ՓԻԼԻՊՊԵՑԻՍ 2:13 - Western Armenian New Translation - Armenian Catholicosate of Cilicia - New Testament

¹³ Որովհետեւ Աստուած ի՛նք է որ կը ներգործէ ինչ որ կը կամենաք ու կը կատարէք, որպէսզի իր կամքին համաձայն շարժիք։

Արեւմտահայերէն Նոր Կտակարան հարմարցուած․ 2017

¹³ վասն զի Աստուած է որ ձեր մէջ կը ներգործէ կամենալը ու ընելը իր հաճութեանը համար։

Western Armenian Bible 1853

¹³ Վասն զի Աստուած է որ ձեր մէջ կը ներգործէ կամենալը ու ընելը իր հաճութեանը համար։

ՓԻԼԻՊՊԵՑԻՍ 2:13 Iomraidhean Croise

ՂՈԻԿԱՍ 12:32

Մի՛ վախնար, փոքրիկ հօտ, որովհետեւ ձեր Հայրը հաճեցաւ ձեզի տալ արքայութիւնը:

ՂՈԻԿԱՍ 2:14

«Բարձունքներուն մէջ Աստուծոյ փա՜ռք, խաղաղութի՜ւն երկրի վրայ եւ մարդոց միջեւ հաճութիւն»։

ՅՈՎՀԱՆՆՈԻ 3:27

Յովհաննէս պատասխանեց. – Մարդ ինքնիրմէ ոչինչ կրնայ ընել, եթէ իրեն վերէն՝ Աստուծմէ տրուած չէ։

ՅՈՎՀԱՆՆՈԻ 6:45

Մարգարէութիւններուն մէջ գրուած է. «Ամէն մարդ Աստուծմէ սորված պիտի ըլլայ»։ Ով որ Հօրմէս կը լսէ եւ իրմէ կը սորվի՝ ինծի կու գայ։

ՅՈՎՀԱՆՆՈԻ 6:65

Եւ աւելցուց. – Ճիշդ ատոր համար ըսի ձեզի, թէ ոչ ոք կրնայ ինծի գալ, եթէ Հայրս իրեն շնորհքը չտայ։

ԳՈՐԾՔ ԱՌԱՔԵԼՈՑ 11:21

Եւ Տէրը կ՚օգնէր անոնց։ Բազմաթիւ մարդիկ հաւատացին եւ Տիրոջ դարձան։

ՀՌՈՎՄԱՅԵՑԻՍ 12:3

Ինծի տրուած Աստուծոյ շնորհքով հետեւեալ պատուէրը կու տամ իւրաքանչիւրիդ.– Մեծամիտ մի՛ ըլլաք. ընդհակառակը, միշտ համեստ եղէք եւ միայն Աստուծմէ ձեզի տրուած հաւատքին չափով գնահատեցէք դուք ձեզ։

ՀՌՈՎՄԱՅԵՑԻՍ 9:11

Եւ մինչ տակաւին անոնք ծնած չէին, եւ հետեւաբար բարի կամ չար բան մը գործած չէին, Աստուած Ռեբեկայի ըսաւ. «Երէց զաւակդ կրտսերին ծառայ պիտի ըլլայ»։ Ասիկա ըրաւ՝ որպէսզի ցոյց տայ՝ թէ իր ծրագիրը կը հիմնուի ազատ ընտրութեան վրայ, որ կախում չունի մարդոց գործերէն, այլ միայն Աստուծմէ՝ որ զանոնք իրեն կը կանչէ.

ՀՌՈՎՄԱՅԵՑԻՍ 9:16

Յստակ է, որ ո՛չ մարդուս կամեցողութենէն եւ ո՛չ ալ թափած ճիգէն կախում ունի, այլ միայն Աստուծոյ ողորմութենէն։

ԱՌԱՋԻՆ ԿՈՐՆԹԱՑԻՍ 12:6

Նոյնպէս ալ, ծառայելու զանազան կարողութիւններ կան, բայց նոյն Աստուածն է որ զանոնք կու տայ իւրաքանչիւրին։

ԱՌԱՋԻՆ ԿՈՐՆԹԱՑԻՍ 15:10

Բայց հիմա ինչ որ եմ՝ Աստուծոյ շնորհքին կը պարտիմ. եւ կրնամ ըսել՝ թէ Աստուծոյ ինծի տուած շնորհքը ապարդիւն չեղաւ, որովհետեւ բոլոր առաքեալներէն աւելի ե՛ս աշխատեցայ, թէպէտ ինչ որ ըրի՝ ես չըրի, այլ իմ մէջս գործող Աստուծոյ շնորհքը։

ԵՐԿՐՈՐԴ ԿՈՐՆԹԱՑԻՍ 3:5

Որովհետեւ բնաւ չենք խորհիր որ մենք մեր ոյժերով այդպիսի գործ մը կրնանք ընել. այլ՝ Աստուած է որ այդ կարողութիւնը կու տայ մեզի։

ԵՓԵՍԱՑԻՍ 1:11

Քրիստոսի միջոցաւ է որ ժառանգորդ դարձանք փրկութեան։ Աստուած, որ ամէն ինչ կը յաջողցնէ ըստ իր առաջադրած ծրագրին ու կամքին,

ԵՓԵՍԱՑԻՍ 1:5

եւ իր սիրով մեզ նախասահմանեց՝ Յիսուս Քրիստոսի ձեռքով իր որդիները ըլլալու, որովհետեւ ա՛յդ էր իր կամքը եւ ծրագիրը։

ԵՓԵՍԱՑԻՍ 1:9

Որովհետեւ իր կամքին համաձայն մեզի յայտնեց շատ կանուխէն պատրաստած իր ծրագիրը, որ Քրիստոսով պիտի իրագործուի։

ԵՓԵՍԱՑԻՍ 2:8

Այո՛, Աստուծոյ շնորհքովը փրկուեցաք, քանի հաւատացիք։ Փրկութիւնը ձեր արժանիքը չէ, այլ՝ Աստուծոյ պարգեւն է։

ԵՐԿՐՈՐԴ ԹԵՍԱՂՈՆԻԿԵՑԻՍ 1:11

Ահա թէ ինչու՝ միշտ կ՚աղօթենք ձեզի համար, որպէսզի Աստուած ձեզ արժանի ընէ այդ կոչումին, իր զօրութեամբ կատարէ ձեր բոլոր բարի փափաքները եւ արդիւնաւորէ ձեր հաւատքը,

ԵՐԿՐՈՐԴ ՏԻՄՈԹԷՈՍ 1:9

ան՝ որ մեզ փրկեց եւ իր սուրբ ժողովուրդը ըլլալու հրաւիրեց մեզ, ո՛չ թէ մեր արժանիքներուն համար, այլ՝ իր ծրագրին համաձայն եւ այն շնորհքին՝ որ մեզի տրուած էր Քրիստոս Յիսուսի միջոցաւ, յաւիտենական ժամանակներէն իսկ առաջ։

ԱՌԱՋԻՆ ՊԵՏՐՈՍԻ 1:3

Օրհնեալ է Աստուած, մեր Տիրոջ Յիսուս Քրիստոսի Հայրը, որ իր առատ ողորմութեամբ մեզ վերստին ծնաւ, որպէսզի Յիսուս Քրիստոսի մեռելներէն յարութիւն առնելովը ունենանք այն կենդանի յոյսը՝