ՅԱՅՏՆՈՒԹԻՒՆ 14:6 - Western Armenian New Translation - Armenian Catholicosate of Cilicia - New Testament

⁶ Յետոյ երկինքի բարձունքին թռչող ուրիշ հրեշտակ մը տեսայ, որ յաւիտենական աւետիս մը ունէր քարոզելու երկրի վրայ բնակող բոլոր ազգերուն ու ցեղերուն, լեզուներուն ու ժողովուրդներուն։

Արեւմտահայերէն Նոր Կտակարան հարմարցուած․ 2017

⁶ Եւ ուրիշ հրեշտակ մը տեսայ, որ կը թռչէր երկնքի մէջ եւ ունէր յաւիտենական աւետիսը՝ քարոզելու բոլոր ազգերուն ու ցեղերուն եւ լեզուներուն ու ժողովուրդներուն, որոնք երկրի վրայ կը բնակին։

Western Armenian Bible 1853

⁶ Եւ ուրիշ հրեշտակ մը տեսայ, որ կը թռչէր երկնքի մէջ եւ ունէր յաւիտենական աւետիսը՝ քարոզելու բոլոր ազգերուն ու ցեղերուն եւ լեզուներուն ու ժողովուրդներուն, որոնք երկրի վրայ կը բնակին։

ՅԱՅՏՆՈՒԹԻՒՆ 14:6 Iomraidhean Croise

ՄԱՏԹԷՈՍ 10:27

Ինչ որ մութին մէջ կ՚ըսեմ ձեզի՝ օր ցերեկով յայտարարեցէք, եւ ինչ որ ձեզի առանձնութեան մէջ կ՚ըսեմ՝ տանիքներէն բարձրաձայն քարոզեցէք։

ՄԱՐԿՈՍ 16:15

Եւ ըսաւ անոնց. – Գացէք ամբողջ աշխարհը եւ բոլոր մարդոց քարոզեցէք Աւետարանը։

ՀՌՈՎՄԱՅԵՑԻՍ 16:25

Փա՜ռք տանք Աստուծոյ, որ կրնայ ձեզ ձեր հաւատքին մէջ հաստատուն պահել այն Աւետարանով՝ որ ձեզի բերի Յիսուս Քրիստոսը քարոզելով։ Այդ Աւետարանը յայտնութիւնն է Աստուծոյ փրկութեան ծրագիրին, որ անցեալ բոլոր ժամանակներուն մէջ ծածուկ մնացած էր։

ԿՈՂՈՍԱՑԻՍ 1:23

Ուստի յարատեւեցէ՛ք ձեր հաւատքին մէջ, զայն ամուր հիմերու վրայ հաստատելով, անխախտ պահելով այն յոյսը՝ որ ունեցաք Աւետարանի քարոզութիւնը լսելով։ Ես՝Պօղոսս, ինքս ալ ծառայ մըն եմ այդ Աւետարանին, որ երկինքի տակ գտնուող բոլոր արարածներուն կը քարոզուի։

ԵՐԿՐՈՐԴ ԹԵՍԱՂՈՆԻԿԵՑԻՍ 2:16

Եւ մեր Տէրը ինք՝ Յիսուս Քրիստոս, եւ Աստուած՝ մեր Հայրը, որ մեզ սիրեց եւ իբրեւ շնորհք՝ մնայուն մխիթարութիւն մը եւ հաստատուն յոյս մը տուաւ մեզի,

ԵԲՐԱՅԵՑԻՍ 13:20

Թող խաղաղութեան Աստուածը ձեզի կարողութիւն տայ՝ ամէն տեսակ բարեգործութեամբ իր կամքը կատարելու, որովհետեւ ի՛նքն էր որ մեռելներէն յարուցանեց մեր Տէր Յիսուսը, ան՝ որ իր արիւնով կնքուած յաւիտենական ուխտով Հովուապետ եղաւ ամբողջ հօտին։ Աստուած ինչ որ կը կամենայ՝ թող ներգործէ մեր մէջ Յիսուս Քրիստոսի միջոցաւ, որուն փա՜ռք յաւիտեանս։ Ամէն։

ԱՌԱՋԻՆ ՊԵՏՐՈՍԻ 1:25

բայց Տիրոջ խօսքը յաւիտեան կը մնայ»։ Այդ խօսքը այն Աւետարանն է, որ ձեզի քարոզուեցաւ։

ՅԱՅՏՆՈՒԹԻՒՆ 10:11

Ապա հրեշտակը ըսաւ ինծի. –Այս մարգարէութիւնը եւս պէտք է յայտնես բազմաթիւ ժողովուրդներու, ազգերու, լեզուներու եւ թագաւորներու։

ՅԱՅՏՆՈՒԹԻՒՆ 10:7

Երբ եօթներորդ հրեշտակը իր փողը հնչեցնէ, այն ատեն Աստուծոյ ծրագիրը պիտի կատարուի, ինչպէս որ անոր ծառաները՝ մարգարէները աւետեցին։

ՅԱՅՏՆՈՒԹԻՒՆ 13:7

Անոր արտօնուեցաւ պատերազմիլ Աստուծոյ ընտրեալներուն դէմ եւ պարտութեան մատնել զանոնք։ Նաեւ իշխանութիւն տրուեցաւ բոլոր ցեղերուն, ժողովուրդներուն, լեզուներուն եւ ազգերուն վրայ։

ՅԱՅՏՆՈՒԹԻՒՆ 3:10

Եւ որովհետեւ պահած ես իմ խօսքս, որով համբերել սորվեցար, ես ալ քեզ պիտի պահեմ այն փորձութեան ժամուն, որ պիտի գայ ամբողջ տիեզերքին վրայ՝ փորձելու համար երկրի երեսին գտնուող բոլոր բնակիչները։

ՅԱՅՏՆՈՒԹԻՒՆ 5:9

Անոնք հետեւեալ նոր երգը կ՚երգէին ու կ՚ըսէին.– «Արժանի ես առնելու գիրքը եւ քակելու կնիքները, որովհետեւ մորթուեցար եւ արիւնովդ Աստուծոյ համար գնեցիր նորժողովուրդ մը՝ բոլոր ցեղերէն ու լեզուներէն, բոլոր ազգերէն, ժողովուրդներէն։

ՅԱՅՏՆՈՒԹԻՒՆ 8:13

Ապա երկինքի բարձունքին տեսայ եւ լսեցի թռչող արծիւի մը կանչը, որ բարձրաձայն կ՚ըսէր. «Վա՜յ, վա՜յ, վա՜յ երկրի վրայ բնակողներուն՝ երբ հնչէ ձայնը մնացեալ երեք փողերուն, որ հրեշտակները պիտի հնչեցնեն»։