ՅԱՅՏՆՈՒԹԻՒՆ 13:17 - Western Armenian New Translation - Armenian Catholicosate of Cilicia - New Testament

¹⁷ Եւ ոչ ոք կարենայ գնել կամ ծախել՝ եթէ չունենայ այդ դրոշմը, այսինքն՝ գազանին անունը եւ կամ անոր անունին տառերուն թիւերուն համապատասխան գումարը։

Արեւմտահայերէն Նոր Կտակարան հարմարցուած․ 2017

¹⁷ որպէս զի մէ՛կը չկրնայ գնել կամ ծախել, բայց միայն ան՝ որ ունի դրոշմը կամ գազանին անունը կամ անոր անուանը թիւը։

Western Armenian Bible 1853

¹⁷ Որպէս զի մէ՛կը չկրնայ գնել կամ ծախել, բայց միայն ան՝ որ ունի դրոշմը կամ գազանին անունը կամ անոր անուանը թիւը։

ՅԱՅՏՆՈՒԹԻՒՆ 13:17 Iomraidhean Croise

ԳԱՂԱՏԱՑԻՍ 6:17

Այսուհետեւ, խնդրեմ, ոեւէ մէկը աշխարհիկ հոգերով թող զիս չնեղէ, որովհետեւ ես Յիսուսի կը պատկանիմ, ինչպէս մարմնիս վրայ վէրքերուն սպիները կը վկայեն։

ՅԱՅՏՆՈՒԹԻՒՆ 13:16

Գազանը կը ստիպէր որ բոլորն ալ՝ փոքր թէ մեծ, հարուստ թէ աղքատ, ազատ թէ ծառայ՝ իրենց աջ ձեռքին եւ ճակատին վրայ դրոշմ դնեն։

ՅԱՅՏՆՈՒԹԻՒՆ 13:18

Հո՛ս է ահա իմաստութիւնը. ով որ խելացի է՝ թող գումարէ գազանին անունին թիւերը, որ մարդու մը անունին թիւերուն գումարն է։ Անոր անունին թիւը վեցհարիւր վաթսունվեց է։

ՅԱՅՏՆՈՒԹԻՒՆ 14:11

Անոնց տանջանքին ծուխը յաւիտեանս յաւիտենից պիտի ելլէ։ Գիշեր ու ցերեկ հանգիստ պիտի չունենան անոնք՝ որոնք երկրպագեցին գազանին ու անոր արձանին եւ անոր անունին դրոշմը կրեցին։

ՅԱՅՏՆՈՒԹԻՒՆ 14:9

Երրորդ հրեշտակ մըն ալ կը հետեւէր անոնց եւ բարձրաձայն կ՚ըսէր. «Ով որ կ՚երկրպագէ գազանին եւ անոր արձանին, կամ ով որ անոր դրոշմը կ՚առնէ իր ճակատին կամ ձեռքին վրայ,

ՅԱՅՏՆՈՒԹԻՒՆ 15:2

Տեսայ կրակով խառն ապակիէ ծովու նմանութեամբ տարածութիւն մը։ Անոնք որոնք յաղթեցին գազանին եւ անոր արձանին, անոր՝ որուն անունին գումարը թիւով գրուած էր, կեցած էին ապակեղէն ծովուն վրայ՝ Աստուծոյ տուած քնարները բռնած։

ՅԱՅՏՆՈՒԹԻՒՆ 17:5

Անոր ճակատին գրուած էր խորհրդաւոր անուն մը – «Մեծ Բաբելոն, մայր պոռնիկներու եւ երկրի գարշելիքներուն»։

ՅԱՅՏՆՈՒԹԻՒՆ 20:4

Յետոյ տեսայ գահեր, որոնց վրայ նստան անոնք՝ որոնց իշխանութիւն տրուեցաւ դատելու։ Տեսայ նաեւ այն հոգիները, որոնք Յիսուսի եւ Աստուծոյ խօսքին իրենց տուած վկայութեան համար չարաչար գլխատուած էին։ Ասոնք չէին երկրպագած գազանին եւ անոր կնիքը չէին դրոշմած իրենց ճակատներուն եւ ձեռքերուն վրայ։ Անոնք վերակենդանացան եւ Քրիստոսի հետ հազար տարի թագաւորեցին։

ՅԱՅՏՆՈՒԹԻՒՆ 22:4

Անոնք իր դէմքը պիտի տեսնեն եւ իր անունը անոնց ճակատներուն վրայ պիտի գրուի։

ՅԱՅՏՆՈՒԹԻՒՆ 3:12

Ով որ յաղթանակէ՝ զայն սիւներէն մէկը պիտի ընեմ իմ Աստուծոյս տաճարին, ուրկէ այլեւս դուրս պիտի չելլէ։ Անոր վրայ պիտի գրեմ իմ Աստուծոյս անունը, ինչպէս նաեւ իմ Աստուծոյս քաղաքին անունը, այսինքն՝ Նոր Երուսաղէմ, որ երկինքէն՝ իմ Աստուծոյս մօտէն պիտի իջնէ։ Եւ անոր վրայ պիտի գրեմ նաեւ իմ նոր անունս»։

ՅԱՅՏՆՈՒԹԻՒՆ 7:3

եւ ըսաւ. «Վնաս մի՛ հասցնէք երկրին, ո՛չ ալ ծովուն եւ ո՛չ ալ ծառերուն, մինչեւ որ կնիքով դրոշմեմ իմ Աստուծոյս ծառաներուն ճակատները։