ՅԱՅՏՆՈՒԹԻՒՆ 1:11 - Western Armenian New Translation - Armenian Catholicosate of Cilicia - New Testament

¹¹ որ ինծի կ՚ըսէր. –Գիրքի մը մէջ գրի՛ առ ինչ որ կը տեսնես, եւ գիրքը ղրկէ եօթը եկեղեցիներուն, որոնք կը գտնուին Եփեսոսի, Զմիռնիայի, Պերգամոնի, Թիատիրի, Սարդիկէի, Ֆիլատելֆիայի եւ Լաւոդիկիայի մէջ։

Արեւմտահայերէն Նոր Կտակարան հարմարցուած․ 2017

¹¹ «Ինչ որ կը տեսնես, գրքի մը մէջ գրէ ու ղրկէ եօթը եկեղեցիներուն, որոնք Եփեսոսի, Զմիւռնիայի, Պերգամոնի, Թիւատիրի, Սարդիկէի, Փիղադեղփիայի եւ Լաւոդիկիայի մէջ են»։

Western Armenian Bible 1853

¹¹ «Ինչ որ կը տեսնես, գրքի մը մէջ գրէ ու ղրկէ եօթը եկեղեցիներուն, որոնք Եփեսոսի, Զմիւռնիայի, Պերգամոնի, Թիւատիրի, Սարդիկէի, Փիղադեղփիայի եւ Լաւոդիկիայի մէջ են»։

ՅԱՅՏՆՈՒԹԻՒՆ 1:11 Iomraidhean Croise

ԳՈՐԾՔ ԱՌԱՔԵԼՈՑ 16:14

Թիւատիր քաղաքէն ծիրանի զգեստներ ծախող աստուածավախ կին մը կար, Լիդիա անունով, որ մտիկ կ՚ընէր։ Տէրը ինք բացաւ անոր միտքը, որ Պօղոսի խօսքերուն մտիկ ընէ։

ԳՈՐԾՔ ԱՌԱՔԵԼՈՑ 18:24

Ապողոս անունով Հրեայ մը, ծնունդով Աղեքսանդրացի, որ ճարտարախօս էր եւ քաջածանօթ Սուրբ գիրքերուն, եկաւ հասաւ Եփեսոս։

ԳՈՐԾՔ ԱՌԱՔԵԼՈՑ 20:17

Միլետոսէն Պօղոս լուր ղրկեց Եփեսոս եւ եկեղեցւոյ երէցները իր քով կանչեց։

ԱՌԱՋԻՆ ԿՈՐՆԹԱՑԻՍ 15:32

Եթէ իբրեւ ոեւէ մարդ մտածէի՝ ի՞նչ պէտք ունէի «գազան» ներու դէմ կռուելու այստեղ, Եփեսոսի մէջ։ Եթէ մեռելներու յարութիւն չկայ՝ ուրեմն «Ուտենք, խմենք. քանի վաղը պիտի մեռնինք», ինչպէս մարդիկ յաճախ կ՚ըսեն։

ԱՌԱՋԻՆ ԿՈՐՆԹԱՑԻՍ 16:8

Հիմակուհիմա Եփեսոս կը մնամ, մինչեւ Պենտէկոստէի տօնը,

ԵՓԵՍԱՑԻՍ 1:1

Ես, Պօղոս, Աստուծոյ կամքով Քրիստոս Յիսուսի առաքեալը, կը գրեմ Եփեսոս բնակող եղբայրներուդ, Քրիստոս Յիսուսի հաւատացողներուդ։

ԿՈՂՈՍԱՑԻՍ 2:1

Կ՚ուզեմ որ գիտնաք, թէ ինչպիսի՜ մեծ նեղութիւն կը կրեմ ձեզի եւ Լաւոդիկիացիներուն համար, ինչպէս նաեւ բոլոր անոնց համար՝ որոնք անձամբ զիս չեն տեսած։

