ՄԱՐԿՈՍ 2:1 - Western Armenian New Translation - Armenian Catholicosate of Cilicia - New Testament

¹ Քանի մը օրեր ետք Յիսուս վերադարձաւ Կափառնաում։ Անմիջապէս որ լուր տարածուեցաւ թէ տան մէջ կը գտնուի,

Արեւմտահայերէն Նոր Կտակարան հարմարցուած․ 2017

¹ Նորէն Կափառնայում մտաւ։ Քանի մը օր յետոյ լսուեցաւ թէ անիկա տան մը մէջ է։

Western Armenian Bible 1853

¹ Նորէն Կափառնայում մտաւ։ Քանի մը օր յետոյ լսուեցաւ թէ անիկա տան մը մէջ է։

ՄԱՐԿՈՍ 2:1 Iomraidhean Croise

ՄԱՏԹԷՈՍ 4:13

եւ ձգելով Նազարէթը, եկաւ բնակեցաւ լիճին եզերքը գտնուող Կափառնաում քաղաքը, Զաբուղոնի եւ Նեփթաղիմի սահմաններուն մէջ։

ՄԱՏԹԷՈՍ 9:1

Յիսուս նաւակ մտաւ եւ լիճին միւս կողմը անցնելով եկաւ իր քաղաքը։

ՄԱՐԿՈՍ 1:45

Բայց անիկա գնաց եւ սկսաւ ամէն տեղ պատմել ու տարածել պատահածը։ Այս պատճառով Յիսուս այլեւս չէր կրնար բացէ ի բաց քաղաք մը մտնել, այլ դուրսը ամայի տեղեր կը մնար։ Եւ ժողովուրդը ամէն կողմէ կու գար իրեն։

ՄԱՐԿՈՍ 2:2

շատեր հաւաքուեցան հոն, այնքան՝ որ դրան առջեւ իսկ տեղ չէր մնացած։ Եւ Յիսուս Աստուծոյ խօսքը կը քարոզէր անոնց։

ՄԱՐԿՈՍ 3:20

Յետոյ Յիսուս եւ աշակերտները տուն դարձան։ Ժողովուրդը դարձեալ իրենց շուրջ հաւաքուեցաւ, այնպէս որ նոյնիսկ ուտելու ժամանակ չունեցան։

ՄԱՐԿՈՍ 7:17

Երբ ժողովուրդէն բաժնուեցաւ եւ տուն մտաւ, աշակերտները իրեն հարցուցին թէ ի՛նչ ըսել կ՚ուզէր իր հանելուկային խօսքով։

ՄԱՐԿՈՍ 7:24

Ապա հոնկէ ելլելով՝ եկաւ Տիւրոսի եւ Սիդոնի սահմանները։ Տուն մը մտաւ եւ չուզեց որ ոեւէ մէկը գիտնայ իր հոն ըլլալը. բայց չկրցաւ ծածուկ պահել։

ՄԱՐԿՈՍ 9:28

Երբ Յիսուս տուն մտաւ, աշակերտները առանձին հարցուցին անոր. – Մե՞նք ինչու չկրցանք հանել չար ոգին։

ՂՈԻԿԱՍ 4:23

Յիսուս ըսաւ. – Անտարակոյս ինծի պիտի ըսէք հետեւեալ առածը. «Բժի՛շկ, դուն քեզ բժշկէ»։ Եւ ինչ որ լսեցինք որ գործեր ես Կափառնաումի մէջ, այստեղ՝ քու հայրենի գաւառիդ մէջ ալ կատարէ։

ՂՈԻԿԱՍ 5:18

Եւ ահա քանի մը հոգիներ անդամալոյծ մը բերին մահիճի վրայ. կ՚ուզէին ներս մտցնել զայն եւ Յիսուսի առջեւ բերել։

ՅՈՎՀԱՆՆՈԻ 4:47

Անիկա երբ լսեց թէ Յիսուս Հրէաստանէն Գալիլեա եկած է, գնաց Յիսուսի մօտ եւ աղաչեց որ Կափառնաում երթայ եւ բժշկէ իր որդին, որ մահամերձ էր։

ԳՈՐԾՔ ԱՌԱՔԵԼՈՑ 2:6

Երբ այս ձայնը լսուեցաւ, մեծ բազմութիւն մը եկաւ խռնուեցաւ եւ բոլորը անակնկալի եկան, որովհետեւ կը լսէին թէ ի՛նչպէս անոնցմէ իւրաքանչիւրը իրենց սեփական լեզուով կը խօսի։