ՓԻԼԻՊՊԵՑԻՍ 1:6 - Western Armenian New Translation - Armenian Catholicosate of Cilicia - New Testament

⁶ Եւ վստահ եմ՝ թէ Աստուած, որ այդ բարի գործը սկսաւ ձեր մէջ, զայն իր կատարումին պիտի հասցնէ մինչեւ Քրիստոս Յիսուսի օրը գայ։

Արեւմտահայերէն Նոր Կտակարան հարմարցուած․ 2017

⁶ այս մասին վստահ ըլլալով՝ թէ ան որ ձեր մէջ բարի գործ մը սկսաւ, մինչեւ Յիսուս Քրիստոսին օրը պիտի կատարէ։

Western Armenian Bible 1853

⁶ Այս մասին վստահ ըլլալով՝ թէ ան որ ձեր մէջ բարի գործ մը սկսաւ, մինչեւ Յիսուս Քրիստոսին օրը պիտի կատարէ։

ՓԻԼԻՊՊԵՑԻՍ 1:6 Iomraidhean Croise

ՅՈՎՀԱՆՆՈԻ 6:29

Յիսուս անոնց պատասխանեց. – Աստուծոյ ուզած գործը այն է, որ հաւատաք անոր՝ որ ինք ղրկեց։

ԳՈՐԾՔ ԱՌԱՔԵԼՈՑ 11:18

Այս բացատրութիւնը լսելով՝ անոնք դադրեցան զինք մեղադրելէ, եւ զԱստուած փառաւորեցին, ըսելով. –Ուրեմն Աստուած հեթանոսներուն ալ առիթ տուաւ, որ ապաշխարեն եւ կեանք ունենան։

ԳՈՐԾՔ ԱՌԱՔԵԼՈՑ 16:14

Թիւատիր քաղաքէն ծիրանի զգեստներ ծախող աստուածավախ կին մը կար, Լիդիա անունով, որ մտիկ կ՚ընէր։ Տէրը ինք բացաւ անոր միտքը, որ Պօղոսի խօսքերուն մտիկ ընէ։

ԱՌԱՋԻՆ ԿՈՐՆԹԱՑԻՍ 1:8

Եւ Աստուած մինչեւ վերջ հաստատուն պիտի պահէ ձեզ, որպէսզի անմեղադրելի ըլլաք մեր Տիրոջ Յիսուս Քրիստոսի դատաստանին օրը։

ԵՐԿՐՈՐԴ ԿՈՐՆԹԱՑԻՍ 1:15

Այս վստահութեամբ ալ ծրագրած էի նախ ձեզի գալ, որպէսզի կրկին անգամ Աստուծոյ շնորհքը ընդունիք,

ԵՐԿՐՈՐԴ ԿՈՐՆԹԱՑԻՍ 2:3

Եւ այս նամակս գրեցի, որովհետեւ կ՚ուզէի որ գալուս՝ միայն ուրախանամ ձեզմով, եւ ո՛չ թէ տրտմիմ, վստահ ըլլալով՝ որ իմ ուրախութիւնս ձեր բոլորին ուրախութիւնն է։

ԵՐԿՐՈՐԴ ԿՈՐՆԹԱՑԻՍ 7:16

Արդ, ուրախ եմ որ կատարեալ վստահութիւն ունիմ ձեր վրայ։

ԵՐԿՐՈՐԴ ԿՈՐՆԹԱՑԻՍ 9:4

Պիտի չուզէի որ Մակեդոնացիները ինծի հետ գային եւ ձեզ անպատրաստ գտնէին, որովհետեւ այդ պարագային ամօթով պիտի մնայինք մեր վստահութեան համար։ Անշուշտ դուք ալ ամօթով պիտի մնայիք։

ԳԱՂԱՏԱՑԻՍ 5:10

Բայց ես Տիրոջմով վստահ եմ՝ որ ինձմէ տարբեր չէք խորհիր դուք ալ. իսկ ձեր միտքը պղտորողը ո՛վ որ ալ ըլլայ՝ իր պատիժը պիտի ստանայ Աստուծմէ։

ԵՓԵՍԱՑԻՍ 4:12

Աստուծոյ ժողովուրդը պատրաստելու եւ Աստուծոյ ծառայութեան մէջ դնելու համար, որպէսզի Քրիստոսի մարմինը՝ եկեղեցին աճի ու զօրանայ,

ՓԻԼԻՊՊԵՑԻՍ 1:10

որպէսզի կարենաք լաւը ընտրել եւ Քրիստոս իր գալստեան օրը ձեզ գտնէ մաքուր եւ ամբասիր,