ԱՌԱՋԻՆ ՏԻՄՈԹԷՈՍ 1:3

Երբ Մակեդոնիա կ՚երթայի, խնդրեցի որ Եփեսոս մնաս եւ խօսիս քանի մը հոգիներու, որպէսզի դադրին օտար վարդապետութիւններ ուսուցանելէ

ՅԱՅՏՆՈՒԹԻՒՆ 1:17

Երբ զայն տեսայ, մեռելի նման ինկայ անոր ոտքերուն առջեւ։ Անիկա իր աջ ձեռքը դրաւ վրաս եւ ըսաւ. –Մի՛ վախնար։ Ես եմ Սկիզբը եւ ես եմ Վախճանը։

ՅԱՅՏՆՈՒԹԻՒՆ 1:19

Ուրեմն գրէ՛ ինչ որ կը տեսնես, ինչ որ հիմա կը պատահի եւ ինչ որ այսուհետեւ պատահելիք է։

ՅԱՅՏՆՈՒԹԻՒՆ 1:2

որ վկայեց իր տեսած բոլոր բաներուն մասին։ Այս վկայութիւնը ձեզի կը բերէ Աստուծոյ խօսքը եւ Յիսուս Քրիստոսի տուած վկայութիւնը։

ՅԱՅՏՆՈՒԹԻՒՆ 1:20

Եօթը աստղերուն, որ կը տեսնես աջ ձեռքիս մէջ, եւ եօթը ոսկի ճրագարաններուն իմաստը հետեւեալն է.– Եօթը աստղերը եօթը եկեղեցիներուն հրեշտակներն են, իսկ եօթը ճրագարանները՝ եօթը եկեղեցիները։

ՅԱՅՏՆՈՒԹԻՒՆ 1:4

Յովհաննէսէն՝ Ասիա նահանգին մէջ գտնուող եօթը եկեղեցիներուն.– Շնորհք եւ խաղաղութիւն ձեզի անկէ՝ որ է, որ էր եւ որ պիտի գայ, եւ եօթը հոգիներէն, որոնք Աստուծոյ գահին դիմաց են,

ՅԱՅՏՆՈՒԹԻՒՆ 1:8

«Ես եմ Այբը եւ ես եմ Ֆէն», այսինքն՝ Սկիզբն ու Վախճանը, կ՚ըսէ Տէր Աստուած, ան՝ որ է, որ էր եւ որ պիտի գայ, ինք՝ Ամենակալը։

ՅԱՅՏՆՈՒԹԻՒՆ 10:4

եւ երբ եօթը որոտումները ձայնեցին՝ կ՚ուզէի գրի առնել։ Բայց երկինքէն լսեցի ձայն մը, որ կ՚ըսէր. –Մի՛ արձանագրեր ինչ որ եօթը որոտումները ըսին. գրի մի՛ առներ։

ՅԱՅՏՆՈՒԹԻՒՆ 14:13

Ապա երկինքէն ձայն մը լսեցի, որ ինծի կ՚ըսէր. –Գրէ՛ ըսածս. «Երանի՜ այն մեռելներուն, որոնք այժմէն սկսեալ կը ննջեն՝ Տիրոջ հնազանդ ըլլալով։ Այո՛,– կ՚ըսէ Հոգին,– որովհետեւ անոնք հանգստացան իրենց աշխատանքէն, եւ իրենց գործերը կը վկայեն իրենց մասին»։

ՅԱՅՏՆՈՒԹԻՒՆ 19:9

Հրեշտակը ինծի ըսաւ. –Ըսածս գրէ՛. «Երանելի են բոլոր անոնք, որոնք Գառնուկին հարսանեկան ընթրիքին հրաւիրուած են»։

ՅԱՅՏՆՈՒԹԻՒՆ 2:1

Եփեսոսի եկեղեցիին հրեշտակին գրէ՛. «Այսպէս կ՚ըսէ ան՝ որ իր աջ ձեռքին մէջ ունի եօթը աստղերը եւ որ կը շրջի եօթը ոսկի ճրագարաններուն միջեւ.–

