ՅԱՅՏՆՈՒԹԻՒՆ 16:5 - Western Armenian New Translation - Armenian Catholicosate of Cilicia - New Testament

⁵ Եւ լսեցի որ ջուրերուն վրայ իշխանութիւն ունեցող հրեշտակը կ՚ըսէր. «Արդար ես դուն, որ ես եւ էիր, դուն՝ Սուրբդ, քանի այսպէս դատաստան ըրիր։

Արեւմտահայերէն Նոր Կտակարան հարմարցուած․ 2017

⁵ Եւ ջուրերուն հրեշտակէն լսեցի որ կ’ըսէր. «Արդար ես դուն, որ ես եւ որ էիր եւ սուրբ ես, որ այսպիսի դատաստաններ ըրիր.

Western Armenian Bible 1853

⁵ Եւ ջուրերուն հրեշտակէն լսեցի որ կ’ըսէր. «Արդար ես դուն, որ ես եւ որ էիր եւ սուրբ ես, որ այսպիսի դատաստաններ ըրիր.

ՅԱՅՏՆՈՒԹԻՒՆ 16:5 Iomraidhean Croise

ՅՈՎՀԱՆՆՈԻ 17:25

Արդա՛ր Հայր, թէեւ աշխարհը քեզ չճանչցաւ, բայց ես քեզ ճանչցայ. եւ ասոնք ալ գիտցան թէ դուն ղրկեցիր զիս։

ՀՌՈՎՄԱՅԵՑԻՍ 2:5

Քու կարծրութեամբդ եւ չզղջացող սրտովդ միայն բարկութիւն է որ կը դիզես քեզի համար, երբ բարկութեան օրը գայ եւ Աստուծոյ արդար դատաստանը յայտնուի։

ՀՌՈՎՄԱՅԵՑԻՍ 3:5

Իսկ եթէ մեր անիրաւ ըլլալն է որ Աստուծոյ արդարութիւնը ի յայտ կը բերէ, ի՞նչ ըսենք. իբրեւ մարդ կը հարցնեմ.– Միթէ անարդա՞ր է Աստուած, որ մեզի հանդէպ բարկութիւն կը ցուցաբերէ։

ՅԱՅՏՆՈՒԹԻՒՆ 1:4

Յովհաննէսէն՝ Ասիա նահանգին մէջ գտնուող եօթը եկեղեցիներուն.– Շնորհք եւ խաղաղութիւն ձեզի անկէ՝ որ է, որ էր եւ որ պիտի գայ, եւ եօթը հոգիներէն, որոնք Աստուծոյ գահին դիմաց են,

ՅԱՅՏՆՈՒԹԻՒՆ 1:8

«Ես եմ Այբը եւ ես եմ Ֆէն», այսինքն՝ Սկիզբն ու Վախճանը, կ՚ըսէ Տէր Աստուած, ան՝ որ է, որ էր եւ որ պիտի գայ, ինք՝ Ամենակալը։

ՅԱՅՏՆՈՒԹԻՒՆ 11:17

եւ ըսին.– «Ամենակա՛լ Տէր Աստուած, դուն որ Է–ն ես եւ միշտ էիր. շնորհակալութի՜ւն քեզի, որ մեծ զօրութիւնդ առիր եւ թագաւորեցիր։

ՅԱՅՏՆՈՒԹԻՒՆ 16:4

Երրորդ հրեշտակը իր անօթը պարպեց գետերուն եւ ջուրի աղբիւրներուն վրայ, եւ անոնք արիւն դարձան։

ՅԱՅՏՆՈՒԹԻՒՆ 16:7

Յետոյ զոհասեղանէն լսեցի ձայն մը, որ կ՚ըսէր. «Այո՛, ո՜վ ամենակալ Տէր Աստուած, արդար եւ ճշմարիտ են վճիռներդ»։

ՅԱՅՏՆՈՒԹԻՒՆ 19:2

որովհետեւ ճշմարիտ եւ արդար է իր դատաստանը։ Անիկա դատապարտեց մեծ պոռնիկը՝ իր պոռնկութեամբ աշխարհը ապականելուն համար, եւ անկէ լուծեց՝ անոր ձեռքով սպաննուած իր ծառաներուն արեան վրէժը»։

ՅԱՅՏՆՈՒԹԻՒՆ 4:8

Չորս կենդանիներէն իւրաքանչիւրը վեց թեւեր ունէր՝ ներսէն ու դուրսէն աչքերով լեցուն։ Այդ կենդանիները գիշեր— ցերեկ անդադար կ՚ըսէին. «Սուրբ, Սուրբ, Սուրբ, ամենակալ Տէր Աստուած, որ էր, որ է եւ որ պիտի գայ»։

ՅԱՅՏՆՈՒԹԻՒՆ 6:10

Անոնք բարձրաձայն կ՚ըսէին. «Մինչեւ ե՞րբ պիտի սպասես, սուրբ եւ ճշմարիտ Տէր, ե՞րբ պիտի դատես երկրի բնակիչները եւ մեր արեան վրէժը լուծես անոնցմէ»։