ՂՈԻԿԱՍ 3:11 - Western Armenian New Translation - Armenian Catholicosate of Cilicia - New Testament

¹¹ Յովհաննէս պատասխանեց. – Ով որ երկու հագուստ ունի՝ թող մէկը չունեցողին տայ, իսկ ով որ ուտելիք ունի՝ նոյնպէս ուրիշին հետ թող կիսէ։

Արեւմտահայերէն Նոր Կտակարան հարմարցուած․ 2017

¹¹ Պատասխան տուաւ ու ըսաւ անոնց. «Ով որ երկու հանդերձ ունի, թող մէկը չունեցողին տայ եւ ով որ կերակուր ունի, նոյնպէս ընէ»։

Western Armenian Bible 1853

¹¹ Պատասխան տուաւ ու ըսաւ անոնց. «Ով որ երկու հանդերձ ունի, թող մէկը չունեցողին տայ եւ ով որ կերակուր ունի, նոյնպէս ընէ»։

ՂՈԻԿԱՍ 3:11 Iomraidhean Croise

ՄԱՏԹԷՈՍ 25:40

Թագաւորը պիտի պատասխանէ անոնց. «Կ՚ըսեմ ձեզի, որովհետեւ իմ այս փոքր եղբայրներէս մէկուն ըրիք, ինծի ըրած եղաք»։

ՂՈԻԿԱՍ 11:41

Բայց ինչ որ կրնաք՝ տուէք իբրեւ ողորմութիւն, եւ ահա ամէն ինչ մաքուր պիտի ըլլայ ձեզի համար։

ՂՈԻԿԱՍ 18:22

Յիսուս երբ ասիկա լսեց, ըսաւ իշխանաւորին. – Մէկ բան տակաւին պէտք է ընես։ Ինչ որ ունիս՝ ծախէ եւ աղքատներուն տուր. այդպիսով երկինքի մէջ գանձ պիտի ունենաս, եւ ապա եկուր հետեւէ ինծի։

ՂՈԻԿԱՍ 19:8

Զակքէոս ոտքի ելաւ եւ Տիրոջ ըսաւ. – Տէ՛ր, ահա ունեցածիս կէսը աղքատներուն պիտի տամ եւ եթէ ոեւէ մէկը անիրաւած եմ՝ քառապատիկ պիտի հատուցանեմ անոր։

ՅՈՎՀԱՆՆՈԻ 13:29

Եւ որովհետեւ Յուդայի մօտ կը գտնուէր գանձանակը, աշակերտներէն ոմանք կարծեցին՝ թէ Յիսուս անոր ըսաւ. «Գնա՛ եւ տօնին առիթով ինչ որ մեզի պէտք է՝ գնէ, եւ կամ աղքատներուն բան մը տուր»։

ԳՈՐԾՔ ԱՌԱՔԵԼՈՑ 10:2

Ասիկա իր ամբողջ ընտանիքով բարեպաշտ էր եւ աստուածավախ. մեծապէս կ՚օգնէր Հրեայ ժողովուրդի աղքատներուն եւ տեւաբար կ՚աղօթէր Աստուծոյ։

ԳՈՐԾՔ ԱՌԱՔԵԼՈՑ 10:31

եւ ըսաւ. «Կոռնելիո՛ս, Աստուած լսեց աղօթքներդ եւ տեսաւ կատարած ողորմութիւններդ։

ԳՈՐԾՔ ԱՌԱՔԵԼՈՑ 10:4

Կոռնելիոս զարհուրանքով նայեցաւ անոր եւ հարցուց. –Ի՞նչ կայ, Տէ՛ր։ Եւ հրեշտակը ըսաւ. –Աստուած ընդունեց քու աղօթքներդ ու կատարած ողորմութիւններդ։

ԵՓԵՍԱՑԻՍ 4:28

Ով որ գողութեամբ կ՚ապրէր՝ թող այլեւս չգողնայ, այլ՝ վարժուի արդար վաստակով ո՛չ միայն իր հացը շահելու, այլ նաեւ բարիք գործելու, օգնելով անոնց՝ որոնք կարօտ են։

ԱՌԱՋԻՆ ՏԻՄՈԹԷՈՍ 6:17

Այս աշխարհի հարուստներուն պատուիրէ որ շատ չհպարտանան եւ անկայուն հարստութեան չվստահին, այլ՝ վստահին Աստուծոյ, որ ամէն ինչ առատօրէն կու տայ մեզի, որպէսզի վայելենք։

ԱՌԱՋԻՆ ՏԻՄՈԹԷՈՍ 6:18

Պատուիրէ որ բարիք գործեն, լաւ գործերով հարստանան, եւ ըլլան առատաձեռն, սիրալիր եւ իրենց ունեցածով ուրիշներուն օգնելու պատրաստ։

ԵԲՐԱՅԵՑԻՍ 6:10

Աստուած անարդար չէ. չի մոռնար ձեր գործերը եւ այն սէրը՝ որ իր անունով ցուցաբերեցիք՝ ձեր քրիստոնեայ եղբայրներուն օգտակար ըլլալով, ինչպէս կը շարունակէք մինչեւ հիմա։

ՅԱԿՈԲՈՒ 1:27

Հօր Աստուծոյ համար անկեղծ եւ իսկական բարեպաշտութիւնը՝ կարօտութեան մէջ եղող որբերուն եւ այրիներուն այցելու եւ օգնական ըլլալն է, եւ աշխարհի մէջ ապրելով հանդերձ՝ ինքզինք անարատ պահելը։

ՅԱԿՈԲՈՒ 2:14

Եղբայրնե՛րս, ի՞նչ օգուտ այն մարդուն՝ որ կ՚ըսէ թէ հաւատք ունի, երբ որ հաւատքին արտայայտութիւնը եղող գործեր չունի։ Միթէ այդպիսի հաւատքը կրնա՞յ զայն փրկել։

ԱՌԱՋԻՆ ՅՈՎՀԱՆՆՈՒ 3:17

Այն մարդը, որ նիւթական ամէն բարիք ունի, եւ տեսնելով հանդերձ թէ իր մէկ եղբայրը օգնութեան կարօտ է՝ իր գութը չի շարժիր, ի՞նչպէս կրնայ ըսել՝թէ Աստուծոյ սէրը ունի իր մէջ։

ԱՌԱՋԻՆ ՅՈՎՀԱՆՆՈՒ 4:20

Այն մարդը որ կ՚ըսէ՝ «Ես կը սիրեմ զԱստուած», բայց իր եղբայրը կ՚ատէ, ստախօս մըն է։ Ով որ չի սիրեր իր եղբայրը՝ որ կը տեսնէ, ի՞նչպէս կրնայ սիրել զԱստուած՝ որ չի տեսներ։