ՅԱՅՏՆՈՒԹԻՒՆ 14:15 - Western Armenian New Translation - Armenian Catholicosate of Cilicia - New Testament

¹⁵ Երկինքի մէջ գտնուող տաճարէն ելաւ ուրիշ հրեշտակ մը, որ բարձրաձայն աղաղակեցամպին վրայ նստողին, ըսելով. «Ղրկէ՛ գերանդիդ եւ հնձէ՛, որովհետեւ հնձելու ժամանակը հասաւ եւ երկրի հունձքը պատրաստ է»։

Արեւմտահայերէն Նոր Կտակարան հարմարցուած․ 2017

¹⁵ Տաճարէն ուրիշ հրեշտակ մը ելաւ, որ ամպին վրայ նստողին մեծ ձայնով կ’աղաղակէր ու կ’ըսէր. «Երկնցո՛ւր քու մանգաղդ ու հնձէ. վասն զի հնձելու ժամանակը եկաւ, վասն զի երկրի հունձքը հասունցած է»։

Western Armenian Bible 1853

¹⁵ Տաճարէն ուրիշ հրեշտակ մը ելաւ, որ ամպին վրայ նստողին մեծ ձայնով կ’աղաղակէր ու կ’ըսէր. «Երկնցո՛ւր քու մանգաղդ ու հնձէ. վասն զի հնձելու ժամանակը եկաւ, վասն զի երկրի հունձքը հասունցած է»։

ՅԱՅՏՆՈՒԹԻՒՆ 14:15 Iomraidhean Croise

ՄԱՏԹԷՈՍ 13:30

Ձգեցէք որ երկուքն ալ միասին աճին մինչեւ հունձքի ժամանակ. այն ատեն հնձուորներուն կ՚ըսեմ. Նախ որոմը քաղեցէք, խուրձեր կազմեցէք այրելու համար, եւ ապա քաղեցէք ցորենը եւ ամբարեցէք շտեմարաններուս մէջ»։ Ահաւասիկ ճիշդ ասոր կը նմանի երկինքի արքայութիւնը։

ՄԱՏԹԷՈՍ 13:39

Թշնամին որ ցանեց որոմը՝ Սատանան է, հունձքը աշխարհի վախճանն է եւ հնձուորները հրեշտակներն են։

ՄԱՏԹԷՈՍ 23:32

Գացէք ամբողջացուցէ՛ք ձեր հայրերուն կիսատ ձգած գործը։

ՄԱՐԿՈՍ 4:29

Եւ երբ ցորենը հասուննայ, անմիջապէս հնձուորները արտ կը ղրկէ, որովհետեւ հունձքի ժամը հասած է։

ԱՌԱՋԻՆ ԹԵՍԱՂՈՆԻԿԵՑԻՍ 2:16

Եւ ամբողջացնելու համար այն մեղքերը, որ միշտ ալ գործած են, ուզեցին արգիլել՝ որ մենք հեթանոսներուն չխօսինք փրկութեան մասին։ Բայց Աստուծոյ ամբողջական բարկութիւնը հասած է արդէն իրենց վրայ։

ՅԱՅՏՆՈՒԹԻՒՆ 11:19

Եւ ահա երկինքի մէջ Աստուծոյ տաճարը բացուեցաւ ու հոն երեւցաւ Աստուծոյ Ուխտին Տապանակը։ Եղան փայլատակումներ, ձայներ, որոտումներ, երկրաշարժ եւ սաստիկ կարկուտ։

ՅԱՅՏՆՈՒԹԻՒՆ 13:12

Անիկա առաջին գազանին ամբողջ իշխանութիւնը ի գործ կը դնէր անոր դիմաց եւ կը ստիպէր որ երկիրը եւ անոր բոլոր բնակիչները երկրպագեն առաջին գազանին, որուն մահացու վէրքը բուժուեցաւ։

ՅԱՅՏՆՈՒԹԻՒՆ 14:14

Յետոյ տեսայ ճերմակ ամպ մը, որուն վրայ Մարդու Որդիի նմանող մէկը նստած էր։ Անիկա իր գլխուն ունէր ոսկի պսակ մը եւ ձեռքին՝ սուր գերանդի մը։

ՅԱՅՏՆՈՒԹԻՒՆ 14:16

Ան որ ամպին վրայ նստած էր, իր գերանդին ձգեց երկրի վրայ եւ հնձեց երկրի բոլոր բնակիչները։

ՅԱՅՏՆՈՒԹԻՒՆ 14:17

Ուրիշ հրեշտակ մը եւս դուրս եկաւ երկինքի մէջ գտնուող տաճարէն. ասիկա ալ սուր գերանդի մը ունէր։

ՅԱՅՏՆՈՒԹԻՒՆ 14:18

Յետոյ ուրիշ հրեշտակ մը, որ կրակին վրայ իշխանութիւն ունէր, զոհասեղանէն դուրս ելաւ եւ բարձրաձայն աղաղակեց սուր գերանդի ունեցող հրեշտակին, ըսելով. «Ղրկէ՛ սուր գերանդիդ եւ քաղէ՛ երկրի այգիին ողկոյզները, որովհետեւ խաղողը հասունցած է»։

ՅԱՅՏՆՈՒԹԻՒՆ 15:6

Եօթը հրեշտակները, որոնք եօթը պատուհասները ունէին, տաճարէն դուրս ելան՝ մաքուր ու փայլուն կտաւէ շապիկ հագած եւ իրենց կուրծքերուն ոսկեղէն գօտիներ կապած։

ՅԱՅՏՆՈՒԹԻՒՆ 16:17

Եօթներորդ հրեշտակը իր անօթին պարունակութիւնը թափեց օդին մէջ, եւ երկինքի տաճարէն ու գահէն բարձր ձայն մը եկաւ, որ կ՚ըսէր. «Եղա՛ւ»։

ՅԱՅՏՆՈՒԹԻՒՆ 6:10

Անոնք բարձրաձայն կ՚ըսէին. «Մինչեւ ե՞րբ պիտի սպասես, սուրբ եւ ճշմարիտ Տէր, ե՞րբ պիտի դատես երկրի բնակիչները եւ մեր արեան վրէժը լուծես անոնցմէ»։