ՓԻԼԻՊՊԵՑԻՍ 1:29

Եւ ատիկա Աստուծմէ է. որովհետեւ Աստուած ո՛չ միայն Քրիստոսի հաւատալու շնորհքը տուաւ ձեզի, այլ նաեւ՝ անոր համար չարչարուելու շնորհքը,

ՓԻԼԻՊՊԵՑԻՍ 2:12

Հետեւաբար, սիրելինե՛րս, դուք՝ որ ձեր մէջ ներկայ եղած ատենս միշտ հնազանդ եղաք ինծի, հիմա որ ձեզմէ հեռու եմ՝ աւելի չափով հնազանդ եղէք եւ երկիւղած բարեպաշտութեամբ ձեր փրկութեան համար աշխատեցէք։

ՓԻԼԻՊՊԵՑԻՍ 2:13

Որովհետեւ Աստուած ի՛նք է որ կը ներգործէ ինչ որ կը կամենաք ու կը կատարէք, որպէսզի իր կամքին համաձայն շարժիք։

ՓԻԼԻՊՊԵՑԻՍ 2:16

կեանքի պատգամը ամուր պահելով, ինչ որ իմ պարծանքս պիտի ըլլայ Քրիստոսի դատաստանին օրը, թէ զուր տեղը չվազեցի եւ զուր տեղը չաշխատեցայ։

ԿՈՂՈՍԱՑԻՍ 2:12

Մկրտուելով՝ անոր հետ միասին թաղուեցաք, եւ անոր հետ ալ յարութիւն առիք, քանի հաւատացիք Աստուծոյ զօրութեան, որ զայն մեռելներէն յարուցանեց։

ԱՌԱՋԻՆ ԹԵՍԱՂՈՆԻԿԵՑԻՍ 1:3

Հօր Աստուծոյ առջեւ միշտ կը յիշենք՝ թէ ի՛նչպէս կեանքի կը վերածէք ձեր հաւատքը, սէրէն մղուած կը ծառայէք ուրիշներուն, եւ մեր Տիրոջ Յիսուս Քրիստոսի յուսալով՝ նեղութիւններու կը համբերէք։

ԵՐԿՐՈՐԴ ԹԵՍԱՂՈՆԻԿԵՑԻՍ 1:11

Ահա թէ ինչու՝ միշտ կ՚աղօթենք ձեզի համար, որպէսզի Աստուած ձեզ արժանի ընէ այդ կոչումին, իր զօրութեամբ կատարէ ձեր բոլոր բարի փափաքները եւ արդիւնաւորէ ձեր հաւատքը,

ԵՐԿՐՈՐԴ ԹԵՍԱՂՈՆԻԿԵՑԻՍ 3:4

Եւ Տէրը մեզի վստահութիւն կու տայ, թէ ինչ որ ձեզի պատուիրեցինք՝ կը կատարէք ու պիտի շարունակէք կատարել։

ՓԻԼԻՄՈՆ 1:21

Հնազանդութեանդ վստահելով է որ գրեցի քեզի, որովհետեւ գիտեմ թէ ըսածս աւելիով պիտի ընես։

ԵԲՐԱՅԵՑԻՍ 10:35

Հետեւաբար մի՛ կորսնցնէք ձեր վստահութիւնը, որովհետեւ անիկա մեծապէս պիտի վարձատրէ ձեզ։

ԵԲՐԱՅԵՑԻՍ 12:2

Մեր աչքերը յառենք Յիսուսի, մեր հաւատքի հիմնադիրին ու կատարելագործողին, որ գիտնալով թէ ի՛նչ ուրախութիւն կը սպասէ իրեն՝ արհամարհեց ամօթը, յանձն առաւ խաչի վրայ մեռնիլ, եւ Աստուծոյ աթոռին աջ կողմը նստաւ։

ԱՌԱՋԻՆ ՊԵՏՐՈՍԻ 5:10

Եւ բոլոր շնորհքներուն պարգեւիչը՝ Աստուած, որ Քրիստոս Յիսուսի միջոցաւ իր յաւիտենական փառքին կանչեց ձեզ, նկատի ունենալով որ չափով մը մասնակից եղաք Յիսուսի չարչարանքներուն՝ պիտի կազդուրէ, զօրացնէ եւ ամուր հիմերու վրայ հաստատէ ձեզ։

ԵՐԿՐՈՐԴ ՊԵՏՐՈՍԻ 3:10

Բայց Տիրոջ օրը անակնկալօրէն պիտի գայ, գողի պէս, երբ երկինքը մեծ շառաչիւնով պիտի չքանայ, երկնային մարմինները պիտի վառին ու հալին, եւ երկիրը իր ամբողջ բովանդակութեամբ պիտի անհետանայ։