ՅԱՅՏՆՈՒԹԻՒՆ 13:15 - Western Armenian New Translation - Armenian Catholicosate of Cilicia - New Testament

¹⁵ Եւ անոր իշխանութիւն տրուեցաւ գազանին արձանին շունչ տալու, որպէսզի արձանը խօսի, եւ ով որ չերկրպագէ գազանին արձանին՝ սպաննէ զայն։

Արեւմտահայերէն Նոր Կտակարան հարմարցուած․ 2017

¹⁵ Եւ իշխանութիւն տրուեցաւ անոր, որ գազանին պատկերին հոգի տայ, որպէս զի գազանին պատկերը խօսի եւ ով որ գազանին պատկերին երկրպագութիւն չընէ, զանիկա սպաննել տայ։

Western Armenian Bible 1853

¹⁵ Եւ իշխանութիւն տրուեցաւ անոր, որ գազանին պատկերին հոգի տայ, որպէս զի գազանին պատկերը խօսի եւ ով որ գազանին պատկերին երկրպագութիւն չընէ, զանիկա սպաննել տայ։

ՅԱՅՏՆՈՒԹԻՒՆ 13:15 Iomraidhean Croise

ՅԱԿՈԲՈՒ 2:26

Հետեւաբար, ինչպէս մարմինը առանց հոգիի մեռած է, այնպէս ալ հաւատքը առանց գործերու մեռած է։

ՅԱՅՏՆՈՒԹԻՒՆ 13:1

Ապա տեսայ որ ծովէն գազան մը կ՚ելլէր, որ եօթը գլուխ եւ տասը եղջիւր ունէր, իւրաքանչիւր եղջիւրին վրայ՝ թագ մը եւ իւրաքանչիւր գլխուն վրայ՝ հայհոյալից անուն մը։

ՅԱՅՏՆՈՒԹԻՒՆ 13:12

Անիկա առաջին գազանին ամբողջ իշխանութիւնը ի գործ կը դնէր անոր դիմաց եւ կը ստիպէր որ երկիրը եւ անոր բոլոր բնակիչները երկրպագեն առաջին գազանին, որուն մահացու վէրքը բուժուեցաւ։

ՅԱՅՏՆՈՒԹԻՒՆ 13:14

Անիկա իր կատարած հրաշքներով երկրի բոլոր բնակիչները մոլորեցուց առաջին գազանին դիմաց, անոնց ըսելով՝ որ կանգնեն արձանը գազանին, որ սուրով վիրաւորուեցաւ, բայց բուժուեցաւ։

ՅԱՅՏՆՈՒԹԻՒՆ 14:11

Անոնց տանջանքին ծուխը յաւիտեանս յաւիտենից պիտի ելլէ։ Գիշեր ու ցերեկ հանգիստ պիտի չունենան անոնք՝ որոնք երկրպագեցին գազանին ու անոր արձանին եւ անոր անունին դրոշմը կրեցին։

ՅԱՅՏՆՈՒԹԻՒՆ 14:9

Երրորդ հրեշտակ մըն ալ կը հետեւէր անոնց եւ բարձրաձայն կ՚ըսէր. «Ով որ կ՚երկրպագէ գազանին եւ անոր արձանին, կամ ով որ անոր դրոշմը կ՚առնէ իր ճակատին կամ ձեռքին վրայ,

ՅԱՅՏՆՈՒԹԻՒՆ 16:2

Առաջին հրեշտակը գնաց եւ իր անօթին պարունակութիւնը թափեց երկրի վրայ։ Անոնք որոնք գազանին կնիքը ունէին կամ երկրպագած էին անոր արձանին, ծածկուեցան գէշ եւ մորմոքող պալարներով։

ՅԱՅՏՆՈՒԹԻՒՆ 16:5

Եւ լսեցի որ ջուրերուն վրայ իշխանութիւն ունեցող հրեշտակը կ՚ըսէր. «Արդար ես դուն, որ ես եւ էիր, դուն՝ Սուրբդ, քանի այսպէս դատաստան ըրիր։

ՅԱՅՏՆՈՒԹԻՒՆ 17:14

Անոնք Գառնուկին դէմ պիտի պատերազմին, բայց Գառնուկը պիտի յաղթէ անոնց, որովհետեւ ի՛նքն է տէրերուն Տէրը եւ թագաւորներուն Թագաւորը. իր կողքին պատերազմողները կանչուածներն են, ընտրեալները եւ հաւատարիմները։

ՅԱՅՏՆՈՒԹԻՒՆ 17:17

Որովհետեւ Աստուած անոնց միտքին մէջ դրաւ՝ որ անոր կամքը կատարեն, այսինքն՝ միակամ ըլլան եւ գազանին տան իրենց թագաւորութիւնը, մինչեւ որ Աստուծոյ խօսքերը իրականանան։

ՅԱՅՏՆՈՒԹԻՒՆ 17:6

Տեսայ որ այդ կինը գինովցած էր Աստուծոյ ընտրեալներուն եւ Յիսուսի վկաներուն արիւնով։ Երբ զայն տեսայ՝ շատ զարմացայ։

ՅԱՅՏՆՈՒԹԻՒՆ 18:20

Ուրախացի՛ր անոր դատապարտութեան վրայ, ո՜վ երկինք, եւ դուք՝ սուրբեր, առաքեալներ, մարգարէներ, որովհետեւ Աստուած դատապարտեց զայն եւ ձեր վրէժը անկէ լուծեց»։

ՅԱՅՏՆՈՒԹԻՒՆ 18:24

Ասոնք բոլորը պատահեցան, քանի Աստուած մէջդ գտաւ մարգարէներուն եւ Աստուծոյ ընտրեալներուն, երկրի վրայ սպաննուած բոլոր մարդոց արիւնը»։

ՅԱՅՏՆՈՒԹԻՒՆ 19:20

Գազանը բռնուեցաւ, ինչպէս նաեւ իրեն հետ եղող սուտ մարգարէն, որ հրաշքներ կը գործէր անոր ներկայութեան եւ այդ հրաշքներով կը մոլորեցնէր անոնք՝ որ գազանին կնիքը առած էին իրենց վրայ եւ անոր արձանին կ՚երկրպագէին։ Ապա գազանն ու սուտ մարգարէն ողջ–ողջ ձգուեցան կրակէ լիճին մէջ, որ կը բոցավառէր ծծումբով։

ՅԱՅՏՆՈՒԹԻՒՆ 20:4

Յետոյ տեսայ գահեր, որոնց վրայ նստան անոնք՝ որոնց իշխանութիւն տրուեցաւ դատելու։ Տեսայ նաեւ այն հոգիները, որոնք Յիսուսի եւ Աստուծոյ խօսքին իրենց տուած վկայութեան համար չարաչար գլխատուած էին։ Ասոնք չէին երկրպագած գազանին եւ անոր կնիքը չէին դրոշմած իրենց ճակատներուն եւ ձեռքերուն վրայ։ Անոնք վերակենդանացան եւ Քրիստոսի հետ հազար տարի թագաւորեցին։