ՅԱՅՏՆՈՒԹԻՒՆ 14:4 - Western Armenian New Translation - Armenian Catholicosate of Cilicia - New Testament

⁴ Ասոնք այն մարդիկն են՝ որոնք չխառնակուեցան կիներու հետ. անոնք կոյս են։ Անոնք կը հետեւին Գառնուկին, ո՛ւր որ երթայ անիկա։ Անոնք մարդոց մէջէն փրկուեցան իբրեւ երախայրիք՝ ընծայուած Աստուծոյ եւ Գառնուկին.

Արեւմտահայերէն Նոր Կտակարան հարմարցուած․ 2017

⁴ Ասոնք անոնք են որ կիներու հետ չխառնակուեցան, քանզի կոյս են։ Ասոնք Գառնուկին ետեւէն կ’երթան՝ ուր որ ան երթայ. ասոնք մարդոց մէջէն գնուեցան Աստուծոյ ու Գառնուկին երախայրի ըլլալու

Western Armenian Bible 1853

⁴ Ասոնք անոնք են որ կիներու հետ չխառնակուեցան, քանզի կոյս են։ Ասոնք Գառնուկին ետեւէն կ’երթան՝ ուր որ ան երթայ. ասոնք մարդոց մէջէն գնուեցան Աստուծոյ ու Գառնուկին երախայրի ըլլալու

ՅԱՅՏՆՈՒԹԻՒՆ 14:4 Iomraidhean Croise

ՄԱՏԹԷՈՍ 19:12

Որովհետեւ մարդիկ չեն ամուսնանար ա՛յն պարագաներուն, երբ ծնունդով ներքինի են, կամ՝ մարդոց կողմէ ներքինի եղած են եւ կամ՝ իրենք զիրենք ներքինի դարձուցած են երկինքի արքայութեան համար։ Ով որ կրնայ ընդունիլ իմ հաստատումս, թող կատարէ զայն։

ՄԱՏԹԷՈՍ 25:1

Այն ատեն երկինքի թագաւորութիւնը պիտի նմանի հետեւեալին.– Տասը կոյսեր կային, որոնք իրենց լապտերները առած՝ դիմաւորելու ելան փեսան:

ՄԱՏԹԷՈՍ 8:19

Օրէնքի ուսուցիչ մը մօտենալով՝ ըսաւ իրեն. – Վարդապե՛տ, ուր որ երթաս՝ ետեւէդ պիտի գամ։

ՅՈՎՀԱՆՆՈԻ 10:27

Ես ոչխարներս կը ճանչնամ. անոնք ձայնս կը լսեն եւ կը հետեւին ինծի,

ՅՈՎՀԱՆՆՈԻ 12:26

Ով որ ուզէ ինծի ծառայել՝ պէտք է ինծի հետեւի, եւ ինծի ծառայողը պիտի ըլլայ հոն՝ ուր ես կը գտնուիմ։ Եւ Հայրս պիտի պատուէ ինծի ծառայողը։

ՅՈՎՀԱՆՆՈԻ 13:37

Պետրոս ըսաւ. – Տէ՛ր, ինչո՞ւ հիմա չեմ կրնար հետեւիլ քեզի։ Կեանքս անգամ կը զոհեմ քեզի համար։

ՅՈՎՀԱՆՆՈԻ 8:12

Յիսուս դարձեալ խօսեցաւ ժողովուրդին, ըսելով. – Ե՛ս եմ աշխարհի լոյսը։ Ով որ ինծի կը հետեւի՝ խաւարի մէջ պիտի չքալէ, այլ պիտի ունենայ այն լոյսը որ կեանքին կ՚առաջնորդէ։

ԳՈՐԾՔ ԱՌԱՔԵԼՈՑ 20:28

Հսկեցէ՛ք ձեր անձերուն եւ ձեր ամբողջ հօտին, որուն տեսուչ կարգեց ձեզ Սուրբ Հոգին։ Հովուեցէ՛ք Տիրոջ եկեղեցին, որ ան իր արիւնով գնեց։

ԱՌԱՋԻՆ ԿՈՐՆԹԱՑԻՍ 16:15

Գիտէք Ստեֆանասը, որ Աքայիա նահանգին մէջ Քրիստոսի առաջին հաւատացողն է, եւ իր ընտանիքի անդամները, որոնք իրենք զիրենք Աստուծոյ ժողովուրդին ծառայութեան նուիրեցին։ Կ՚աղաչեմ, եղբայրնե՛ր,

ԱՌԱՋԻՆ ԿՈՐՆԹԱՑԻՍ 6:20

այլ Աստուած՝ որ փրկագինով ձեզ գնեց։ Հետեւաբար այնպէս ապրեցէք՝ որ Աստուած փառաւորուի ձեր մարմիններով։

