ՓԻԼԻՊՊԵՑԻՍ 3:16 - Western Armenian New Translation - Armenian Catholicosate of Cilicia - New Testament

¹⁶ Ամէն պարագայի, միասնաբար քալենք այն կանոններով, որոնցմով ընթացանք մինչեւ հիմա։

Արեւմտահայերէն Նոր Կտակարան հարմարցուած․ 2017

¹⁶ Միայն թէ ի՛նչ աստիճանի որ հասեր ենք նոյն կանոնին համեմատ քալենք, նոյն խորհուրդը ունենանք։

Western Armenian Bible 1853

¹⁶ Միայն թէ ի՛նչ աստիճանի որ հասեր ենք նոյն կանոնին համեմատ քալենք, նոյն խորհուրդը ունենանք։

ՓԻԼԻՊՊԵՑԻՍ 3:16 Iomraidhean Croise

ՀՌՈՎՄԱՅԵՑԻՍ 12:16

Բոլորին հանդէպ նոյն վերաբերումը ունեցէք. մեծամիտ մի՛ ըլլաք, խոնարհ մարդոց ալ ընկերութիւն ընելու զիջեցէք, եւ դուք ձեզ իմաստուն մի՛ համարէք։

ՀՌՈՎՄԱՅԵՑԻՍ 15:5

Թող համբերութիւն եւ ամէն տեսակի քաջալերանք պարգեւողը, Աստուած, շնորհէ՝ որ նոյնը խորհիք իրարու մասին, Յիսուս Քրիստոսի օրինակով,

ԳԱՂԱՏԱՑԻՍ 5:7

Լաւ կ՚ընթանայիք. ո՞վ պատճառ եղաւ որ ճշմարտութեան չհնազանդիք։

ԳԱՂԱՏԱՑԻՍ 6:16

Թող Աստուծոյ խաղաղութիւնն ու ողորմութիւնը ըլլան բոլոր անոնց հետ՝ որոնք այս սկզբունքին համաձայն կ՚ապրին. բոլոր անոնց՝ որոնք իր ընտրեալ ժողովուրդը կը կազմեն։

ՓԻԼԻՊՊԵՑԻՍ 1:27

Արդ, նայեցէք որ Քրիստոսի Աւետարանին վայել ձեւով ապրիք. որպէսզի, եթէ կարենամ գալ՝ անձամբ տեսնեմ, իսկ եթէ չկարենամ գալ՝ ձեր մասին իմանամ, թէ հաստատուն կը մնաք, մէկ շունչ մէկ հոգի, եւ միասնաբար կը պայքարիք Աւետարանի հաւատքին համար։

ՓԻԼԻՊՊԵՑԻՍ 2:2

ուրախութիւնս կատարեալ ըրէք՝ միաբանելով, նոյն սէրը ունենալով իրարու հանդէպ, եւ համերաշխ ու համախորհուրդ ըլլալով։

ՓԻԼԻՊՊԵՑԻՍ 4:2

Եւոդիային ու Սինտիքին կ՚աղաչեմ, եւ կը թելադրեմ՝ որ իրարու հետ հաշտուին, քանի Տիրոջ միացած են։

ԿՈՂՈՍԱՑԻՍ 2:6

Արդ, քանի ընդունեցիք Քրիստոս Յիսուսը, Տէրը, կապուած մնացէք իրեն։

ԿՈՂՈՍԱՑԻՍ 4:2

Շարունակ աղօթեցէք՝ արթուն հսկելով, միշտ գոհութիւն յայտնելով Աստուծոյ։

ՅԱՅՏՆՈՒԹԻՒՆ 3:3

Յիշէ՛ ինչ որ լսեցիր եւ ընդունեցիր. պահէ՛ զանոնք եւ ապաշխարէ՛։ Եթէ արթուն չմնաս՝ գողի պէս պիտի գամ եւ ո՛ր մէկ ժամուն քեզի գալս պիտի չիմանաս։