ՄԱՏԹԷՈՍ 4:3 - Western Armenian New Translation - Armenian Catholicosate of Cilicia - New Testament

³ Այն ատեն փորձիչը՝ Սատանան, մօտեցաւ իրեն եւ ըսաւ. – Եթէ Աստուծոյ Որդի ես, ըսէ՛ որ այս քարերը հաց դառնան։

Արեւմտահայերէն Նոր Կտակարան հարմարցուած․ 2017

³ Փորձողը անոր մօտենալով՝ ըսաւ. «Եթէ դուն Աստուծոյ Որդին ես, ըսէ որ այս քարերը հաց ըլլան»։

Western Armenian Bible 1853

³ Փորձողը անոր մօտենալով՝ ըսաւ. «Եթէ դուն Աստուծոյ Որդին ես, ըսէ որ այս քարերը հաց ըլլան»։

ՄԱՏԹԷՈՍ 4:3 Iomraidhean Croise

ՄԱՏԹԷՈՍ 14:33

Նաւակին մէջ գտնուող աշակերտները երկրպագեցին Յիսուսի եւ ըսին. – Իսկապէս դուն Աստուծոյ Որդին ես։

ՄԱՏԹԷՈՍ 16:16

Սիմոն Պետրոս պատասխանեց. – Դուն Քրիստոսն ես, կենդանի Աստուծոյ Որդին։

ՄԱՏԹԷՈՍ 26:63

Բայց Յիսուս լուռ կը մնար։ Քահանայապետը դարձեալ հարցուց Յիսուսի. – Կենդանի Աստուծոյ անունով՝ ըսէ՛ մեզի թէ դո՞ւն ես Քրիստոսը, Աստուծոյ Որդին։

ՄԱՏԹԷՈՍ 3:17

Եւ ահա երկինքէն լսուեցաւ ձայն մը, որ կ՚ըսէր. – Ատիկա է իմ սիրելի Որդիս, որուն ես հաճեցայ։

ՄԱՐԿՈՍ 1:1

Այսպէս կը սկսի Աստուծոյ Որդիին՝ Յիսուս Քրիստոսի Աւետարանը։

ՄԱՐԿՈՍ 3:11

Իսկ չար ոգիները երբ զինք կը տեսնէին, կ՚իյնային իր առջեւ եւ կ՚աղաղակէին. «Դուն Աստուծոյ Որդին ես»։

ՄԱՐԿՈՍ 5:7

եւ բարձր ձայնով աղաղակեց. – Ինձմէ ի՞նչ կ՚ուզես, Յիսո՛ւս, բարձրեալ Աստուծոյ Որդին, Աստուծոյ սիրոյն, զիս մի՛ տանջեր։ (

ՂՈԻԿԱՍ 1:35

Հրեշտակը պատասխանեց. – Սուրբ Հոգին քեզի պիտի գայ եւ Բարձրեալին զօրութիւնը քու վրադ պիտի հանգչի. ուստի ծնելիք զաւակդ սուրբ է եւ Աստուծոյ Որդի պիտի կոչուի։

ՂՈԻԿԱՍ 22:70

Բոլորը ըսին. – Ուրեմն դուն Աստուծոյ Որդի՞ն ես։ Յիսուս պատասխանեց. – Դուք կ՚ըսէք արդէն որ ես եմ։

ՂՈԻԿԱՍ 4:3

Սատանան ըսաւ իրեն. – Եթէ Աստուծոյ Որդին ես, հրամայէ՛ որ այս քարը հաց դառնայ։

ՂՈԻԿԱՍ 4:41

Շատերու մէջէն դեւեր ալ կ՚ելլէին, որոնք բարձրաձայն կ՚ըսէին. – Դուն Աստուծոյ Որդին ես։ Սակայն Յիսուս կը սաստէր զանոնք եւ չէր ձգեր որ խօսին, քանի դեւերը գիտէին թէ ինք Քրիստոսն է։

ՂՈԻԿԱՍ 4:9

Յետոյ Սատանան զայն Երուսաղէմ տարաւ եւ կանգնեցուց տաճարի աշտարակներէն մէկուն վրայ եւ ըսաւ անոր. – Եթէ Աստուծոյ Որդին ես, դուն քեզ այստեղէն վար նետէ։

