ՅԱՅՏՆՈՒԹԻՒՆ 1:18 - Western Armenian New Translation - Armenian Catholicosate of Cilicia - New Testament

¹⁸ Ես եմ կենդանի եղողը եւ ես եմ որ մեռայ եւ ահաւասիկ կենդանի եմ յաւիտեանս յաւիտենից։ Մահուան ու դժոխքի բանալիները իմ ձեռքս են։

Արեւմտահայերէն Նոր Կտակարան հարմարցուած․ 2017

¹⁸ Ես կենդանի եմ ու ես ա՛ն եմ որ մեռայ եւ ահա կենդանի եմ յաւիտեանս յաւիտենիցեւ ես ունիմ մահուան ու դժոխքին բանալիները։

Western Armenian Bible 1853

¹⁸ Ես կենդանի եմ ու ես ա՛ն եմ որ մեռայ եւ ահա կենդանի եմ յաւիտեանս յաւիտենիցեւ ես ունիմ մահուան ու դժոխքին բանալիները։

ՅԱՅՏՆՈՒԹԻՒՆ 1:18 Iomraidhean Croise

ՄԱՏԹԷՈՍ 11:23

Իսկ դո՛ւն, Կափառնաո՛ւմ, որ մինչեւ երկինք բարձրացեր ես, մինչեւ դժոխք պիտի իջնես։ Որովհետեւ այն հրաշքները որ մէջդ գործուեցան՝ եթէ կատարուէին Սոդոմի մէջ, վստահաբար անիկա կանգուն պիտի ըլլար մինչեւ այսօր։

ՄԱՏԹԷՈՍ 16:19

Քեզի պիտի տամ երկինքի արքայութեան բանալիները, եւ ինչ որ կապես երկրի վրայ՝ կապուած պիտի ըլլայ երկինքի մէջ, եւ ինչ որ արձակես երկրի վրայ՝ արձակուած պիտի ըլլայ երկինքի մէջ։

ՂՈԻԿԱՍ 24:5

Կիները սարսափեցան եւ վախէն իրենց դէմքը գետին դարձուցին։ Մարդիկը ըսին իրենց. – Ինչո՞ւ ողջը մեռելներուն մէջ կը փնտռէք։

ՅՈՎՀԱՆՆՈԻ 11:25

Յիսուս ըսաւ. – Ե՛ս եմ յարութիւնը եւ կեանքը։ Ան որ ինծի կը հաւատայ, թէպէտեւ մեռնի՝ պիտի ապրի։

ՅՈՎՀԱՆՆՈԻ 14:19

Մօտ ատենէն այլեւս աշխարհը զիս պիտի չտեսնէ, բայց դուք պիտի տեսնէք զիս, որովհետեւ ես կ՚ապրիմ եւ դուք ալ պիտի ապրիք։

ՀՌՈՎՄԱՅԵՑԻՍ 6:9

Գիտենք թէ Քրիստոս մեռելներէն յարութիւն առաւ եւ այսուհետեւ չի մեռնիր, այլեւս մահը չի կրնար անոր տիրել։

ԵՐԿՐՈՐԴ ԿՈՐՆԹԱՑԻՍ 13:4

Թէպէտ իբրեւ մարդ՝ տկարութեամբ խաչուեցաւ, բայց Աստուծոյ զօրութեամբը կենդանի է։ Մենք ալ, թէպէտեւ իր օրինակով կը տկարանանք, բայց իր օրինակով մենք ալ պիտի կենդանանանք Աստուծոյ զօրութեամբը՝ ձեզի ծառայելու համար։

ԳԱՂԱՏԱՑԻՍ 2:20

Այո՛, Քրիստոսի հետ խաչին վրայ մեռայ եւ այլեւս կենդանի եմ. ես չէ որ կ՚ապրիմ, այլ՝ Քրիստոս է որ կ՚ապրի իմ մէջս։ Այս կեանքը, որ այժմ կ՚ապրիմ մարմնով, կ՚ապրիմ՝ հաւատալով Աստուծոյ Որդիին, որ զիս սիրեց եւ իր կեանքը զոհեց ինծի համար։

ԿՈՂՈՍԱՑԻՍ 3:3

որովհետեւ դուք այս աշխարհին համար մեռաք, որպէսզի Քրիստոսի հետ միասին ապրիք այն կեանքով՝ որ Աստուած վերապահած է ձեզի։

ԵԲՐԱՅԵՑԻՍ 1:3

Որդին, Հօրը փառքին լոյսը եւ անոր էութեան ճշգրիտ պատկերը, որ իր խօսքին զօրութեամբ տիեզերքը կը պահէ, իր անձով մեր մեղքերը սրբելէ ետք՝ երկինքի մէջ նստաւ Աստուծոյ՝ Գերագոյն Զօրութեան, աջ կողմը։

