ՅԱՅՏՆՈՒԹԻՒՆ 15:1 - Western Armenian New Translation - Armenian Catholicosate of Cilicia - New Testament

¹ Յետոյերկինքիմէջ տեսայմեծեւզարմանալի ուրիշ նշան մը։ Եօթը հրեշտակներ տեսայ, որոնք ունէին վերջին եօթը պատուհասները, որոնցմով պիտի աւարտէր Աստուծոյ բարկութիւնը։

Արեւմտահայերէն Նոր Կտակարան հարմարցուած․ 2017

¹ Ուրիշ մեծ ու զարմանալի նշան մը տեսայ երկնքի մէջ։ Եօթը հրեշտակներ, որոնք եօթը վերջին հարուածները ունէին, որովհետեւ անոնցմով պիտի կատարուէր Աստուծոյ բարկութիւնը։

Western Armenian Bible 1853

¹ Ուրիշ մեծ ու զարմանալի նշան մը տեսայ երկնքի մէջ։ Եօթը հրեշտակներ, որոնք եօթը վերջին հարուածները ունէին, որովհետեւ անոնցմով պիտի կատարուէր Աստուծոյ բարկութիւնը։

ՅԱՅՏՆՈՒԹԻՒՆ 15:1 Iomraidhean Croise

ՅԱՅՏՆՈՒԹԻՒՆ 10:3

եւ բարձրաձայն աղաղակեց, ինչպէս առիւծը կը մռնչէ։ Երբ աղաղակեց՝ եօթը որոտումները թնդացին իրենց ձայներով,

ՅԱՅՏՆՈՒԹԻՒՆ 11:14

Երկրորդ աղէտն ալ ահա անցաւ։ Երրորդը շուտով կու գայ։

ՅԱՅՏՆՈՒԹԻՒՆ 14:10

անիկա Աստուծոյ բարկութեան գինին պիտի խմէ. այն անխառն գինին, որ լեցուեցաւ Աստուծոյ բարկութեան բաժակին մէջ. անիկա պիտի տանջուի կրակով եւ ծծումբով՝ Աստուծոյ սուրբ հրեշտակներուն եւ Գառնուկին դիմաց։

ՅԱՅՏՆՈՒԹԻՒՆ 14:19

Հրեշտակը իր գերանդին ձգեց երկրի վրայ եւ քաղեց խաղողը ու նետեց Աստուծոյ բարկութեան մեծ հնձանին մէջ։

ՅԱՅՏՆՈՒԹԻՒՆ 16:1

Յետոյ տաճարին մէջէն զօրաւոր ձայն մը լսեցի, որ եօթը հրեշտակներուն կ՚ըսէր. «Գացէք եւ Աստուծոյ բարկութեան եօթը անօթները պարպեցէք երկրի վրայ»։

ՅԱՅՏՆՈՒԹԻՒՆ 17:1

Եօթը անօթները ունեցող հրեշտակներէն մէկը ինծի եկաւ, խօսեցաւ հետս եւ ըսաւ. – Հո՛ս եկուր, եւ ես քեզի ցոյց պիտի տամ այն դատապարտութիւնը, որուն պիտի ենթարկեմ հռչակաւոր պոռնիկը, այն քաղաքը՝ որ շատ ջուրերու վրայ կը նստի։

ՅԱՅՏՆՈՒԹԻՒՆ 19:15

Իր բերանէն սրուած սուր մը կ՚ելլէր՝ անով հարուածելու համար ազգերը։ Անիկա երկաթէ մականով պիտի հովուէ զանոնք եւ կոխէ ամենակալ Աստուծոյ ահեղ բարկութեան գինիի հնձանը։

ՅԱՅՏՆՈՒԹԻՒՆ 21:9

Ապա քովս եկաւ մէկը այն եօթը հրեշտակներէն, որոնք վերջին եօթը պատուհասներով լեցուն եօթը անօթները ունէին, եւ հետս խօսելով՝ ըսաւ ինծի. –Եկո՛ւր, քեզի ցոյց պիտի տամ հարսը՝ Գառնուկին կինը։

ՅԱՅՏՆՈՒԹԻՒՆ 8:13

Ապա երկինքի բարձունքին տեսայ եւ լսեցի թռչող արծիւի մը կանչը, որ բարձրաձայն կ՚ըսէր. «Վա՜յ, վա՜յ, վա՜յ երկրի վրայ բնակողներուն՝ երբ հնչէ ձայնը մնացեալ երեք փողերուն, որ հրեշտակները պիտի հնչեցնեն»։

ՅԱՅՏՆՈՒԹԻՒՆ 8:2

Եւ տեսայ եօթը հրեշակները, որոնք Աստուծոյ դիմաց կանգնած էին, եւ անոնց տրուեցան եօթը փողեր։

ՅԱՅՏՆՈՒԹԻՒՆ 8:6

Եօթը հրեշտակները, որոնք եօթը փողերը ունէին, պատրաստուեցան հնչեցնելու զանոնք։

ՅԱՅՏՆՈՒԹԻՒՆ 9:20

Մարդկութեան մնացեալ մասը, որ չսպաննուեցաւ այս հարուածներէն, չապաշխարեց եւ իր կատարած գործերէն ետ չդարձաւ։ Անոնք չդադրեցան երկրպագելէ դեւերուն, ոսկիէ, արծաթէ, անագապղինձէ, քարէ եւ փայտէ կուռքերուն, որոնք ո՛չ կրնան տեսնել, ո՛չ լսել եւ ո՛չ ալ քալել։