ՅԱՅՏՆՈՒԹԻՒՆ 14:3 - Western Armenian New Translation - Armenian Catholicosate of Cilicia - New Testament

³ Անոնք գահին, չորս կենդանիներուն եւ երէցներուն դիմաց կ՚երգէին նոր երգ մը, որ ո՛չ ոք կրնար սորվիլ, բացի հարիւր քառասունչորս հազար հոգիէն, որոնք փրկուած էին երկրի բնակիչներու մէջէն։

Արեւմտահայերէն Նոր Կտակարան հարմարցուած․ 2017

³ Եւ նոր երգ մը կ’երգէին աթոռին ու չորս կենդանիներուն ու երէցներուն առջեւ եւ մէ՛կը չէր կրնար այն երգը սորվիլ բացի այն հարիւր քառասունըչորս հազարէն, որոնք երկրէն գնուած էին։

Western Armenian Bible 1853

³ Եւ նոր երգ մը կ’երգէին աթոռին ու չորս կենդանիներուն ու երէցներուն առջեւ եւ մէ՛կը չէր կրնար այն երգը սորվիլ բացի այն հարիւր քառասունըչորս հազարէն, որոնք երկրէն գնուած էին։

ՅԱՅՏՆՈՒԹԻՒՆ 14:3 Iomraidhean Croise

ԱՌԱՋԻՆ ԿՈՐՆԹԱՑԻՍ 1:18

Խաչին մասին քարոզութիւնը յիմարութիւն կը թուի կորուստի ճամբուն մէջ գտնուողներուն համար, մինչ մեզի՝ փրկութեան ճամբուն մէջ գտնուողներուս համար Աստուծոյ զօրութիւնն է անիկա։

ԱՌԱՋԻՆ ԿՈՐՆԹԱՑԻՍ 2:14

Աստուծոյ Հոգին չունեցող մարդը չ՚ընդունիր Աստուծոյ Հոգիին բերած ճշմարտութիւնները, որովհետեւ անոնք յիմարութիւն կը թուին իրեն. եւ չի կրնար զանոնք ճանչնալ, որովհետեւ անոնք միայն Հոգիով կը քննուին։

ՅԱՅՏՆՈՒԹԻՒՆ 14:1

Յետոյ նայեցայ եւ տեսայ՝ որ Գառնուկը կանգնած էր Սիոն լերան վրայ, եւ իրեն հետ կային հարիւր քառասունչորս հազար հոգի, որոնց ճակատներուն վրայ գրուած էր իր եւ իր Հօր անունը։

ՅԱՅՏՆՈՒԹԻՒՆ 15:3

Անոնք Աստուծոյ ծառային՝ Մովսէսի երգը կ՚երգէին, ինչպէս նաեւ կ՚երգէին Գառնուկին երգը, ըսելով.– «Ամենակա՛լ Տէր Աստուած, մե՜ծ են գործերդ եւ սքանչելի. ո՜վ թագաւոր բոլոր ազգերու, արդար եւ ճշմարիտ են քու ճամբաներդ։

ՅԱՅՏՆՈՒԹԻՒՆ 2:17

«Ան որ ականջ ունի՝ թող լսէ թէ Հոգին ի՛նչ կ՚ըսէ եկեղեցիներուն.– Ով որ յաղթանակէ՝ անոր ճաշակել պիտի տամ պահուած մանանայէն. ինչպէս նաեւ պիտի տամ մաքուր քար մը, որուն վրայ գրուած է նոր անուն մը, որ բացի ստացողէն՝ ո՛չ ոք գիտէ»։ –

ՅԱՅՏՆՈՒԹԻՒՆ 5:9

Անոնք հետեւեալ նոր երգը կ՚երգէին ու կ՚ըսէին.– «Արժանի ես առնելու գիրքը եւ քակելու կնիքները, որովհետեւ մորթուեցար եւ արիւնովդ Աստուծոյ համար գնեցիր նորժողովուրդ մը՝ բոլոր ցեղերէն ու լեզուներէն, բոլոր ազգերէն, ժողովուրդներէն։

ՅԱՅՏՆՈՒԹԻՒՆ 7:4

Եւ լսեցի, որ Իսրայէլի տասներկու ցեղերէն կնքուածներուն թիւը հարիւր քառասուն չորս հազար էր.–