ՅԱՅՏՆՈՒԹԻՒՆ 13:4 - Western Armenian New Translation - Armenian Catholicosate of Cilicia - New Testament

⁴ եւ երկրպագեց վիշապին, որ իր իշխանութիւնը տուած էր գազանին, ու երկրպագեց նաեւ գազանին, ըսելով. «Ո՞վ կայ նման այս գազանին, ո՞վ կրնայ կռուիլ անոր դէմ»։

Արեւմտահայերէն Նոր Կտակարան հարմարցուած․ 2017

⁴ Եւ երկրպագութիւն ըրին վիշապին՝ որ գազանին իշխանութիւն տուաւ։ Երկրպագութիւն ըրին գազանին, ըսելով. «Ո՞վ գազանին նման է եւ ո՞վ կրնայ ատոր հետ պատերազմիլ»։

Western Armenian Bible 1853

⁴ Եւ երկրպագութիւն ըրին վիշապին՝ որ գազանին իշխանութիւն տուաւ։ Երկրպագութիւն ըրին գազանին, ըսելով. «Ո՞վ գազանին նման է եւ ո՞վ կրնայ ատոր հետ պատերազմիլ»։

ՅԱՅՏՆՈՒԹԻՒՆ 13:4 Iomraidhean Croise

ԵՐԿՐՈՐԴ ԿՈՐՆԹԱՑԻՍ 4:4

Այս աշխարհի “աստուած” ը նկատուած Սատանան կուրցուցած է այդ անհաւատներուն միտքը, որպէսզի չըլլայ որ Աւետարանին բերած լոյսը ծագի անոնց մէջ, այսինքն՝ տեսնեն փառքը Քրիստոսի, որ անտեսանելի Աստուծոյ պատկերն է։

ԵՐԿՐՈՐԴ ԹԵՍԱՂՈՆԻԿԵՑԻՍ 2:4

հակառակորդը, որ պիտի ընդդիմանայ աստուած կոչուած եւ մարդոցմէ պաշտուած ոեւէ բանի։ Մինչեւ իսկ Աստուծոյ տաճարին մէջ պիտի նստի եւ ինքզինքին համար պիտի յայտարարէ՝ թէ աստուած է։

ՅԱՅՏՆՈՒԹԻՒՆ 12:3

Ուրիշ նշան մըն ալ երեւցաւ երկինքի մէջ։ Տեսնուեցաւ հրեղէն մեծ վիշապ մը, որ եօթը գլուխ եւ տասը եղջիւր ունէր եւ թագ մը՝ իւրաքանչիւր գլխուն վրայ։

ՅԱՅՏՆՈՒԹԻՒՆ 12:4

Իր պոչով կը քաշէր կը տանէր երկինքի աստղերուն մէկ երրորդ մասը, որ նետեց երկրի վրայ։ Անիկա ծնանելու մօտ եղող կնոջ դիմաց կանգնեցաւ, որպէսզի երբ կինը զաւակը ծնի՝ կլլէ զայն։

ՅԱՅՏՆՈՒԹԻՒՆ 13:11

Յետոյ տեսայ ուրիշ գազան մը, որ կ՚ելլէր երկրէն։ Անիկա գառնուկի եղջիւրներուն նման երկու եղջիւրներ ունէր եւ վիշապի նման կը խօսէր։

ՅԱՅՏՆՈՒԹԻՒՆ 13:15

Եւ անոր իշխանութիւն տրուեցաւ գազանին արձանին շունչ տալու, որպէսզի արձանը խօսի, եւ ով որ չերկրպագէ գազանին արձանին՝ սպաննէ զայն։

ՅԱՅՏՆՈՒԹԻՒՆ 13:2

Գազանը որ տեսայ՝ յովազի կը նմանէր, ոտքերը՝ արջի ոտքերուն, բերանը՝ առիւծի բերանին։ Վիշապը անոր տուաւ իր զօրութիւնը, իր գահը եւ մեծ իշխանութիւնը։

ՅԱՅՏՆՈՒԹԻՒՆ 17:14

Անոնք Գառնուկին դէմ պիտի պատերազմին, բայց Գառնուկը պիտի յաղթէ անոնց, որովհետեւ ի՛նքն է տէրերուն Տէրը եւ թագաւորներուն Թագաւորը. իր կողքին պատերազմողները կանչուածներն են, ընտրեալները եւ հաւատարիմները։

ՅԱՅՏՆՈՒԹԻՒՆ 18:18

եւ տեսնելով հրկիզումի քու ծուխդ՝ կ՚աղաղակէին.– «Այս մեծ քաղաքին նման ուրիշ քաղաք կա՞ր»։

ՅԱՅՏՆՈՒԹԻՒՆ 9:20

Մարդկութեան մնացեալ մասը, որ չսպաննուեցաւ այս հարուածներէն, չապաշխարեց եւ իր կատարած գործերէն ետ չդարձաւ։ Անոնք չդադրեցան երկրպագելէ դեւերուն, ոսկիէ, արծաթէ, անագապղինձէ, քարէ եւ փայտէ կուռքերուն, որոնք ո՛չ կրնան տեսնել, ո՛չ լսել եւ ո՛չ ալ քալել։