեմ այն մեծ պոռնիկին դատաստանը, որ շատ ջուրերու վրայ կը նստի.

ՅԱՅՏՆՈՒԹԻՒՆ 17:1 Iomraidhean Croise

ՂՈԻԿԱՍ 24:32

Անոնք իրարու ըսին. – Մեր սիրտերը չէի՞ն ճմլուեր, երբ անիկա ճամբու ընթացքին մեզի հետ կը խօսէր եւ Սուրբ գիրքերը կը բացատրէր։

ՂՈԻԿԱՍ 9:30

Ֆ Եւ ահա երկու հոգիներ՝ Մովսէսն ու Եղիան երեւցան իրենց փառքով, կը խօսէին Յիսուսի հետ՝ իր մահուան մասին, որ պիտի պատահէր Երուսաղէմի մէջ։

ՅԱՅՏՆՈՒԹԻՒՆ 1:1

Ասիկա այն յայտնութիւնն է, որ Յիսուս Քրիստոս կատարեց։ Աստուած այս յայտնութիւնը տուաւ Քրիստոսի, որպէսզի ան իր ծառաներուն ցոյց տայ՝ թէ ի՛նչ պիտի պատահի շուտով։ Քրիստոս ասիկա իր հրեշտակին միջոցաւ յայտնեց իր ծառային՝ Յովհաննէսի,

ՅԱՅՏՆՈՒԹԻՒՆ 15:1

Յետոյերկինքիմէջ տեսայմեծեւզարմանալի ուրիշ նշան մը։ Եօթը հրեշտակներ տեսայ, որոնք ունէին վերջին եօթը պատուհասները, որոնցմով պիտի աւարտէր Աստուծոյ բարկութիւնը։

ՅԱՅՏՆՈՒԹԻՒՆ 16:19

Մեծ քաղաքը երեք մասի բաժնուեցաւ, եւ բոլոր երկիրներու քաղաքները կործանեցան։ Աստուած յիշեց մեծ Բաբելոնը եւ անոր տուաւ իր սաստիկ ցասումի գինիին բաժակէն, որ խմէ։

ՅԱՅՏՆՈՒԹԻՒՆ 18:1

Ասկէ ետք տեսայ ուրիշ հրեշտակ մը, որ երկինքէն կ՚իջնէր. անիկա մեծ իշխանութիւն ունէր, եւ իր փառքէն երկիրը լուսաւորուեցաւ։

ՅԱՅՏՆՈՒԹԻՒՆ 19:2

որովհետեւ ճշմարիտ եւ արդար է իր դատաստանը։ Անիկա դատապարտեց մեծ պոռնիկը՝ իր պոռնկութեամբ աշխարհը ապականելուն համար, եւ անկէ լուծեց՝ անոր ձեռքով սպաննուած իր ծառաներուն արեան վրէժը»։

ՅԱՅՏՆՈՒԹԻՒՆ 19:9

Հրեշտակը ինծի ըսաւ. –Ըսածս գրէ՛. «Երանելի են բոլոր անոնք, որոնք Գառնուկին հարսանեկան ընթրիքին հրաւիրուած են»։

ՅԱՅՏՆՈՒԹԻՒՆ 21:15

Ան որ ինծի հետ կը խօսէր՝ ձեռքին ունէր ոսկեայ եղէգ մը իբրեւ քանակ, չափելու համար քաղաքը, անոր դռներն ու պարիսպը։

ՅԱՅՏՆՈՒԹԻՒՆ 21:9

Ապա քովս եկաւ մէկը այն եօթը հրեշտակներէն, որոնք վերջին եօթը պատուհասներով լեցուն եօթը անօթները ունէին, եւ հետս խօսելով՝ ըսաւ ինծի. –Եկո՛ւր, քեզի ցոյց պիտի տամ հարսը՝ Գառնուկին կինը։

ՅԱՅՏՆՈՒԹԻՒՆ 4:1

Եւ ահա ասկէ ետք տեսայ երկինքի մէջ բացուած դուռ մը, եւ փողի հնչիւնին նման ձայնը՝ որ նախապէս լսած էի՝ ինծի հետ կը խօսէր ու կ՚ըսէր. –Հո՛ս ել, եւ ես քեզի ցոյց պիտի տամ թէ ասկէ ետք ի՛նչ պիտի պատահի։