ՄԱՐԿՈՍ 10:1 - Western Armenian New Translation - Armenian Catholicosate of Cilicia - New Testament

¹ Յիսուս հոնկէ ելլելով՝ եկաւ Հրէաստանի սահմանները, Յորդանան գետին դիմացի կողմը, եւ դարձեալ ժողովուրդը խռնուեցաւ իր շուրջ, եւ ինք իր սովորութեան համաձայն նորէն անոնց կ՚ուսուցանէր։

Արեւմտահայերէն Նոր Կտակարան հարմարցուած․ 2017

¹ Անկէ ելլելով՝ Հրէաստանի սահմանները գնաց՝ Յորդանանի անդիի կողմէն։ Նորէն ժողովուրդը անոր քով կը ժողվուէին եւ ինչպէս սովորութիւն ունէր, դարձեալ կը սորվեցնէր անոնց։

Western Armenian Bible 1853

¹ Անկէ ելլելով՝ Հրէաստանի սահմանները գնաց՝ Յորդանանի անդիի կողմէն։ Նորէն ժողովուրդը անոր քով կը ժողվուէին եւ ինչպէս սովորութիւն ունէր, դարձեալ կը սորվեցնէր անոնց։

ՄԱՐԿՈՍ 10:1 Iomraidhean Croise

ՄԱՏԹԷՈՍ 26:55

Ապա Յիսուս ամբոխին դառնալով ըսաւ. – Աւազա՞կ եմ որ այդպէս սուրերով եւ բիրերով վրաս կը յարձակիք՝ զիս ձերբակալելու համար։ Ամէն օր ձեզի հետ տաճարին մէջ կը նստէի եւ կ՚ուսուցանէի ու չձերբակալեցիք զիս։

ՄԱՏԹԷՈՍ 4:23

Յիսուս Գալիլեայի բոլոր կողմերը շրջելով՝ ժողովարաններուն մէջ կ՚ուսուցանէր, Աստուծոյ արքայութեան Աւետարանը կը քարոզէր եւ ժողովուրդը կը բժշկէր բոլոր ցաւերէն ու հիւանդութիւններէն։

ՄԱՐԿՈՍ 1:21

Մտան Կափառնաում։ Շաբաթ օրը, Յիսուս ժողովարան գնաց եւ սկսաւ ուսուցանել։

ՄԱՐԿՈՍ 10:2

Փարիսեցիները Յիսուսը փորձելու մտադրութեամբ մօտեցան անոր եւ հարցուցին. – Մեր Օրէնքին համաձայն մէկը իրաւունք ունի՞ իր կինը արձակելու։

ՄԱՐԿՈՍ 12:35

Յիսուս տաճարին մէջ ուսուցանելու ընթացքին հարցուց ժողովուրդին. – Օրէնքի ուսուցիչները ի՞նչպէս կ՚ըսեն՝ թէ Քրիստոս Դաւիթի Որդին է,

ՄԱՐԿՈՍ 14:49

Ամէն օր ձեզի հետ էի եւ կ՚ուսուցանէի տաճարին մէջ ու չձերբակալեցիք զիս։ Բայց այս բոլորը կը պատահին, որպէսզի Սուրբ գիրքերուն մէջ ըսուածները իրականանան։

ՄԱՐԿՈՍ 2:13

Յիսուս կրկին Գալիլեայի լիճին եզերքը գնաց։ Ամբողջ ժողովուրդը իրեն կու գար եւ ինք անոնց կ՚ուսուցանէր։

ՄԱՐԿՈՍ 4:2

Անիկա առակներով անոնց շատ բան կը սորվեցնէր։ Իր քարոզութեան ընթացքին ըսաւ. –

ՄԱՐԿՈՍ 6:2

Երբ Շաբաթ օրը եկաւ, անիկա ժողովարանին մէջ սկսաւ ուսուցանել։ Շատեր երբ կը լսէին, կը զարմանային անոր ուսուցումներուն վրայ եւ կ՚ըսէին. – Ասիկա ուրկէ՞ այսչափ բան գիտէ։ Այս ի՞նչ իմաստութիւն է որ տրուած է իրեն։ Ինչպէ՞ս այսպիսի հրաշքներ կը կատարէ։

ՄԱՐԿՈՍ 6:34

Երբ Յիսուս նաւակէն դուրս ելաւ եւ տեսաւ ամբոխը, գթաց անոնց, որովհետեւ հովիւ չունեցող ոչխարներու կը նմանէին։ Ապա սկսաւ շատ բաներ ուսուցանել անոնց։

ՄԱՐԿՈՍ 6:6

Եւ կը զարմանար իր քաղաքացիներուն անհաւատութեան վրայ։ Յիսուս շրջակայ գիւղերը պտըտելով՝ կ՚ուսուցանէր։

ՅՈՎՀԱՆՆՈԻ 10:40

Ապա կրկին գնաց Յորդանան գետին դիմացի կողմը, հոն՝ ուր Յովհաննէս նախապէս կը գտնուէր եւ կը մկրտէր։ Ու հոն մնաց։

ՅՈՎՀԱՆՆՈԻ 11:7

Յետոյ ըսաւ իր աշակերտներուն. – Եկէք կրկին Հրէաստան երթանք։

ՅՈՎՀԱՆՆՈԻ 18:20

Յիսուս պատասխանեց. – Ես հրապարակաւ խօսեցայ բոլորին, ամէն ատեն սորվեցուցի ժողովարաններու եւ տաճարին մէջ, ուր բոլոր Հրեաները կը հաւաքուէին. ես գաղտնի բան բնաւ չեմ խօսած։