ՅՈՎՀԱՆՆՈԻ 1:34

Ես տեսայ ատիկա եւ կը վկայեմ թէ ի՛նքն է Աստուծոյ Որդին։

ՅՈՎՀԱՆՆՈԻ 1:49

Նաթանայէլ ըսաւ. – Ռաբբի՛, դուն Աստուծոյ Որդին ես, դուն Իսրայէլի թագաւորն ես։

ՅՈՎՀԱՆՆՈԻ 20:31

Իսկ այսքանը գրուեցաւ, որպէսզի հաւատաք թէ Յիսուսն է Քրիստոսը, Աստուծոյ Որդին, եւ իրեն հանդէպ ձեր ունեցած հաւատքին միջոցաւ յաւիտենական կեանք ունենաք։

ՅՈՎՀԱՆՆՈԻ 9:35

Յիսուս լսեց թէ անոնք դուրս դրեր են մարդը, եւ երբ գտաւ զայն՝ հարցուց անոր. – Դուն կը հաւատա՞ս Աստուծոյ Որդիին։

ԳՈՐԾՔ ԱՌԱՔԵԼՈՑ 9:20

Անմիջապէս ժողովարանները երթալով Յիսուսը կը քարոզէր, ըսելով. –Աստուծոյ Որդին է ան։

ԵՐԿՐՈՐԴ ԿՈՐՆԹԱՑԻՍ 1:19

Որովհետեւ Աստուծոյ Որդին՝ Յիսուս Քրիստոս եւս, որ մենք՝ ես, Սիղուանոսը եւ Տիմոթէոսը ձեզի քարոզեցինք, աշխարհին տրուած Այո եւ Ոչ չէր, այլ՝ Աստուծոյ Այոն եղաւ։

ԳԱՂԱՏԱՑԻՍ 2:20

Այո՛, Քրիստոսի հետ խաչին վրայ մեռայ եւ այլեւս կենդանի եմ. ես չէ որ կ՚ապրիմ, այլ՝ Քրիստոս է որ կ՚ապրի իմ մէջս։ Այս կեանքը, որ այժմ կ՚ապրիմ մարմնով, կ՚ապրիմ՝ հաւատալով Աստուծոյ Որդիին, որ զիս սիրեց եւ իր կեանքը զոհեց ինծի համար։

ԱՌԱՋԻՆ ԹԵՍԱՂՈՆԻԿԵՑԻՍ 3:5

Ճիշդ այդ պատճառով ալ, ես այլեւս չկարենալով համբերել՝ Տիմոթէոսը ղրկեցի, գիտնալու համար թէ ի՛նչ վիճակի մէջ է ձեր հաւատքը, խորհելով՝ որ չըլլայ թէ Փորձիչը ձեզ փորձութեան մատնած ըլլայ եւ մեր ամբողջ աշխատանքը ի զուր անցած ըլլայ։

ԵԲՐԱՅԵՑԻՍ 12:16

Չըլլայ որ մէկը Աստուծոյ անհաւատարիմ կամ անոր պարգեւները արհամարհող ըլլայ Եսաւին պէս, որ կերակուրի մը համար իր անդրանկութիւնը ծախեց։

ԵԲՐԱՅԵՑԻՍ 4:14

Հետեւաբար ամուր պահենք մեր դաւանած հաւատքը, որովհետեւ հիմա երկինքի սրբարանը մտած մեծ Քահանայապետ մը ունինք, Յիսուսը, Աստուծոյ Որդին։

ԵԲՐԱՅԵՑԻՍ 7:3

Մելքիսեդեկի ո՛չ հայրը յայտնի է, ո՛չ մայրը եւ ո՛չ ալ ծագումը. իր կեանքին ո՛չ սկիզբը գիտենք եւ ո՛չ ալ վախճանը։ Նման է Աստուծոյ Որդիին. մշտնջենական քահանայ է։

ԱՌԱՋԻՆ ՅՈՎՀԱՆՆՈՒ 3:8

Իսկ ով որ մեղք կը գործէ՝ Սատանային հետեւող մըն է, որովհետեւ Սատանան սկիզբէն ի վեր մեղք կը գործէ։ Եւ Աստուծոյ Որդին աշխարհ եկաւ՝Սատանային գործունէութեան վերջ դնելու համար։

ՅԱՅՏՆՈՒԹԻՒՆ 2:10

Մի՛ վախնար այն չարչարանքներուն համար, որ պիտի կրես։ Ահա Բանսարկուն ձեզմէ ոմանք բանտ պիտի նետէ՝ ձեզ փորձելու համար, եւ ձեր նեղութիւնը տասը օր պիտի տեւէ։ Հաւատարիմ եղիր ինծի, նոյնիսկ եթէ մեռնիլ պէտք է, եւ ես քեզի կեանքի պսակը պիտի տամ»։