ԱՌԱՋԻՆ ԿՈՐՆԹԱՑԻՍ 7:28

Եթէ ամուսնանաս՝ մեղք գործած չես ըլլար. կամ ոեւէ ամուրի կին եթէ ամուսնանայ՝ մեղք գործած չ՚ըլլար։ Բայց անշուշտ ամուսնական կեանքին յատուկ նեղութիւններ պիտի ունենան, որոնցմէ զերծ պիտի ուզէի տեսնել ձեզ։

ԵՐԿՐՈՐԴ ԿՈՐՆԹԱՑԻՍ 11:2

Ես ձեզի հանդէպ Աստուծոյ նախանձախնդրութեամբ լեցուած՝ կ՚ուզեմ որ միայն Քրիստոսը սիրէք, ինչպէս մաքուր կոյս մը որ իր սէրը կը վերապահէ անոր՝ որ իր ամուսինը պիտի ըլլայ։

ԵՓԵՍԱՑԻՍ 1:14

Եւ Սուրբ Հոգին գրաւական է՝ թէ պիտի ժառանգենք Աստուծոյ խոստումը, երբ Աստուած պիտի փրկէ իր սեփական ժողովուրդը, որպէսզի իր փառքը գովերգենք։

ԵՓԵՍԱՑԻՍ 5:27

այնպէս մը՝ որ եկեղեցին իրեն ներկայանայ ամբողջական փառքով, առանց ոեւէ արատի կամ խորշոմի կամ ուրիշ թերութեան, այլ՝ ըլլայ սուրբ եւ անարատ։

ԱՌԱՋԻՆ ՏԻՄՈԹԷՈՍ 4:3

Մարդիկ՝ որոնք ամուսնութիւնը կ՚արգիլեն եւ կը հրահանգեն հեռու մնալ կարգ մը ուտելիքներէ. մինչդեռ Աստուած այդ ուտելիքները ստեղծեց՝ որպէսզի հաւատացեալ եւ ճշմարտութեան ճանաչումին հասած մարդիկ շնորհակալութեամբ վայելեն զանոնք։

ԵԲՐԱՅԵՑԻՍ 12:23

Մօտեցած էք երկինքի մէջ արձանագրուած Աստուծոյ անդրանիկ զաւակներու ուրախական հաւաքոյթին. Աստուծոյ, որ բոլորին դատաւորն է, կատարելութեան հասած արդարներու հոգիներուն,

ՅԱԿՈԲՈՒ 1:18

Աստուած կամեցաւ մեզ վերստին ծնիլ՝ որպէսզի իր ճշմարիտ նպատակը յայտնուի, որովհետեւ կ՚ուզէ որ մենք իր նոր ստեղծագործութեան առաջին պտուղները ըլլանք։

ԱՌԱՋԻՆ ՊԵՏՐՈՍԻ 2:9

Գալով ձեզի, դուք ընտրուած ցեղ մըն էք, թագաւորելու կոչուած քահանաներ, սուրբ ազգ մը, Աստուծոյ սեփական ժողովուրդը. եւ ձեր պարտականութիւնն է քարոզել զօրութիւնը անոր՝ որ ձեզ խաւարէն իր սքանչելի լոյսին կանչեց։

ՅԱՅՏՆՈՒԹԻՒՆ 17:14

Անոնք Գառնուկին դէմ պիտի պատերազմին, բայց Գառնուկը պիտի յաղթէ անոնց, որովհետեւ ի՛նքն է տէրերուն Տէրը եւ թագաւորներուն Թագաւորը. իր կողքին պատերազմողները կանչուածներն են, ընտրեալները եւ հաւատարիմները։

ՅԱՅՏՆՈՒԹԻՒՆ 21:22

Քաղաքին մէջ տաճար չտեսայ, որովհետեւ ամենակալ Տէր Աստուածը եւ Գառնուկը իրե՛նք էին տաճարը։

ՅԱՅՏՆՈՒԹԻՒՆ 21:23

Քաղաքը լուսաւորուելու համար պէտք չունէր արեւու եւ լուսինի, որովհետեւ Աստուծոյ փառքը ի՛նք կը լուսաւորէր զայն, եւ անոր ճրագը Գառնուկն էր։

ՅԱՅՏՆՈՒԹԻՒՆ 3:4

Բայց Սարդիկէի մէջ քիչ թիւով մարդիկ կան, որոնք իրենց հագուստները չաղտոտեցին. անոնք ինծի հետ պիտի շրջին ճերմակ հագուստներով, որովհետեւ արժանի են։

ՅԱՅՏՆՈՒԹԻՒՆ 5:9

Անոնք հետեւեալ նոր երգը կ՚երգէին ու կ՚ըսէին.– «Արժանի ես առնելու գիրքը եւ քակելու կնիքները, որովհետեւ մորթուեցար եւ արիւնովդ Աստուծոյ համար գնեցիր նորժողովուրդ մը՝ բոլոր ցեղերէն ու լեզուներէն, բոլոր ազգերէն, ժողովուրդներէն։