ՓԻԼԻՊՊԵՑԻՍ 4:3 - Western Armenian New Translation - Armenian Catholicosate of Cilicia - New Testament

³ Դո՛ւն ալ, ո՜վ հաւատարիմ լծակիցս, կը խնդրեմ որ օգնես այս երկու կիներուն, որովհետեւ ինծի հետ պայքարեցան Աւետարանին տարածման համար, Կղեմէսի եւ միւս գործակիցներուս հետ միասին, որոնց անունները կեանքի գիրքին մէջ արձանագրուած են։

Արեւմտահայերէն Նոր Կտակարան հարմարցուած․ 2017

³ Իրաւ քեզի՛ ալ կ’աղաչեմ, իմ հարազատ լծակիցս, դո՛ւն ալ օգնական եղիր անոնց, որոնք ինծի հետ աշխատեցան աւետարանին մէջ Կղեմէսին եւ միւս գործակիցներուս հետ, որոնց անունները կենաց գրքին մէջ են։

Western Armenian Bible 1853

³ Իրաւ քեզի՛ ալ կ’աղաչեմ, իմ հարազատ լծակիցս, դո՛ւն ալ օգնական եղիր անոնց, որոնք ինծի հետ աշխատեցան աւետարանին մէջ Կղեմէսին եւ միւս գործակիցներուս հետ, որոնց անունները կենաց գրքին մէջ են։

ՓԻԼԻՊՊԵՑԻՍ 4:3 Iomraidhean Croise

ՂՈԻԿԱՍ 10:20

Սակայն մի՛ ուրախանաք որ չար ոգիները կը հնազանդին ձեզի, այլ ուրախացէք որ ձեր անունները երկինքի մէջ գրուած են։

ՀՌՈՎՄԱՅԵՑԻՍ 12:1

Ուստի, եղբայրնե՛ր, քպնի Աստուպծ ա՜յնքան ողորմպծ եղաւ մեզի հանդէպ, կ՚աղաչեմ որ դուք ձեզ Աստուծոյ ընծայէք որպէս կենդանի զոհ մը՝ իրեն վերապահուած, որովհետեւ ատիկա՛ է Աստուծոյ ուզած հոգեւոր պաշտամունքը։

ՀՌՈՎՄԱՅԵՑԻՍ 16:12

Բարեւ ըրէք Տրիֆենային եւ Տրիֆոսային, որոնք աշխատեցան Տիրոջ համար։ Բարեւ ըրէք սիրելի Պերսիսին, որ շատ աշխատեցաւ Տիրոջ համար։

ՀՌՈՎՄԱՅԵՑԻՍ 16:9

Բարեւ ըրէք Ուրբանոսին, Տիրոջմով իմ գործակիցիս, եւ իմ սիրելի Ստաքիին։

ՓԻԼԻՊՊԵՑԻՍ 1:12

Կ՚ուզեմ որ գիտնաք, եղբայրնե՛ր, թէ գլխուս եկած բոլոր պատահարները աւելի եւ աւելի նպաստեցին Աւետարանի տարածման։

ՓԻԼԻՊՊԵՑԻՍ 1:16

Անոնք որ սէրէն մղուած կը քարոզեն, այդպէս կ՚ընեն՝ որովհետեւ գիտեն թէ Աւետարանի պաշտպանութեան համար բանտարկուած կը մնամ։

ՓԻԼԻՊՊԵՑԻՍ 1:27

Արդ, նայեցէք որ Քրիստոսի Աւետարանին վայել ձեւով ապրիք. որպէսզի, եթէ կարենամ գալ՝ անձամբ տեսնեմ, իսկ եթէ չկարենամ գալ՝ ձեր մասին իմանամ, թէ հաստատուն կը մնաք, մէկ շունչ մէկ հոգի, եւ միասնաբար կը պայքարիք Աւետարանի հաւատքին համար։

ՓԻԼԻՊՊԵՑԻՍ 1:5

որովհետեւ առաջին օրէն մինչեւ հիմա ձեր մասնակցութիւնը բերիք աւետարանչութեան գործին։

ՓԻԼԻՊՊԵՑԻՍ 1:7

Իրաւունք կը համարեմ այսպէս խորհիլ ձեր բոլորին մասին, եւ ձեզ սրտիս մէջ ունիմ, որովհետեւ բոլորդ ալ մասնակից եղաք ինծի վիճակուած շնորհքին, ըլլա՛յ բանտարկութեանս ընթացքին, ըլլա՛յ երբ ազատ վիճակով Աւետարանը կը պաշտպանէի ու կը հաստատէի։

ՓԻԼԻՊՊԵՑԻՍ 4:2

Եւոդիային ու Սինտիքին կ՚աղաչեմ, եւ կը թելադրեմ՝ որ իրարու հետ հաշտուին, քանի Տիրոջ միացած են։

ԿՈՂՈՍԱՑԻՍ 1:7

Ատիկա ձեզի սորվեցնողը Եպաֆրասը եղաւ, մեր սիրելի ծառայակիցը, որ հաւատարմօրէն Յիսուսի կը ծառայէ՝ ձեզի համար։

ՅԱՅՏՆՈՒԹԻՒՆ 13:8

Եւ անոր պիտի երկրպագեն երկրի բոլոր բնակիչները, անոնք՝ որոնց անունը աշխարհի ստեղծագործութենէն սկսեալ չէ գրուած մորթուած Գառնուկին պատկանող կեանքի գիրքին մէջ։

ՅԱՅՏՆՈՒԹԻՒՆ 17:8

Գազանը որ տեսար՝ կ՚ապրէր, բայց այլեւս չ՚ապրիր. անիկա անդունդէն պիտի ելլէ՝ իր կորուստին երթալու համար։ Բոլոր անոնք որ երկրի վրայ կ՚ապրին եւ որոնց անունները աշխարհի սկիզբէն ի վեր չէին գրուած կեանքի գիրքին մէջ՝ պիտի զարմանան, տեսնելով գազանը որ կ՚ապրէր, բայց այլեւս չ՚ապրիր, եւ սակայն մօտ է վերստին յայտնուելու։

ՅԱՅՏՆՈՒԹԻՒՆ 20:12

Եւ տեսայ մեռելները՝ մեծ ու փոքր, որոնք գահին դիմաց կանգնած էին։ Գիրքերը բացուեցան եւ ապա բացուեցաւ ուրիշ գիրք մը — Կեանքի գիրքը։ Մեռելները դատուեցան իրենց գործերուն համաձայն, որոնք արձանագրուած էին անոնց մէջ։

ՅԱՅՏՆՈՒԹԻՒՆ 20:15

Եւ ան՝ որուն անունը չկար Կեանքի գիրքին մէջ՝ կրակի լիճին մէջ ձգուեցաւ։

ՅԱՅՏՆՈՒԹԻՒՆ 21:27

հոն պիտի չմտնէ ոեւէ պիղծ բան, ո՛չ ալ պղծութիւն գործող կամ ստախօս մարդ, այլ միայն անոնք՝ որոնց անունները գրուած են Գառնուկին Կեանքի գիրքին մէջ։

ՅԱՅՏՆՈՒԹԻՒՆ 3:5

Ով որ յաղթանակէ՝ այսպէս ճերմակ պիտի հագնի. եւ անոր անունը պիտի չջնջեմ կեանքի գիրքէն, եւ ես Հօրս եւ անոր հրեշտակներուն դիմաց զայն ինծի հետեւորդ պիտի դաւանիմ»։