ԵԲՐԱՅԵՑԻՍ 12:2

Մեր աչքերը յառենք Յիսուսի, մեր հաւատքի հիմնադիրին ու կատարելագործողին, որ գիտնալով թէ ի՛նչ ուրախութիւն կը սպասէ իրեն՝ արհամարհեց ամօթը, յանձն առաւ խաչի վրայ մեռնիլ, եւ Աստուծոյ աթոռին աջ կողմը նստաւ։

ԵԲՐԱՅԵՑԻՍ 7:16

այսինքն՝ մարմնաւոր կեանքի յատուկ օրէնքներու եւ կարգերու համաձայն չէ՛ որ քահանայ եղած է, այլ՝ յաւիտենական կեանքի մէջ ի զօրու եղող օրէնքով։

ԵԲՐԱՅԵՑԻՍ 7:25

Ուստի նաեւ կրնայ վերջնականապէս փրկել անոնք՝ որոնք իր միջոցաւ Աստուծոյ կու գան, որովհետեւ միշտ կենդանի ըլլալով՝ տեւաբար բարեխօս կ՚ըլլայ անոնց համար։

ՅԱՅՏՆՈՒԹԻՒՆ 10:6

եւ երդում ըրաւ յաւիտեանս յաւիտենից կենդանի Աստուծոյ անունով, անոր՝ որ ստեղծեց երկինքն ու երկիրը եւ ծովը եւ ինչ որ կայ անոնց մէջ, ու ըսաւ. «Այլեւս ուշացում պիտի չըլլայ։

ՅԱՅՏՆՈՒԹԻՒՆ 15:7

Չորս կենդանիներէն մէկը եօթը հրեշտակներուն եօթը ոսկեայ անօթներ տուաւ, որոնք լեցուն են յաւիտեանս յաւիտենից կենդանի եղող Աստուծոյ բարկութեամբ։

ՅԱՅՏՆՈՒԹԻՒՆ 2:8

Զմիռնիայի եկեղեցիին հրեշտակին գրէ՛. «Այսպէս կ՚ըսէ Առաջինն ու Վերջինը, ան՝ որ մեռաւ ու վերակենդանացաւ.–

ՅԱՅՏՆՈՒԹԻՒՆ 20:13

Ապա ծովը յանձնեց իր մէջ գտնուող մեռելները. նոյնը ըրին մահն ու դժոխքը, եւ իւրաքանչիւր մեռեալ դատուեցաւ իր գործերուն համաձայն։

ՅԱՅՏՆՈՒԹԻՒՆ 20:14

Յետոյ մահն ու դժոխքը կրակի լիճը ձգուեցան։ Այս է երկրորդ մահը, որ կրակի լիճն է։

ՅԱՅՏՆՈՒԹԻՒՆ 3:7

Ֆիլատելֆիայի եկեղեցիին հրեշտակին գրէ՛. «Այսպէս կ՚ըսէ Սուրբը, Ճշմարիտը, ան՝ որ Դաւիթի բանալին ունի. երբ բանայ՝ չկայ մէկը որ գոցէ զայն, եւ երբ գոցէ՝ չկայ մէկը որ բանայ զայն.–

ՅԱՅՏՆՈՒԹԻՒՆ 4:9

Երբ կենդանիները փառք, պատիւ եւ գոհութիւն կու տային անոր՝ որ կը նստէր գահին վրայ, անոր՝ որ կ՚ապրի յաւիտեանս յաւիտենից,

ՅԱՅՏՆՈՒԹԻՒՆ 5:14

Չորս կենդանիները կը պատասխանէին. «Ամէն»։ Եւ երէցները ինկան անոր առջեւ եւ երկրպագութիւն ըրին։

ՅԱՅՏՆՈՒԹԻՒՆ 6:8

Եւ ահա տեսայ դեղնորակ ձի մը, որուն հեծեալին անունը Մահ էր։ Անոր ետեւէն կ՚երթար դժոխքը՝ մեռեալներու աշխարհը։ Անոնց իշխանութիւն տրուած էր աշխարհի մէկ չորրորդին վրայ, որպէսզի սպաննեն սուրով, սովով, համաճարա կով եւ երկրի գազաններով։

ՅԱՅՏՆՈՒԹԻՒՆ 9:1

Հինգերորդ հրեշտակն ալ փողը հնչեցուց։ Եւ տեսայ մեծ աստղ մը, որ երկինքէն ինկաւ երկիր, եւ այդ աստղին տրուեցաւ անդունդի գուբին բանալին։