ՂՈԻԿԱՍ 5:1 - Western Armenian New Translation - Armenian Catholicosate of Cilicia - New Testament

¹ Յիսուս Գեննեսարէթի լիճին եզերքը կեցած էր, երբժողովուրդը սկսաւ իր շուրջ խառնուիլ՝ լսելու համար Աստուծոյ խօսքը։

Արեւմտահայերէն Նոր Կտակարան հարմարցուած․ 2017

¹ Օր մը, երբ ժողովուրդը անոր բոլորտիքը դիզուեցաւ Աստուծոյ խօսքը լսելու համար, ինք Գեննեսարէթի ծովակին քով կեցեր էր,

Western Armenian Bible 1853

¹ Օր մը, երբ ժողովուրդը անոր բոլորտիքը դիզուեցաւ Աստուծոյ խօսքը լսելու համար, ինք Գեննեսարէթի ծովակին քով կեցեր էր,

ՂՈԻԿԱՍ 5:1 Iomraidhean Croise

ՄԱՏԹԷՈՍ 11:12

Յովհաննէս Մկրտիչի քարոզութեան օրերէն մինչեւ այսօր մարդիկ երկինքի արքայութիւնը ձեռք ձգելու համար ոյժ կը բանեցնեն, եւ զօրաւորները ձեռք կը ձգեն զայն։

ՄԱՏԹԷՈՍ 14:34

Ապա անցնելով դիմացի կողմը, ցամաք ելան Գեննեսարէթ։

ՄԱՐԿՈՍ 3:9

Ժողովուրդը ա՛յնքան շատ էր, որ Յիսուս իր աշակերտներուն ըսաւ որ նաւակ մը պատրաստեն, որպէսզի ժողովուրդը զինք չհրմշտկէ։

ՄԱՐԿՈՍ 4:1

Յիսուս դարձեալ սկսաւ ուսուցանել Գալիլեայի լիճինեզերքը։ Ժողովուրդը ա՛յնքան խռնուեցաւ իր շուրջ, որ ինք նաւակ մտաւ եւ հոն նստաւ, իսկ ժողովուրդը ցամաքին վրայ լիճին ամբողջ եզերքը բռնած էր։

ՄԱՐԿՈՍ 5:24

Յիսուս գնաց Յայրոսի հետ։ Իրեն հետ խուռն բազմութիւն մըն ալ կ՚երթար եւ կը նեղէր զինք։

ՄԱՐԿՈՍ 6:53

Ապա լիճին դիմացը անցնելով եկան Գեննեսարէթ, ուր ցամաք ելան։

ՂՈԻԿԱՍ 12:1

Մինչ հազարաւոր մարդիկ սկսան Յիսուսի շուրջ խռնուիլ, այնքան որ իրար կը կոխկռտէին, Յիսուս իր աշակերտներուն ըսաւ. – Նախ եւ առաջ զգուշացէ՛ք Փարիսեցիներուն թթխմորէն, այսինքն՝ անոնց կեղծաւորութենէն։

ՂՈԻԿԱՍ 5:2

Անիկա երկու նաւակներ տեսաւ լիճին եզերքը. իսկ ձկնորսները նաւակէն դուրս ելած՝ իրենց ուռկանները կը լուային։

ՂՈԻԿԱՍ 8:22

Օր մը Յիսուս նաւակ ելաւ իր աշակերտներուն հետ եւ անոնց ըսաւ. – Եկէք լիճին միւս կողմը անցնինք։ Ու ճամբայ ելան։

ՂՈԻԿԱՍ 8:23

Մինչ աշակերտները կը նաւարկէին, Յիսուս քնացաւ։ Յանկարծ զօրաւոր փոթորիկ մը փչեց լիճին վրայ. ալիքները նաւակին մէջ կը թափէին. բոլորն ալ վտանգի մէջ էին։

ՂՈԻԿԱՍ 8:33

Չար ոգիները մարդուն մէջէն ելլելով՝ մտան խոզերուն մէջ, եւ խոզերու երամակը գահավէժ խուժեց դէպի լիճ եւ խեղդուեցաւ։

ՂՈԻԿԱՍ 8:45

Յիսուս հարցուց. – Ո՞վ դպաւ ինծի։ Բոլորն ալ կ՚ուրանային։ Պետրոս եւ իրեն ընկերակցողները ըսին. – Վարդապե՛տ, ժողովուրդը չորս կողմէն կը հրէ ու կը հրմշտկէ քեզ, եւ դուն ալ կ՚ըսես՝ «Ո՞վ դպաւ ինծի»։

ՅՈՎՀԱՆՆՈԻ 1:40

Անդրէասը՝ Սիմոն Պետրոսի եղբայրը, մէկն էր այն երկու աշակերտներէն, որոնք Յովհաննէսի վկայութիւնը լսեցին եւ Յիսուսի հետեւեցան։

ՅՈՎՀԱՆՆՈԻ 6:1

Ասկէ ետք Յիսուս Գալիլեայի լիճին դիմացի կողմըանցաւ։ Լիճը Տիբերիայի լիճ ալ կը կոչուէր։

ԵԲՐԱՅԵՑԻՍ 13:7

Յիշեցէ՛ք ձեր առաջնորդները, որոնք Աստուծոյ խօսքը բերին ձեզի։ Նայեցէք թէ ի՛նչպէս ապրեցան եւ ի՛նչպէս մեռան անոնք, եւ օրինակ առէք անոնց հաւատքէն։