ՅԱՅՏՆՈՒԹԻՒՆ 11:13 - Western Armenian New Translation - Armenian Catholicosate of Cilicia - New Testament

¹³ Նոյն պահուն զօրաւոր երկրաշարժ մը տեղի ունեցաւ եւ քաղաքին մէկ տասներորդ մասը կործանեցաւ. այս երկրաշարժէն մահացան եօթը հազար հոգի։ Մեծ սարսափ մը պատեց մնացեալները, որոնք երկնաւոր Աստուծոյ փառք կու տային։

Արեւմտահայերէն Նոր Կտակարան հարմարցուած․ 2017

¹³ Նոյն ժամուն մեծ երկրաշարժ մը եղաւ ու քաղաքին տասներորդ մասը կործանեցաւ, եօթը հազար մարդիկ մեռան ու մնացածները վախով լեցուեցան ու փառք տուին երկնքի Աստուծոյն։

Western Armenian Bible 1853

¹³ Նոյն ժամուն մեծ երկրաշարժ մը եղաւ ու քաղաքին տասներորդ մասը կործանեցաւ, եօթը հազար մարդիկ մեռան ու մնացածները վախով լեցուեցան ու փառք տուին երկնքի Աստուծոյն։

ՅԱՅՏՆՈՒԹԻՒՆ 11:13 Iomraidhean Croise

ՅՈՎՀԱՆՆՈԻ 9:24

Կրկին կանչեցին մարդը, որ կոյր էր, եւ ըսին իրեն. – Փառք տուր Աստուծոյ. մենք գիտենք թէ այդ մարդը մեղաւոր մըն է։

ԳՈՐԾՔ ԱՌԱՔԵԼՈՑ 1:15

Համբարձումէն քանի մը օրեր ետք, երբ շուրջ հարիւր քսանհաւատացեալներ մէկտեղուած էին, Պետրոս ոտքի ելլելով ըսաւ. –

ՅԱՅՏՆՈՒԹԻՒՆ 11:11

Երեքուկէս օր ետք՝ անոնց մէջ մտաւ կեանք տուող Հոգին, որ Աստուծմէ կու գայ, եւ երկու վկաները ելան ու ոտքի կանգնեցան։ Եւ ահ ու սարսափ ինկաւ բոլոր տեսնողներուն վրայ։

ՅԱՅՏՆՈՒԹԻՒՆ 11:19

Եւ ահա երկինքի մէջ Աստուծոյ տաճարը բացուեցաւ ու հոն երեւցաւ Աստուծոյ Ուխտին Տապանակը։ Եղան փայլատակումներ, ձայներ, որոտումներ, երկրաշարժ եւ սաստիկ կարկուտ։

ՅԱՅՏՆՈՒԹԻՒՆ 14:7

Անիկա բարձրաձայն կ՚ըսէր. «Վախցէ՛ք Աստուծմէ եւ փա՛ռք տուէք անոր, որովհետեւ հասաւ ժամանակը որ անիկա դատէ մարդկութիւնը։ Երկրպագեցէ՛ք երկինքի, երկրի, ծովուն եւ ջուրի աղբիւրներու Արարիչին»։

ՅԱՅՏՆՈՒԹԻՒՆ 15:4

Ո՞վ պիտի չվախնայ քեզմէ, Տէ՛ր, եւ չփառաւորէ քու սուրբ անունդ. քանի դո՛ւն միայն սուրբ ես։ Բոլոր ազգերը պիտի գան եւ երկրպագեն քեզի, որովհետեւ յայտնուեցան արդար գործերդ»։

ՅԱՅՏՆՈՒԹԻՒՆ 19:7

ուրախանանք, ցնծանք եւ փառք տանք իրեն, որովհետեւ անոր Գառնուկին հարսանիքի ժամըհասաւ, եւ իր հարսը ինքզինք պատրաստեց.

ՅԱՅՏՆՈՒԹԻՒՆ 3:4

Բայց Սարդիկէի մէջ քիչ թիւով մարդիկ կան, որոնք իրենց հագուստները չաղտոտեցին. անոնք ինծի հետ պիտի շրջին ճերմակ հագուստներով, որովհետեւ արժանի են։

ՅԱՅՏՆՈՒԹԻՒՆ 6:12

Եւ տեսայ որ Գառնուկը վեցերորդ կնիքը բացաւ։ Եւ ահա զօրաւոր երկրաշարժ մը տեղի ունեցաւ. արեւը այծի մազէ շինուած կարպետի մը նման սեւ դարձաւ, եւ լուսինը ամբողջութեամբ արիւնի գոյն առաւ։

ՅԱՅՏՆՈՒԹԻՒՆ 8:5

Ապա հրեշտակը խնկամանը լեցուց զոհասեղանին կրակէն եւ նետեց զայն երկրի վրայ։ Եւ ահա փայլատակումներով զօրաւոր երկրաշարժ մը եղաւ, եւ լսուեցան որոտումներ ու ձայներ։