ՅԱՅՏՆՈՒԹԻՒՆ 1:16 - Western Armenian New Translation - Armenian Catholicosate of Cilicia - New Testament

¹⁶ Անիկա իր աջ ձեռքին մէջ բռնած էր եօթը աստղեր, եւ անոր բերանէն կ՚ելլէր սրուած երկսայրի սուր մը։ Անոր դէմքը կէսօրուան արեւուն նման կը փայլէր։

Արեւմտահայերէն Նոր Կտակարան հարմարցուած․ 2017

¹⁶ եւ իր աջ ձեռքին մէջ եօթը աստղ ունէր ու իր բերնէն սրած երկբերան սուր մը կ’ելլէր եւ իր երեսը արեւու պէս էր՝ որ իր զօրութիւնովը կը փայլի։

Western Armenian Bible 1853

¹⁶ Եւ իր աջ ձեռքին մէջ եօթը աստղ ունէր ու իր բերնէն սրած երկբերան սուր մը կ’ելլէր եւ իր երեսը արեւու պէս էր՝ որ իր զօրութիւնովը կը փայլի։

ՅԱՅՏՆՈՒԹԻՒՆ 1:16 Iomraidhean Croise

ՄԱՏԹԷՈՍ 17:2

Հոն այլակերպեցաւ անոնց դիմաց. իր դէմքը արեւու նման լուսաւոր դարձաւ եւ հագուստները լոյսի նման ճերմակ եղան։

ԳՈՐԾՔ ԱՌԱՔԵԼՈՑ 26:13

ճամբու ընթացքին, կէսօր ատեն տեսայ, ո՛վ արքայ, արեւէն աւելի զօրաւոր լոյս մը՝ որ երկինքէն փայլատակեց իմ եւ հետս գացողներուն շուրջը։

ԵՓԵՍԱՑԻՍ 6:17

Առէք նաեւ փրկութեան սաղաւարտը եւ Սուրբ Հոգիին սուրը, այսինքն՝ Աստուծոյ խօսքը։

ԵԲՐԱՅԵՑԻՍ 4:12

Որովհետեւ Աստուծոյ խօսքը կենդանի է եւ ազդու, աւելի հատու՝ քան ոեւէ երկսայրի սուր, եւ կը թափանցէ մարդուս շունչին ու հոգիին մէջ, մինչեւ ողն ու ծուծը, եւ կը քննէ մտածումներն ու սրտին խորհուրդները։

ՅԱՅՏՆՈՒԹԻՒՆ 1:20

Եօթը աստղերուն, որ կը տեսնես աջ ձեռքիս մէջ, եւ եօթը ոսկի ճրագարաններուն իմաստը հետեւեալն է.– Եօթը աստղերը եօթը եկեղեցիներուն հրեշտակներն են, իսկ եօթը ճրագարանները՝ եօթը եկեղեցիները։

ՅԱՅՏՆՈՒԹԻՒՆ 10:1

Ապա տեսայ ուրիշ զօրաւոր հրեշտակ մը, որ երկինքէն կ՚իջնէր՝ ամպի մը մէջ փաթթուած եւ գլխուն՝ ծիրանի գօտի։ Անոր երեսը արեւու կը նմանէր եւ ոտքերը՝ կրակէ սիւներու։

ՅԱՅՏՆՈՒԹԻՒՆ 12:1

Եւ ապա մեծ նշան մը երեւցաւ երկինքի մէջ։ Տեսնուեցաւ կին մը, որ արեւը հագած էր, լուսինը առած իր ոտքերուն տակ, եւ գլխուն ունէր տասներկու աստղերով պսակ մը։

ՅԱՅՏՆՈՒԹԻՒՆ 19:15

Իր բերանէն սրուած սուր մը կ՚ելլէր՝ անով հարուածելու համար ազգերը։ Անիկա երկաթէ մականով պիտի հովուէ զանոնք եւ կոխէ ամենակալ Աստուծոյ ահեղ բարկութեան գինիի հնձանը։

ՅԱՅՏՆՈՒԹԻՒՆ 19:21

Իսկ գազանին զօրքերը սպաննուեցան ձիուն վրայ հեծեալին սուրով, որ կ՚ելլէր անոր բերանէն։ Եւ ամբողջ թռչունները անոնց մարմինները ուտելէն կշտացան։

ՅԱՅՏՆՈՒԹԻՒՆ 2:1

Եփեսոսի եկեղեցիին հրեշտակին գրէ՛. «Այսպէս կ՚ըսէ ան՝ որ իր աջ ձեռքին մէջ ունի եօթը աստղերը եւ որ կը շրջի եօթը ոսկի ճրագարաններուն միջեւ.–

ՅԱՅՏՆՈՒԹԻՒՆ 2:12

Պերգամոնի եկեղեցիին հրեշտակին գրէ՛. «Այսպէս կ՚ըսէ ան՝ որ սրուած երկսայրի սուրը ունի.–

ՅԱՅՏՆՈՒԹԻՒՆ 2:16

Արդ, ապաշխարէ՛, ապա թէ ոչ՝ շուտով պիտի գամ եւ բերանէս ելլող սուրովը անոնց դէմ պիտի պատերազմիմ»։

ՅԱՅՏՆՈՒԹԻՒՆ 3:1

Սարդիկէի եկեղեցիին հրեշտակին գրէ՛. «Այսպէս կ՚ըսէ ան՝ որ ունի Աստուծոյ եօթը հոգիները եւ եօթը աստղերը.– Գիտեմ քու գործերդ եւ գիտեմ՝ որ միայն անունով ողջ ես, բայց իրականութեան մէջ մեռած ես։