ՂՈԻԿԱՍ 23:2 - Western Armenian New Translation - Armenian Catholicosate of Cilicia - New Testament

² եւ սկսան ամբաստանել զայն, ըսելով. – Մենք տեսանք որ այս մարդը մեր ժողովուրդը կը մոլորեցնէր եւ կ՚արգիլէր կայսրին տուրք տալ, ինչպէս նաեւ իր անձին համար կ՚ըսէր՝ թէ ինք Քրիստոսն է, օծեալ թագաւորը։

Արեւմտահայերէն Նոր Կտակարան հարմարցուած․ 2017

² ու սկսան անոր վրայով ամբաստանութիւն ընել եւ ըսել. «Ասիկա գտանք, որ մեր ազգը կը մոլորեցնէր ու Կայսրին հարկ տալէ կ’արգիլէր եւ իրեն համար կ’ըսէր թէ ինք Քրիստոս ու թագաւոր է»։

Western Armenian Bible 1853

² Ու սկսան անոր վրայով ամբաստանութիւն ընել եւ ըսել. «Ասիկա գտանք, որ մեր ազգը կը մոլորեցնէր ու Կայսրին հարկ տալէ կ’արգիլէր եւ իրեն համար կ’ըսէր թէ ինք Քրիստոս ու թագաւոր է»։

ՂՈԻԿԱՍ 23:2 Iomraidhean Croise

ՄԱՏԹԷՈՍ 17:27

Բայց որպէսզի այդ մարդիկը չգայթակղեցնենք, ծով գնա ու կարթ նետէ, եւ առաջին ձուկը որ բռնես՝ անոր բերանը բաց եւ հոն արծաթ դրամ մը պիտի գտնես։ Տար դրամը անոնց տուր, իմ եւ քու տեղդ։

ՄԱՏԹԷՈՍ 22:21

Անոնք պատասխանեցին. – Կայսրին։ Այն ատեն Յիսուս ըսաւ անոնց. – Գացէք եւ ինչ որ կայսրին կը պատկանի՝ կայսրին տուէք, եւ ինչ որ Աստուծոյ՝ Աստուծոյ տուէք։

ՄԱՏԹԷՈՍ 27:11

Երբ Յիսուս կառավարիչին դիմաց կանգնեցաւ, կառավարիչը հարցուց իրեն. – Դո՞ւն ես Հրեաներու թագաւորը։ Յիսուս պատասխանեց. – Ահա դո՛ւն կ՚ըսես։

ՄԱՐԿՈՍ 12:17

Յիսուս ըսաւ անոնց. – Գացէք եւ ինչ որ կայսրին կը պատկանի՝ կայսրին տուէք եւ ինչ որ Աստուծոյ՝ Աստուծոյ տուէք։ Եւ բոլորն ալ հիացան իր վրայ։

ՄԱՐԿՈՍ 15:2

Պիղատոս հարցուց Յիսուսի. – Դո՞ւն ես Հրեաներու թագաւորը։ Յիսուս պատասխանեց. – Ահա դո՛ւն կ՚ըսես։

ՂՈԻԿԱՍ 23:14

եւ ըսաւ անոնց. – Դուք այս մարդը ինծի բերիք, ըսելով թէ ժողովուրդը ապստամբութեան կը մղէ։ Ահա ձեր ներկայութեան ես հարցաքննեցի զայն եւ իր մասին ձեր ըրած ամբաստանութիւններէն ո՛չ մէկ բան գտայ իր վրայ։

ՂՈԻԿԱՍ 23:5

Սակայն անոնք կը պնդէին ու կ՚ըսէին. – Անիկա իր ուսուցումներով ամբողջ ժողովուրդը ըմբոստութեան կը մղէ ամբողջ Հրէաստանի մէջ, Գալիլեայէն սկսեալ մինչեւ հոս։

ՅՈՎՀԱՆՆՈԻ 18:29

Ուստի Պիղատոս դուրս ելաւ եւ հարցուց. – Ի՞նչ բանով կ՚ամբաստանէք այս մարդը։

ՅՈՎՀԱՆՆՈԻ 18:30

Անոնք պատասխանեցին. – Եթէ այս մարդը չարագործ չըլլար՝ քեզի չէինք յանձներ զայն։

ՅՈՎՀԱՆՆՈԻ 19:12

Այս խօսքին վրայ՝ Պիղատոս կերպ մը կը փնտռէր, որ ազատ արձակէ Յիսուսը, բայց Հրեայ ղեկավարները կ՚աղաղակէին. – Եթէ ազատ արձակես՝ կայսրին բարեկամ չես։ Ով որ ինքզինք թագաւոր կը կոչէ՝ հակառակ է կայսրին։

ԳՈՐԾՔ ԱՌԱՔԵԼՈՑ 24:13

ոչ ալ կրնան ոեւէ ապացոյց բերել այն ամբաստանութիւններուն համար՝ որ ինծի դէմ կ՚ընեն հիմա։

ԳՈՐԾՔ ԱՌԱՔԵԼՈՑ 24:5

Մեզի համար այս մարդը աղէտ մըն է։ Ապստամբութիւն կը հրահրէ ամբողջ աշխարհի Հրեաներուն մէջ եւ Նազովրեցիներու աղանդին պարագլուխն է։

ՀՌՈՎՄԱՅԵՑԻՍ 13:7

Հետեւաբար անոնցմէ իւրաքանչիւրին հանդէպ ձեր պարտաւորութիւնը կատարեցէք, տուրքը տալով անոր՝ որուն տուրք պէտք է տաք, մաքսը տալով անոր՝ որուն մաքս պէտք է տաք, հնազանդելով անոր՝ որուն հնազանդութիւն կը պարտիք եւ յարգելով ան՝ որուն յարգանք կը պարտիք։