ՄԱՐԿՈՍ 2:5 - Western Armenian New Translation - Armenian Catholicosate of Cilicia - New Testament

⁵ Յիսուս անոնց հաւատքը տեսնելով, ըսաւ անդամալոյծին. – Որդեա՜կ, մեղքերդ ներուա՛ծ ըլլան քեզի։

Արեւմտահայերէն Նոր Կտակարան հարմարցուած․ 2017

⁵ Յիսուս անոնց հաւատքը տեսնելով՝ ըսաւ անդամալոյծին. «Ո՛րդեակ, քու մեղքերդ քեզի ներուած են»։

Western Armenian Bible 1853

⁵ Յիսուս անոնց հաւատքը տեսնելով՝ ըսաւ անդամալոյծին. «Ո՛րդեակ, քու մեղքերդ քեզի ներուած են»։

ՄԱՐԿՈՍ 2:5 Iomraidhean Croise

ՄԱՏԹԷՈՍ 9:2

Եւ ահա մարդիկ իրեն բերին անդամալոյծ մը, մահիճին մէջ պառկած։ Յիսուս անոնց հաւատքը տեսնելով, ըսաւ անդամալոյծին. – Քաջալերուէ՛, ո՛րդեակ, մեղքերդ ներուած են քեզի։

ՄԱՏԹԷՈՍ 9:22

Յիսուս ետեւ դարձաւ եւ կինը տեսնելով ըսաւ. – Աղջի՛կս, քաջալերուէ՛, հաւատքդ քեզ բժշկեց։ Նոյն վայրկեանին կինը բժշկուեցաւ։

ՄԱՏԹԷՈՍ 9:5

Ո՞ր մէկը աւելի դիւրին է. անդամալոյծին՝ «Մեղքերդ ներուած են քեզի» ըսե՞լը, թէ՝ «Ել եւ քալէ՛» ըսելը։

ՄԱՐԿՈՍ 2:6

Օրէնքի ուսուցիչներէն ոմանք, որոնք հոն նստած էին, սկսան մտովի քննադատել զայն.

ՄԱՐԿՈՍ 5:34

Յիսուս ըսաւ անոր. – Աղջի՛կս, հաւատքդ քեզ փրկեց. խաղաղութեամբ գնա եւ բժշկուէ՛ քու ցաւերէդ։

ՂՈԻԿԱՍ 5:20

Յիսուս անոնց հաւատքը տեսնելով, անդամալոյծին ըսաւ. – Ո՛վ մարդ, մեղքերդ ներուած են քեզի։

ՂՈԻԿԱՍ 8:48

Յիսուս անոր ըսաւ. – Աղջիկս, քաջալերուէ՛, հաւատքդ քեզ փրկեց. խաղաղութեամբ գնա։

ՅՈՎՀԱՆՆՈԻ 2:25

եւ պէտք չունէր ոեւէ մէկուն մասին ուրիշին վկայութեան, քանի ինք գիտէր թէ ի՛նչ կայ մարդոց սիրտին մէջ։

ՅՈՎՀԱՆՆՈԻ 5:14

Այս դէպքէն ետք Յիսուս մարդը տաճարին մէջ գտաւ եւ ըսաւ անոր. – Ահա առողջացար. այլեւս մի՛ մեղանչեր, որպէսզի աւելի գէշը չպատահի քեզի։

ԳՈՐԾՔ ԱՌԱՔԵԼՈՑ 11:23

Սա երբ որ եկաւ եւ տեսաւ Աստուծոյ շնորհքը՝ ուրախացաւ, եւ կը յորդորէր բոլորը, որ ամբողջանուէր սրտով կապուած մնան Տիրոջ։

ԳՈՐԾՔ ԱՌԱՔԵԼՈՑ 14:9

Պօղոսի խօսած ատեն՝ ասիկա մտիկ կ՚ընէր։ Պօղոս իր աչքերը անոր յառեց, եւ տեսնելով որ փրկուելու հաւատք ունի՝

ԳՈՐԾՔ ԱՌԱՔԵԼՈՑ 5:31

Աստուած իր աջով զայն բարձրացուց, որպէսզի մեր Առաջնորդն ու Փրկիչը ըլլայ, եւ Իսրայէլին ապաշխարութեան առիթ եւ մեղքերուն թողութիւն տայ։

ԱՌԱՋԻՆ ԿՈՐՆԹԱՑԻՍ 11:30

Այս է ահա պատճառը, որ ձեր մէջ բազմաթիւ հիւանդներ ու ցաւագարներ կան եւ բազմաթիւ են նաեւ անոնք՝ որ նոյն պատճառով մեռան։

ԵՐԿՐՈՐԴ ԿՈՐՆԹԱՑԻՍ 2:10

Եթէ դուք կը ներէք իրեն՝ ես ալ կը ներեմ. որովհետեւ ես ալ երբ ոեւէ բան կը ներեմ՝ ձեզի համար կը ներեմ, Քրիստոսի փոխարէն,

ԵՓԵՍԱՑԻՍ 2:8

Այո՛, Աստուծոյ շնորհքովը փրկուեցաք, քանի հաւատացիք։ Փրկութիւնը ձեր արժանիքը չէ, այլ՝ Աստուծոյ պարգեւն է։

ԿՈՂՈՍԱՑԻՍ 3:13

Իրարու հանդէպ հանդուրժող եղէք, եւ ներեցէք իրարու՝ երբ մէկդ միւսին դէմ տրտունջ մը ունենաք։ Ինչպէս Աստուած Քրիստոսի միջոցաւ ներեց ձեզի, այնպէս ալ դուք իրարու ներեցէք։

ՅԱԿՈԲՈՒ 5:15

Եւ հաւատքով կատարուած աղօթքը պիտի բժշկէ հիւանդը։ Տէրը զայն ոտքի պիտի հանէ, եւ եթէ ոեւէ մեղք գործած է՝ պիտի ներէ անոր։