ՂՈԻԿԱՍ 21:8 - Western Armenian New Translation - Armenian Catholicosate of Cilicia - New Testament

⁸ Յիսուս ըսաւ. – Զգոյշ եղէք. չխաբուի՛ք։ Շատեր իմ անունովս պիտի գան եւ ըսեն. «Ես եմ Քրիստոսը», կամ՝ «Ժամանակը հասած է»։ Բայց մի՛ հետեւիք անոնց։

Արեւմտահայերէն Նոր Կտակարան հարմարցուած․ 2017

⁸ Ան ալ ըսաւ. «Զգոյշ կեցէք, չխաբուիք, վասն զի շատերը պիտի գան իմ անունովս ու ըսեն թէ՝ ‘Ես եմ Քրիստոսը ու ժամանակը մօտեցած է’. ուստի անոնց ետեւէն մի երթաք։

Western Armenian Bible 1853

⁸ Ան ալ ըսաւ. «Զգոյշ կեցէք, չխաբուիք, վասն զի շատերը պիտի գան իմ անունովս ու ըսեն թէ՝ ‘Ես եմ Քրիստոսը ու ժամանակը մօտեցած է’. ուստի անոնց ետեւէն մի երթաք։

ՂՈԻԿԱՍ 21:8 Iomraidhean Croise

ՄԱՏԹԷՈՍ 24:11

Յետոյ բազմաթիւ սուտ մարգարէներ պիտի ելլեն ու շատերը մոլորեցնեն։

ՄԱՏԹԷՈՍ 3:2

ըսելով. – Ապաշխարեցէ՛ք, որովհետեւ երկինքի արքայութիւնը մօտեցած է։

ՄԱՏԹԷՈՍ 4:17

Եւ այդ օրէն Յիսուս սկսաւ քարոզել, ըսելով. – Ապաշխարեցէ՛ք, որովհետեւ երկինքի արքայութիւնը մօտեցած է։

ՂՈԻԿԱՍ 17:23

Եւ եթէ ձեզի ըսեն՝ «Ահա հոս է կամ հոն», մտիկ մի՛ ընէք, մի՛ հետեւիք անոնց։

ՂՈԻԿԱՍ 21:7

Անոնք հարցուցին. – Վարդապե՛տ, ե՞րբ պիտի ըլլայ ատիկա։ Ի՞նչ նշանով պիտի գիտնանք թէ ե՛րբ ատիկա պիտի պատահի։

ՂՈԻԿԱՍ 21:9

Մի՛ սարսափիք, երբ լսէք պատերազմներու եւ խռովութիւններու մասին, որովհետեւ պէտք է որ նախ անոնք պատահին։ Սակայն ատիկա չի՛ նշանակեր թէ արդէն աշխարհի վախճանն է։

ՅՈՎՀԱՆՆՈԻ 5:43

Ես Հօրս անունով եկայ, բայց դուք չէք ընդունիր զիս. մինչդեռ եթէ մէկը ինքն իր անունով գայ՝ պիտի է ընդունիք զայն։

ՅՈՎՀԱՆՆՈԻ 8:24

Ահա ասոր համար ձեզի ըսի, թէ ձեր մեղքերուն մէջ պիտի մեռնիք։ Այո՛, եթէ չհաւատաք թէ Ես եմ, դուք պիտի մեռնիք ձեր մեղքերուն մէջ։

ՅՈՎՀԱՆՆՈԻ 8:28

Ուստի ըսաւ անոնց. – Երբ Մարդու Որդին բարձրացնէք, այն ատեն պիտի գիտնաք թէ Ես եմ, եւ թէ ոչինչ կ՚ընեմ ես ինձմէ, այլ կը խօսիմ այն՝ ինչ որ Հայրս սորվեցուց ինծի։

ԱՌԱՋԻՆ ԿՈՐՆԹԱՑԻՍ 6:9

Միթէ չէ՞ք գիտեր որ անիրաւութիւն ընողները Աստուծոյ արքայութիւնը պիտի չժառանգեն։ Դուք ձեզ չխաբէք։ Անոնք որ պոռնկութիւն կ՚ընեն կամ կռապաշտ են, կամ՝ շնացող, իգացեալ, արուագէտ,

ԵՓԵՍԱՑԻՍ 5:6

Հետեւաբար, չըլլայ որ ոեւէ մէկը պարապ խօսքերով ձեզ խաբէ. որովհետեւ այս բաներուն համար Աստուած իր բարկութիւնը պիտի թափէ անհնազանդ մարդոց վրայ։

ԵՐԿՐՈՐԴ ԹԵՍԱՂՈՆԻԿԵՑԻՍ 2:3

Չըլլա՛յ որ մէկը ձեզ խաբէ ոեւէ ձեւով։ Որովհետեւ Տիրոջ Օրը պիտի չգայ՝ մինչեւ որ նախ չգայ Տիրոջ դէմ վերջին ապստամբութիւնը, եւ չյայտնուի անօրէնութեան մարմնացումը եղող մարդը, կորուստի սահմանուած

ԵՐԿՐՈՐԴ ՏԻՄՈԹԷՈՍ 3:13

Իսկ չար եւ խաբեբայ մարդիկ աւելի եւս պիտի յառաջանան չարութեան մէջ. իրենք մոլորած՝ ուրիշներն ալ պիտի մոլորեցնեն։

ԱՌԱՋԻՆ ՅՈՎՀԱՆՆՈՒ 4:1

Սիրելինե՛ր, մի՛ հաւատաք ամէն մարդու՝ որ կ՚ըսէ թէ Աստուծոյ Հոգին ունի։ Փորձեցէ՛ք զանոնք, գիտնալու համար՝ թէ իրապէս Աստուծո՞յ Հոգիով կը խօսին. որովհետեւ բազմաթիւ սուտ մարգարէներ երեւան ելած են աշխարհի մէջ։

ԵՐԿՐՈՐԴ ՅՈՎՀԱՆՆՈՒ 1:7

Աշխարհի մէջ բազմաթիւ մոլորեցուցիչներ մէջտեղ ելեր են, որոնք կը մերժեն ընդունիլ՝ թէ Յիսուս Քրիստոս աշխարհ գալով իրապէս մարդացաւ։ Այդպիսիները մոլորեցուցիչ են եւ Քրիստոսի հակառակորդ։

ՅԱՅՏՆՈՒԹԻՒՆ 1:3

Երանի՜ անոր որ կը կարդայ ինչ որ այս գիրքին մէջ գրուած է, եւ երանի՜ անոնց որոնք կը լսեն ու կը պահեն այս մարգարէութեան պատգամները, որովհետեւ ժամանակը մօտեցած է։

ՅԱՅՏՆՈՒԹԻՒՆ 12:9

Մեծ վիշապը, այն առաջին օձը, որ Բանսարկու եւ Սատանայ կը կոչուի եւ որ ամբողջ աշխարհը մոլորեցուց, երկիր ձգուեցաւ։ Անոր հրեշտակներն ալ միասին վար ձգուեցան։