ՅԱՅՏՆՈՒԹԻՒՆ 2:12

Պերգամոնի եկեղեցիին հրեշտակին գրէ՛. «Այսպէս կ՚ըսէ ան՝ որ սրուած երկսայրի սուրը ունի.–

ՅԱՅՏՆՈՒԹԻՒՆ 2:18

Թիատիրի եկեղեցիին հրեշտակին գրէ՛. «Այսպէս կ՚ըսէ Աստուծոյ Որդին, որուն աչքերը կրակի բոցի պէս են եւ ոտքերը՝ հրաշէկ անագապղինձի նման.–

ՅԱՅՏՆՈՒԹԻՒՆ 2:24

«Գալով Թիատիրի մէջ գտնուող մնացեալ հաւատացեալներուդ, որ չհետեւեցաք այդ վարդապետութեան եւ չճանչցաք ինչ որ կը կոչեն “Սատանային ծածուկ խորհուրդները”, ձեզի կ՚ըսեմ՝ որ ուրիշ բեռ պիտի չդնեմ ձեր վրայ,

ՅԱՅՏՆՈՒԹԻՒՆ 2:8

Զմիռնիայի եկեղեցիին հրեշտակին գրէ՛. «Այսպէս կ՚ըսէ Առաջինն ու Վերջինը, ան՝ որ մեռաւ ու վերակենդանացաւ.–

ՅԱՅՏՆՈՒԹԻՒՆ 21:5

Ան՝ որ գահին վրայ նստած էր, ըսաւ. –Ահաւասիկ ամէն ինչ նոր կը դարձնեմ։ Ապա ըսաւ ինծի. –Գրէ՛ ասոնք, որովհետեւ ճշմարիտ եւ վստահելի խօսքեր են։

ՅԱՅՏՆՈՒԹԻՒՆ 22:10

Ապա շարունակեց. –Այս գիրքին մարգարէութեան խօսքերը կնքուած մի՛ պահեր, որովհետեւ ժամանակը մօտեցած է։

ՅԱՅՏՆՈՒԹԻՒՆ 22:16

Ես, Յիսուս, իմ հրեշտակս ղրկեցի՝ որպէսզի այս վկայութիւնը տայ ձեզի եկեղեցիներուն մասին։ Ես Դաւիթի արմատը եւ անոր սերունդն եմ. առաւօտեան պայծառ աստղը։

ՅԱՅՏՆՈՒԹԻՒՆ 3:1

Սարդիկէի եկեղեցիին հրեշտակին գրէ՛. «Այսպէս կ՚ըսէ ան՝ որ ունի Աստուծոյ եօթը հոգիները եւ եօթը աստղերը.– Գիտեմ քու գործերդ եւ գիտեմ՝ որ միայն անունով ողջ ես, բայց իրականութեան մէջ մեռած ես։

ՅԱՅՏՆՈՒԹԻՒՆ 3:14

Լաւոդիկիայի եկեղեցիին հրեշտակին գրէ՛. «Այսպէս կ՚ըսէ Ամէնը, հաւատարիմ եւ ճշմարիտ Վկան, Աստուծոյ ստեղծագործութեան Սկիզբը.–

ՅԱՅՏՆՈՒԹԻՒՆ 3:4

Բայց Սարդիկէի մէջ քիչ թիւով մարդիկ կան, որոնք իրենց հագուստները չաղտոտեցին. անոնք ինծի հետ պիտի շրջին ճերմակ հագուստներով, որովհետեւ արժանի են։

ՅԱՅՏՆՈՒԹԻՒՆ 3:7

Ֆիլատելֆիայի եկեղեցիին հրեշտակին գրէ՛. «Այսպէս կ՚ըսէ Սուրբը, Ճշմարիտը, ան՝ որ Դաւիթի բանալին ունի. երբ բանայ՝ չկայ մէկը որ գոցէ զայն, եւ երբ գոցէ՝ չկայ մէկը որ բանայ զայն.–